كريم فضل قاعد مكانه ماسك موبايله وهو سرحان ف اللي عرفه من حلا وف الوقت دا صحي يوسف ف التفتله كريم وقال : صحي النوم ي چو
يوسف ابتسم وهو بيقول : هي الساعة كام
كريم : الساعة داخلة علي سبعة اهي
يوسف : ياربي انا نمت كتير ي كريم مصحتنيش ليه يبني
كريم : ي عم اصحيك ايه دا انت كنت نايم زي القتيل
يوسف قعد علي السرير ومسك الفون ولقي تماره بعتاله رسالة (صحيت ولا لسة)
يوسف ابتسم ورد عليها : لسة صاحي ي قلبي
كانت تمارة ف الوقت دا قاعدة مع امها واخواتها واما شافت الرسالة ابتسمت واللي لاحظة ابتسامتها كانت سناء اللي قالت ف نفسها : حالك مش مريحني ي بنت بطني ربنا يستر وميكونش اللي ف دماغي صح
اما تماره ردت علي يوسف : طب ي حبيبي قوم فوق كدا و اغسل وشك وبعدين انا هتحجج ب اي حاجة وهنزل لعمتو
يوسف : ماشي ي قلبي مستنيكي
تماره قعدت كملت فرجة علي التلفزيون زي ما كانت قاعدة لحد ما فونها رن وعملت نفسها انها بترد علي عمتها
تماره : طيب ماشي ي عمتو نزلالك اهو
وقفلت الفون وهي بتقول لسناء : ماما انا نازلة لعمتو علشان بتقول عايزاني ف حاجة
سناء بصتلها وشكها بيتاكد جوها وقالت : حاجة ايه دي
تماره : معرفش والله مقالتش
سناء : ماشي ي تماره انزلي
تماره دخلت اوضتها تجهز و سناء فضلت باصة علي اوضة تماره وهي سرحانة وبتقول ف نفسها : شكلك عشقتي ابن مروة ي تماره ودا اللي مش هسمح بيه ... مش بعد كل اللي عملته دا علشان ابعدكو عن شر واذي مروة تبقي فريدة التانية ي بنتي
وعند يوسف كان قام وخرج ولقي هالة قاعدة ف الصالة
يوسف : مساء الخير ي عمتو
هالة : مساء النور ي قلب عمتك نمت كويس يبني ولا الجبله التاني اللي فضل قاعد ماسك المدعوء اللي ف ايده دا مخلكش عرفت تنام كويس
كريم من ورا يوسف : الله طب ليه الغلط طيب انا دوست لحد فيكم علي طرف دلوقتي
يوسف ضحك عليهم وقال : لا ي عمتي نمت كويس والله وبعدين دا انا نايم من الصبح لحد دلوقتي وتقوليلي منمتش كويس
كريم بغلاسة : اه يخويا كنت نايم ولا المقتولين
هالة : هااااا بعيد الشر عليه ايه ي متخلف الدبش اللي بتحدفه من بوءك دا
كريم راح ناحية الباب وهو بيقول : يااااااربي بقي دا انا مش هعرف اخد معاهم لا حق ولا باطل
أنت تقرأ
حرب لأجل العشق
عاطفيةرواية بتحكي عن بنت بتعاني من قسوة اهلها وفجاه بيظهر قدامها شخص غريب من وجه نظرها هيحبها بس ياتري القدر هيلعب لعبته معاهم ازاي
