حرب لأجل العشق

الفصل الرابع

عند سيليا وصلت عند بيتها وخبت كيس الشوكلاته ف شنطتها ودخلت البيت واول ما دخلت امها زعقتلها وقالتلها : انتي ي بت جتتك نحست وخدت علي الضرب مش انتي اضربتي علشان تروقي الشقة اللي زي الزريبة دي

سيليا : هروق حاضر بس انا اضربت علشان كنت بذاكر ومش فاسية اقوم اروق لاكن انتي افتريتي ي امي وخلتيه يضربني لحد ما مبقاش فيه حته ف جسمي سليمه وياريت كفاكي لاكن كمان عايزاني اكمل عمايل وانا مش قادره اتحرك حاضر انا هروق لاكن بالله عليكي ي شيخة لو وقعت من طولي ماتيجو ناحيتي يمكن ربنا ياخد امانته بقي علشان الواحد يرتاح

امها بغضب : انتي بطولي لسانك عليا ي بت طب وربنا لما ابوكي يرجع لاخليه يكمل عليكي

سيليا بقهر واستهزاء : عادي مباقتش فارقه اخري هتعب وارقد يومين مش بتحرك عادي
انا بس عايزة افهم انتي ازاي بتعلمي اجيال ياتري بتعلميهم ايه القسوة والجحود ي ي استاذة

وقبل نا امها ترد كانت دخلت اوضتها

سيليا دخلت اوضتها ومسافة ما قفلت الباب كل الثبات الهدوء اللي كان علي وشها اتبخر ونزل دموعها ف صمت

غيرت هدومها وقعدت علي سريرها تبكي بقهر وبعدها قامت خدت كتبها وطلعت تذاكر علي السطح ك عادتها علشان تعرف تذاكر بعيد عن دوشه اخواتها وتحكمات امها

عند حمزه كان خلص الخناق مع اخوه ودخل خد دش وطلع

هشام بهدوء : تعالي ي حمزه عايزك

حمزه بعد ما راح قعد جنب ابوه : نعم ي حج خير

هشام : خير ي حبيبي بص ي حمزه انا هكلمك بخصوص البنت اللي بتحبها

حمزه جه يتكلم قاطعه ابوه وقال

بص ي حمزه انا مش هقولك ان اللي بتعمله دا حرام او غلط او او او او لان يبني مفيش انسان معصوم من الغلط ولازم تغلط علشان تتعلم لاكن هقولك حاة يبني

انا اكبر منك وعارف الدنيا اكتر منك وعارف كمان انك كنت قافل علي قلبك بالضبة والمفتاح دلوقتي وانت عارف انك انت وهي ف سن اغلب المشاعر بتكون مش مستقره

ومش هقولك متحبهاش وابعد عنها لاني عارف ابني كويس وعارف ان عقله اكبر من سنه بمراحل وهيعرف نفسه كويس

بس يبني بنت الناس دس لو قلبها اتعلق بيك واتكلمتو تبقي قد المسؤليه لانها مش مجرد واحده عجبتك حبيتها وخلاص ولو انت شايف نفسك يبني هتزهق ف يوم او هتمل تبقي تبعد عنها من اولها لانها هتخون ثقه اهلها علشان ف يبقي اللي هتعمله دا لازم يكون علشان راجل قد كلمته

فاهمني ي حمزه

حمزه بابتسامه وهدوء : فاهمك ي بابا لاكن انا هارف نفسي كويس ومعملتش اي خطوه غير لما اتاكدت اني فعلا بحبها واني مستعد اني اخليها يوم من الايام مراتي واتاكدت برضو انها اخلاقها كويسة جدا ومش معني انها لو امنتلي او كلمتني يبقي ابعد عنها بل بالعكس هي هتحط ثقتها فيا ولازم اكون قد الثقة دي