မှိုင်းတို့ လက်ထပ်ပြီးစီးခဲ့ခြင်းသည် နှစ်ပတ်မျှပင် ရှိခဲ့ပြီ။ ချစ်ခြင်း၊ မုန်းခြင်း မပါဝင်ပါပဲ အစပြုခဲ့သော အိမ်ထောင်ရေးသည် ကိုကို့၏ ဘဝနှင့် ကိုကို့၏ ဝန်ခံချက်များကို သိရှိသွားပြီးနောက်တော့ သူတို့ဘဝလေးထဲတွင် ချစ်ခြင်းများကိန်းဝပ်လာသည်။ ကိုကိုသည် မှိုင်းအား ချစ်တယ် ဟုဝန်ခံခဲ့သော်ငြား မှိုင်းကတော့ ချစ်တယ်ဟု ဝန်မခံရသေးပေ။ အချိုးတွေပြောင်းကာ ပို၍နူးညံ့လာမည့် ကိုကို့ကိုသာ စောင့်ကြည့်ဦးမည်။
" ကိုကို့အတွက်.."
လချုပ်စာရင်းစစ်နေသော ကိုကို၏ ဘေးသို့ ကော်ဖီတစ်ခွက်ချပေးလိုက်သည်။ မှိုင်းသည် အဖြူရောင် ဂျင်းပေါင်တိုလေးကိုဝတ်ဆင်ထားပြီး ဆွယ်တာပန်းနုရောင်လေးကို ပုံကျကျလေးဝတ်ဆင်ထားသည်။ ကိုကို့ဘေး၌ စွေ့ကနဲဝင်ထိုင်လိုက်ကာ လက်ထဲမှ မိုင်လိုအား တစ်ငုံသောက်လိုက်သည်။
" ကိုကို.. အလုပ်တွေကများလားဟင်.."
ခံ့ မှိုင်းအားကြည့်လိုက်သည်။ သူ၏ ကလေးငယ်သည် ပန်းနုရောင်၊ အဖြူရောင်ပေါင်းစပ်မှုဖြင့် လှပနေသည်။
" အချစ်က ပျင်းနေပြီလား"
" ဟုတ်"
မှိုင်းက သူ၏ မိုင်လိုအား တစ်ငုံသောက်ကာ ခေါင်းလေးငုံ့ထားသည်။ အူယားလိုက်တာ..
" ဒါဆို ကိုကိုက အဖော်လုပ်ပေးမှာပေါ့။ အဲ့ခွက် ဒီကိုပေးပါဦး"
" ကိုကိုကသောက်ဖို့လား"
မှိုင်း၏ နှုတ်ခမ်းအနားလေးများတွင် မိုင်လိုအရည်လေးများက ကပ်ကျန်နေသည်။ ခံ့သည် မှိုင်း၏အမေးအား ပြန်မဖြေ မိုင်လိုခွက်ကိုသာယူ၍ စားပွဲပေါ်၌တင်လိုက်သည်။ ပြီးနောက် သူ့ကလေး၏ ခန္ဓာကိုယ်သွယ်သွယ်လေးအား ပွေ့ကာဖက်လျှက် မှိုင်း၏အပေါ်မှ အုပ်မိုးလိုက်သည်။
" အာ့..ကိုကို ဘာလုပ်တာလဲ"
" ချစ်ဖို့ကောင်းနေလို့"
" ကိုကိုကလဲ.."
မှိုင်းက ရှက်ရဲရဲဖြင့် ခေါင်းလေးအသာငုံ့သွားသည်။ ခံ့သည် မှိုင်း၏ နှုတ်ခမ်းလုံးလုံးလေးအား စုပ်ယူနမ်းရှိုက်သည်။ သူ၏ ကလေးသည် သူ့အနမ်းများအား ပြန်လည်ကာတုံ့ပြန်နေသည်။
YOU ARE READING
ကိုယ့်ရဲ့ အထက်တန်းစား|| မှိုင်း
Fantasyအောက်ပါ fiction သည် 18+ အမျိုးစားဖြစ်သည့်အတွက် အသက်ပြည့်ပြီးသူများသာ ဖတ်ရန် သတိပေးအပ်ပါသည်။ 18+အမျိုးစား ဖြစ်သည့်အပြင်၊ စကားလုံးရိုင်းများ ပါဝင်သည့်အတွက်ကြောင့် သဘောကျမှသာ ဖတ်ရန် ပြောကြားလိုပါသည်။ စကားကြမ်းများ၊ အပြောဆိုရိုင်းများ မကြိုက်လျှင် မဖတ်ရ...