" ဒေါက်"
စားပွဲပေါ်သို့ ကားသော့အားပစ်ချကာ ဆိုဖာတွင်ဝင်ထိုင်လိုက်သည့် သားဖြစ်သူအား ဦးဘုန်းကုဋေ သတင်းစာဖတ်ရင်းမှ ခပ်စူးစူးကြည့်လိုက်သည်။
" ဘုန်းတောက်ကုဋေခံ့ လွှတ်ထားပေးလို့ ရောင့်တက်နေသလား ဟေ့ကောင်"
ကျစ်.. စလာပါပြီ မာန်ဖီတဲ့လေသံတွေနဲ့၊ စိတ်ပျက်စရာ အာဏာတွေ..။ ခံ့က သူများကိုသာ ဆရာလုပ်ချင်တာ သူ့ကို ဆရာလုပ်ရင် သိပ်မုန်းတာ။
" ဒယ်ဒီက ကျုပ်ဘာလုပ်တာမြင်နေလို့ ဒီလိုတွေပြောနေရတာလဲ"
" အေး မင်းဘာမှ မလုပ်လို့ပြောတာ။ မင်းကိုအရင်တစ်ခေါက်ကတည်းက ပြထားတဲ့မြေနေရာကို မင်းဘာလို့ဝယ်မထားတာလဲ"
" ဘယ်မြေ?"
ခံ့က စားပွဲပေါ်ရှိ ရေအေးအေးလေးအား သောက်ကာ မျက်ခွံလှန်ရင်း မေးသည်။ ဘယ်မြေကွက်လဲ သူမသိပါလား..။
" မြောက်ဘက်နယ်မြေကဟာ ဟေ့၊ မင်းကသာမသိတာ မင်းအကောင်က ဝယ်တောင်ပြီးနေပြီ"
" ဪ.. သွင်လင်းလား သူကြိုက်တာပဲဝယ်ပါစေ။ ကျုပ်မှာ အဲ့မြေမဟုတ်တောင် တစ်ခြားမြေတွေအများကြီးရှိနေတာပဲ"
" ဟ မင်းကအမြင်ကျဉ်းလှချည်လား"
" ဟမ့် ဦးဘုန်းကုဋေနဲ့ ဦးဘုန်းဋီကာ ထက်တော့သာခဲ့သေးတယ်မလား"
ခံ့က ခပ်ထေ့ထေ့ဆိုသည်။ ဦးဘုန်းကုဋေမှာတော့ လက်ထဲရှိ သတင်းစာအားဆုပ်ချေကာ မျက်နှာကြီးကနီရဲလာသည်။ တကယ့် Devil ပဲ။
" မင်း အလိုလိုက်လို့ အမိုက်စော်ကားလှချည်လား"
" ဟက် ဒယ်ဒီ ကျုပ်လုပ်ရမှာတွေ ကျုပ်သိတယ် ပြီးတော့ ကျုပ်လုပ်နေတာတွေလဲ ကျုပ်သိတယ် အရင်လိုအမိန့်တွေပေးပြီး ဝင်ပါမနေပဲ အေးဆေးလေး ဘေးကပ်နေပေးပါလား"
" မင်း!"
ဦးဘုန်းကုဋေသည် ထိုင်နေရာမှ ဆက်ကနဲထကာ ခံ့အား ဆွဲထိုးရန်ပြင်လိုက်သည်။
" ထားလိုက်စမ်းပါ သူတအားသိ၊ တအားတတ်နေတာပဲ"
အပေါ်ထပ်မှ ဦးဘုန်းဋီကာသည် လှေကားတစ်လျှောက် ခပ်အေးအေးဆင်းလာကာ ဦးဘုန်းကုဋေအား လွှတ်ထားလိုက်ဟူသော အကြည့်ဖြင့်ကြည့်သည်။ ဦးဘုန်းကုဋေသည် သူ၏ဒေါသအားလျှော့ချကာ နေရာတွင် ပြန်ထိုင်သည်။
YOU ARE READING
ကိုယ့်ရဲ့ အထက်တန်းစား|| မှိုင်း
Fantasíaအောက်ပါ fiction သည် 18+ အမျိုးစားဖြစ်သည့်အတွက် အသက်ပြည့်ပြီးသူများသာ ဖတ်ရန် သတိပေးအပ်ပါသည်။ 18+အမျိုးစား ဖြစ်သည့်အပြင်၊ စကားလုံးရိုင်းများ ပါဝင်သည့်အတွက်ကြောင့် သဘောကျမှသာ ဖတ်ရန် ပြောကြားလိုပါသည်။ စကားကြမ်းများ၊ အပြောဆိုရိုင်းများ မကြိုက်လျှင် မဖတ်ရ...