في مصر ف بيت هالة كان كريم قاعد ساكت وهو بيبص علي يوسف اللي كان متعصب من بعد ما كريم حكاله اللي عرفه من حلا
يوسف اتكلم بعصبية : طب وانا المطلوب مني اني افضل ساكت لحد ما ابويا وعمي يرجعو
كريم : ايوة ي يوسف مينفعش احنا نتصرف ف حاجة زي كدا علشان هي ممكن تعمل اكتر من كدا واحنا برضو مش هنقدر نوقفها عند حدها لازم نفضل هاديين لحد ما ابوها يرجع هو اللي ليه سلطة عليها وهو اللي يقدر يمنعها عن اللي ف دماغها دا
يوسف اتنهد بغضب وهو بيسند راسه علي ظهر الكرسي وقال : لازم حمزه يعرف
كريم : انا فكرت ف كدا بس رجعت قولت بلاش يعرف دلوقتي هو مضغوط لوحده مش هنيجي احنا كمان نكمل عليه
يوسف بصله وقال : تمام يبقي لازم يعرف اول ما يرجع من السفر
كريم : ان شاء الله
ف الوقت دا خرجت تماره من البيت ويوسف قام راحلها
تماره : يوسف انا لازم اطلع البيت دلوقتي علشان ماما متتنرفزش عليا وكمان هي نظراتها ليا الايام دي تقلق اصلا
يوسف : اسف بجد ي تماره علشان معرفتش اقعد معاكي بس للدنيا معكوكة جامد فعلا
تماره ابتسمت بهدوء وهي بتمسك ايده وقالت : عادي حبيبي ولا يهمك المهم اني شوفتك بخير
يوسف ابتسم وباس ايدها
تماره : هتبات فين انهاردة
يوسف بصلها بحيرة وقال وهو بيضحك : معرفش بس احتمال كبير علي الكنبة زي امبارح
تماره : علشان خاطري ي يوسف بلاش تنام بره كدا حتي نام عند عمتو زي انهاردة
يوسف : هشوف وبعدين ي بنتي انا لسة صاحي اصلا قاعدة تفكري انا هنام فين اطلعي ي تماره علي بيتكو يلا
تمارة ضحكت وقالت : عارفة انك بتوه بس هعديهالك ي چو
يوسف : قلب چو انتي ربنا
تماره ابتسمت وسابته وراحت علي البيت
يوسف فضل واقف مكانه لحد ما هي دخلت وبعدين رجع تاني لكريم وقال : انا هخرج اشم شوية هوا
كريم : ماشي بس اعمل حسابك لو مش هتبات عندكو يبقي هتيجي تبات هنا
يوسف ضحك وقال : ايه ي جدعان انا لسة صاحي وربنا وانتو عمالين تفكرو وترتبو انا هبات فين
كريم بمشاكسة : ان كان عاجبك
يوسف وهو بياخد تلفونه من علي الطربيزة : عاجبني ي عم انا قولت حاجة يلا سلام
كريم : سلام
_____________________________
في لندن بعد ما خرج نادر والباقي من الاوضة كان حمزه واخد سيليا ف حضنه وهو ساكت
أنت تقرأ
حرب لأجل العشق
Romanceرواية بتحكي عن بنت بتعاني من قسوة اهلها وفجاه بيظهر قدامها شخص غريب من وجه نظرها هيحبها بس ياتري القدر هيلعب لعبته معاهم ازاي
