"مَا جذبنِي في الهَوى إلا النادره ومَاكتب لي المُلهم إلا النوَادر"

البارت 24

توترت الهنُوف ماتدرِي كيف تبدأ الكلام
لكن جاء ببالهَا أخوهَا وكيف أنظلم من أبُوها : ياجدِي ترا دُجى مو السبب
الجد مُطلق : انتي وش دراك بعد
قال الهنُوف : ياجدِي انا شفت امس بالليل منَار تاخذ سوَارة دُجى
خالد بغضب : انتم وش فيكم على منَار كل من جاء قال انها هي ! أشغلتوني ترا
الجد مُطلق بغضب : خالد لا تتكلم الحين خلنا نسمع الكلام كله بعدين أحكم !
الهنُوف : أنا شفتهَا قبل صلاه الفجر عند الشجره بعد ما أخذت السوارة
الجد مُطلق : الهنُوف لاتتهمين كذا انتي متأكده !؟ الهنُوف بتأكيد : اي متأكده شفتها بعيني
الجد مُطلق : يا أزهَار روحي نادِي منَار
وفعلاً نادت أزهَار منار بسرعه
منار بأستغراب وتوتر: هلا
قال أزهَار بتشدِيد وصوت عالي مسمُوع لكل الجالسين : سؤال واحد ونبي جوابه
منَار بسخريه : يلا كملِيها انتي بعد واتهميني ب سالفه دُجى
أزهَار : تدرِين ان الكل درا أنك انتي الي طلعتي الصندُوق !
منَار بأنكار شديد : انا ! وش بيني وبين ولد خالك عشان اطلع الصندُوق اصلا وش يدريني
قربت دُجى من اذن منَار وبهمس سريع : حُب من طرف واحد ! وحُب محرُوق كـ رماد الورق
انصدمت منَار من كلام أزهَار وش عرفهَا بمشَاعرها المخبُوته
ازهَار : لقِينا الأسواره الي اخذتيَها من درج دُجى والهنُوف شافتك الفجر تحفرين في الارض تدورين عليه !
خالد : يا منَار يابنتي هل الكلام هذا صحيح ؟
منَار : طبعا مب صحيح تكذب عليكم تبي تبري ذمه دُجى وتحطها فيني خلاص عاد ! مو عشان دُجى قريبه مني مره قلتم انا !
تحركت منَار متجاهلتم لكن أستوقفها الصُوت الحنُون القادم والمُتجهه إليهم: تعالِي يامنَار أبغى أكلمك
منَار : تكفين ياجده اذا انتي بعد بتقولين لي عن الموضوع خلاص يكفيني الاتهام الي جاني
الجدة عذبه وهي تناظر بأزهَار والهنُوف : خلاص يابنات قفلوا على السالفه لا أرجع اسمع فيها ثاني مصير الي سووها يجي يعتذر مابيقدر يتحمل هالظلم وعذاب الضمير كله بصدره !
اخذت الجدة عذبه منَار لتحت الشجره تحت كُومة الأوراق المحرُوقه و تحت رمَاد أعذب الحرُوف النقيّه
ورائحه العبارات الجمِيلة الشَاعرية التِي تُحركهَا الريَاح بما تشتهِيه
الجدة عذبه : أعترفِي يا منَار
منَار بغضب مكبوت : ياجده اعترف بـ وش وانا ماسويت شي!
الجدة عذبه: طيب لو قلت اني شفتك بتقولين ؟
كملت الجدة عذبه : شفت يوم صحيت انك مو بمكانك جنب البنات قلت يمكن تصلين لانه اذن خرجت ادور عليك لمحت زول بعِيد بعبايه سوداء أحسنت نيتِي وقلت يمكن البنت تبي تشم هواء وتتمشى ، ويُوم ولدِي الله يصلحه سوا ببُرهَان كذا اليوم عور قلبِي كيف أكتسب هالصفه بقلبه رغُم اني ومُطلق ما عمرنا ضربناه ولو لـ مره إلا لشيٍ كايدٍ هو وأخوانه او اذا تأخر على الصلاة لكن ماعمري حرمته من الاشياء الي يحبهَا ! كان يحب الصقُور رغم أني اخاف منهَا وخليته يدخلهَا بيتنا وعطاه من لحمنا
لكن كان بيمد يده على بنت أخوه ! جلست أناظر رهبَه الموقف و تأملت مشَاعرهم ونسِيت المُوقف ل ثانية!
عيُون بُرهَان كانت تحكي الكثِير ترى هالولد كتُوم
وعيُون دُجى تبيّن لكن ماتحكِي لأنها تتكلم عنهَا بلسَانها علطُول ماتخلِي العيِن تتعب
لكن انتِ يامنَار توقعت يكُون لك قلب أبيض نقيّ ماتوقعت بيُوم تسوِين هالحركه ولو بدافع الحُب
عمر الحُب ماكان بـ هالطريقه ولابيكُون ، هذِي غيّرة سيئه
لكن عندِي أمل انه بيجي اليُوم الي تعتذرِين فيه لهم تراهم بيسامحونك ولو كابرو خصوصاً دُجى تراها بترفض اعتذارك مره ومرتين ! بس يقولون الثالثه ثابته ولا؟