حرب لأجل العشق

الفصل الواحد والعشرون

في بيت صغير ف منطقة شعبيه متطرفة عن اسكندرية كانت مروة داخلة وهي مخبية وشها

مروة بعصبية للراجل اللي قدامها : ايه الزن دا ي متخلف انت

الراجل : اسفين ي هانم لكن الست اللي جوا دي مش مبطله صويت و لما ربطناها و كتمنا بؤها اغمي عليها و لما الدكتور بتاعنا جه قال دا ديق تنفس و مينفعش نفسها يتكتم و قولناله يديلها البتاع اللي بينيمها دا علشان تسكت قال برضو ان قلبها ضعيف و مش هيستحمل ادويه من النوع دا تاني

مروة بغضب : طب دخلني عندها اما اشوف اخرتها هي كمان

راح الراحل و فتح لمروة باب اوضه و دخلت كانت في ست مرمية علي الارض وهي متبهدله تماما و بتبص للباب بقهر

دخلت مروه و قعدت علي حرسي قدامها وهي بتبصلها بشماته و قالت : ايه ي فري الرجاله بتقول انك عامله دوشة كتير ليه

بصتلها فريدة بقهر و قالت : مش هسيبك تكملي اذية لكل الناس اللي حبيتهم ي مروة وهيجي اليوم و انهي شرك دا وابعدك عن الكل

مروة ضحكت بشماته و صوت عالي و قالت : ضحكتيني والله ي فري .. احلامك عجباني بس مش عايزة اصدمك واقولك ان اللي انتي عايزاه دا مستحيل ... (كملت بغل) مش هسمحلك ي فريدة تدمري اللي فضلت سنين ببنيه

فريدة بتحدي : هنشوف ي مروة هنشوف

مروة بشماته : انتي فيكي نفس ي جربوعة انتي تتحديني انتي مش شايفة نفسك عاملة ازاي .. ولا مشردين الشوارع .. دا انا لو زقيتك برجلي هتموتي فيها

فريدة : ههه لا ما انا عارفه ان موتي دا الحاجة الوحيد اللي مش هتقدري تعمليها ي مروة عارفة ليه
لانك اضعف واجبن من انك تموتيني

مروة قامت من علي الكرسي و قربت علي فريدة وهي بتشد شعرها بغل و قالت : انتي فيكي نفس تهددي كمان ي جربوعة دا انا مش هرحمك

و بقت بتضرب فيها بغل و كره لحد ما دخل الراجل اللي اتصل بيها جابها و بعدها عنها وهو بيقول : بس ي هانم مش كدا كدا هتموت ف ايدك

مروة بغل : تموت ولا تولع الجربوعة دي

فريدة بضعف : هرجع لجوزي وبنتي ي مروة وهندمك علي كل حاجة عملتيها فيا

مروة بغضب اعمي و جنون : جوزك مين ي جربوعة انتي طارق دا جوزي انا و بتاعي انا وبس انتي فاهمة .. ومكانش ينفع يتجوزك اصلا ولا يخلف منك جربوعة زيك تفضل قرفاني ف عيشتي ١٩ سنه .. بس عارفة حظها طلع حلو زيك بالظبط و طلعت متجوزه واد باين عليه متريش و بنتك زيك بالظبط مخلياه مش شايف غيرها زي ما انتي كنتي عامله ف طارق زمان .. بس والله ما هسيبها تتهني ي فريدة و هحرق قلبها واعيشها عمرها كلو وهي مقهورة و مزلولة ليا زي ما عملت فيكي بالظبط

فريدة كانت تعبانه جدا و اغمي عليها من الضرب اللي اتعرضتله من مروة بس كانت سمعت كلام مروة ليها