حرب لأجل العشق

الفصل السادس

بعد وقت حمزه حس بانتظام انفاس سيليا وعرف انها نامت
نيمها علي الكنبه واتعدل وفضل يتاملها وهو مبتسم وفرحان ومش مصدق ان حبه الوحيد بقت مراته وعلي اسمه

قطع سرحانه فيها صوت موبيله

حمزه : الو ي ماما

ليلي بضحك : ايه ي حمزه مش ناوي ترجع الليله ولا ايه

حمزه : هو في حاجة ولا ايه مش طنط امينه قالت لاهل سيليا انها هتبات معاها

ليلي : ايوه ي حبيبي بس الساعة بقت داخلة علي اتنين بليل و لازم يروحو بقي امينه وجوزها عايزين يمشو حتي قولت انها تبات هنا انهارده معايا بس باسم موافقش وقال مش هيمشي غير بيها

حمزه بضيق انها هتمشي وتبعد عنه : حاضر ي امي حاضر هنرجع اهو

ليلي بمشاكسه : معلش ي روميو هنخطف جوليت منك

حمزه بضحك : طيب ي امي يلا مع السلامه واحنا نص ساعة ونكون ف البيت

قفل حمزه مع ليلي وبص علي سيليا اللي نايمة

حمزه لنفسه وهو بيبصلها : طب افهم بس دي تبعد عني ازاي هعرف انام الليله دي ازاي بس فهموني ي ناس

حمزه بيصحي سيليا براحه وهو بيلمس علي شعرها : سيليا اصحي ي قلبي يلا

سيليا فتحت عنيها واتخضت وقامت بسرعه

حمزه عارف انها لسه مش واخده علي الوضع وانها بتصحي خايفه اصلا

حمزه وهو بيهديها : اهدي ي عمري دا انا انتي مراتي ي قلبي

سيليا بعد ما هديت وافتكرت بصتله بدموع وهي خايفة يكون زعل : انا اسفه ي حمزه والله غصب عني بصحي وانا دايما خايفة ومخضوضه والله مش قصدي

حمزه قرب منها وهو بيمسك وشها بين ايده وبيمسح دموعه اللي نزلت علي خدها : ششششش اهدي ي قلبي انا مش زعلان وعارف انه مش قصدك وكمان انتي لسه مخدتيش علي الوضع ف عادي ي قلبي اهدي مش عايز اشوف دموعك دي تاني

سيليا وهي بتبصله بلهفة : بجد ي حمزه مش زعلان مني

حمزه : مقدرش ازعل منك ي قلب حمزه

سيليا بصتله بحب وعشق ملهوش حدود : انا بحبك اوي ي حمزه

حمزه مقدرش يمنع نفسه وقرب منها وباسها بوسه طويلة وبعد عنها بعد وقت بص عليها لقي وشها احمر جدا و شفايفها ورمت شوية ومغمضه عنيها مقدرش يبعد عنها اكتر من كدا وقرب منها ودفن وشه ف رقبتها وباسها وهو بيلعب ف ازرار بلوزتها

حمزه مكانش قادر يبعد عن سيليا لاكن فجاه فاق لما لقاها بتترعش جامد وجسمها تلج

حمزه بخضه وهو بيبعد عن سيليا وشايف منظرها وهي بتترعش جامد : سيليا سيليا حبيبتي انا اسف والله مش هكررها تاني سيليا فوقي ي قلبي متخافيش