حرب لأجل العشق

الفصل الخامس عشر

وقفنا البارت اللي فات علي ان طارق شرط علي حمزه انه يتقدم لسيليا زي اي بنت ويتجوزو من تاني قدام الناس
________________

حمزه : والله انا مش هستني من حد يجي يقولي اعمل ايه ومعملش ايه مع مررراتي وحط مليون خط تحت كلمة مراتي ي حمايا العزيز ... وكمان انا كفيل اني اوقف اي حد يتكلم عن مراتي عند حده

ولكن انا موافق طبعا اني اعمل ل سيليا فرح زي اي بنت ونعلن جوازنا قدام الدنيا كلها ولكن عايز اسالك سؤال ي حمايا العزيز

طارق : اتفضل

حمزه : هل اللي عرف بجوازي انا وسيليا واللي بعتلكو الصور دا هيسيب الموضوع يعدي كدا

طارق باستغراب : بمعني؟؟

حمزه : بمعني اني متاكد ان الموضوع دا وراه غرض واحد وهو تشويه سمعة سيليا و اللي عمل كدا مش هيسمح ان غرضه مايتحققش ومش بعيد يبعت الصور دي لكل اللي يعرفو سيليا او العيلة عامتا

سيليا بصت لابوها بذعر من اللي حمزه بيقولو وقالت وهي بتوجه كلامها لحمزه : طب وبعدين ي حمزه

حمزه حس بقاقها من مبرة صوتها ف قال بهدوء : اولا انا عايزك تهدي ي قلبي

ثانيا بقي حضرتك ي حمايا العزيز هتقول ان سيليا اتكتب كتابها من يومين تلاته كدا ولا حاجة بس كتب الكتاب كان علي الضيق بين العائلتين بس يعني بدون عزومة

وعلشان محدش يستغرب الوضع هتقول اني ابقي ابن واحد صاحبك واننا كتبنا الكتاب علي طول بدون خطوبه بما ان العيلتين يعرفو بعض من قبل كدا

وكمان الكلام دا ياريت يكون دلوقتي يعني حضرتك هتنزل انت ويوسف وكريم وتبدأو تلفو علي الناس وتبلغوهم وكانكم بتشهرو يعني و ياريت لو توزعو اي حاجة علي الناس كمان فاهمني

يوسف : ايوة ي حمزه تمام هنعمل كدا دلوقتي

حمزه : تمام ي يوسف ... بالنسبة لحمايا العزيز حضرتك قولت انك هتيجي بسيلبا ورحمة الكلام دا هيكون امتي

طارق : هحجز اقرب طياره جاية علي لندن و هنيجي فيها

حمزه : تمام ماشي

يوسف : ماشي ي حمزه هقفل انا دلوقتي علشان نعمل اللي اتفقنا عليه

حمزه : تمام ي يوسف بس اديني سيليا الاول

سيليا خدت الفون وقفلت الاسبيكر وهي بتخرج للجنينه بره

سيليا : الو ي حمزه

حمزه : ايوة ي حبيبتي ... قبل اي حاجة اقفلي الاسبيكر وابعدي شوية

سيليا بابتسامة : عملت كدا قبل ما ارد عليك

حمزة : ماشي .... سيليا من غير كدب انتي كويسة ... حد فيهم عملك حاجة او حد مد ايده عليكي

سيليا بتوتر : اطمن ي حمزه انا كويسة والله وبابا ممدش ايده عليا والله