حرب لأجل العشق

الفصل الخامس

وبعد اكتر من شهر كان حمزه بيكلم فيهم سيليا يوميا وسيليا كمان كانت خدت عليه شويه لاكن برضو احساس الرهبه والخوف منه ومن كل حاجة حوليها لسه موجود لاكن كانت بدات تاخد عليه ف الكلام وتتكلم اكتر من الاول

وف يوم وهما بيتكلمو سيليا قالت : حمزه ممكن اطلب طلب لو سمحت

حمزه : اومري يقلبي وبعدين انتي متستأذنيش انتي تقولي اللي انتي عايزاه علطول

سيليا بتوتر شديد بان ف نبرة صوتها : حمزه ينفع نتقابل بكره ف الجنينه زي ما اتقابلنا قبل كدا وكمان ف نفس المعاد بعد درسي

حمزه بهدوء وسعادة من طلبها : اكيد ي حبيبي اللي انتي عايزاه بس ممكن اعرف ليه

سيليا بخجل وتوتر : ها لا ابدا انا كنت.... يعني ... كنت عاوزه اقولك حاجة ومش هينفع ف الفون

حمزه بخبث وهو عاجبه خجلها وتوترها دا : حاجة ايه دي اللي انتي عايزاني فيها وطلبتي تشوفيني مخصوص علشانها

سيليا وهي مش قادره تتكلم من نبضات قلبها السريعة وكانها ف سباق : مهو مهو مش هينفع ف الفون ي حمزه و و ويلا بقي انا لازم اقفل علشان هنام

حمزه بضحك : خلاص خلاص يينتي بهزر والله خلاص مش هغلس عليكي بس متقفليش ي ليلو بالله عليكي

سيليا باستغراب : ليلو!! اول مره حد يدلعني بالاسم دا

حمزه بنبره مليانة حب : خلاص ي ستي من هنا ورايح هقولك ي ليلو وانتي من هنا لبكره فكري ف اسم دلع تقوليهولي ومش عايز اعرف غير بكره لما اشوفك اتفقنا

سيليا : اتفقنا

وبعد مده من الكلام

سيليا بتعب وصوت ناعس : حمزه انا اسفه ي حبيبي بس هموت وانام مش قادره اصحي اكتر من كدا بجد

حمزه بصدمة : انتي قولتي ايه

سيليا باستغراب وعدم تركيز : قولت عايزة انام

حمزه بسرعة : اه قولتي عايزة تنامي وقولتيلي ي ايه

سيليا بعد ما ركزت هي قالت ايه : ه ها لا لا مقولتش حاجة يلا تصبح علي خير ي حمزه

حمزه وهو بيبتسم ومحبش يغلس عليها : وانتي من اهلي ي حبي

وقفلو ومسافة ما سيليا قفلت الفون راحت ف النوم اما حمزه فضل قاعد شويه وهو بيفتكر كلامهم مع بعض ونبره صوتها وهي بتقوله حبيبي ساعتها ابتسم بهيام و نام هو كمان

وتاني يوم صحي حمزه وطلع من اوضته لقي امه واخوه قاعدين ف الصاله

حمزه بصوت نايم : صباح الخير

ليلي و نادر ردو عليه وبعدها نادر قال بخبث لحمزه : مالك ي حمزه شكلك تعبان كدا ليه

حمزه بتعب : مش قادر والله ي نادر هموت وانام تاني بس للاسف لازم انزل ورايا دروس كتير انهاردة