أعتذر في حالة وجود أي خطأ إملائي سقط سهوًا 🧡
قراءة ممتعة 🦋
في صباح اليوم التالي استيقظ چينهو لينهض عن سريره الحبيب بتململ ذاهباً للإستحمام وفي طريقه للحمام رأى بطرف عيناه جايا نائمة بسلام على الأريكة و التلفاز مازال يعرض الدراما، ذهب لإطفائه وعاد ليستأنف ما كاد يفعله.
بعد خروجه من الحمام كان عليه إيقاظ الجميلة النائمة كما يقول في عقله، اصحي جايا اصحي يلا اصحي إيه خلاص بقيتي الأميرة النائمة، لتفتح عيناها ببطء شديد متمتمة أنا مش أميرة أنا ملكة.
حاضر ملكة يا ستي قومي بقي يومنا طويل النهاردة عندنا حاجات كتير هنعملها، نهضت عن الأريكة ذاهبة للحمام دون أن تنطق كلمة واحدة فهي حقا مغرمة بالفقاعات ، ولم يكن من چينهو سوى الذهاب لإعداد الإفطار.
خرجت جايا من الحمام لتجد الشاب منهمك في كتابة شيء ما بتركيز شديد، إنت بتكتب إيه؟
مفيش بكتب الحاجات إللي محتاجين نشتريها لأننا محتاجين نروح السوبر ماركت نجيب طلبات البيت والأكل،
طيب هنجيب شيكولاتة؟ تساءلت بنظرات بريئة لتقنعه، أيوا هنجيب شيكولاتة .
وكمان محتاجين نجيبلك لبس و فرشة أسنان والحاجات إللي هتحتاجي تستخدميها، المهم يلا نفطر الأول و بعدين نشوف هنبدء بإيه .
عقب انتهائهم من وجبة الفطار اللذيذة والتي كانت عبارة عن شطيرة جبن بالخس فچينهو حتى الآن لم يطعم جايا أياً من الآكلات الكورية هو فقط يطعمها الأكلات الشائعة في العالم كله علي حد قوله هو لا يعلم ذوقها في الطعام، و الآن آتي دور الخروج.
إحنا لازم نشوفلك حاجة تلبسيها مش هينفع تخرجي كدا وكمان اللبس دا لابساه بقالك يومين، طيب هتلبسني إيه؟ سألته بابتسامة ولا يعلم لم تبتسم!!
متبصليش كدا مش هينفع تلبسي الفستان بتاعك إنسي ما انا مش همشي مع واحدة من الفراعنة في الشارع و أكيد مش هسمح لحد يقفشنا وأدخل السجن.
لتختفي ابتسامة جايا و تتحول نظراتها لواحدة غاضبة، أمال هلبس إيه يا أستاذ إنت؟؟
أنت تقرأ
جايا
Fantasyصعد الشاب مسرعًا إلى مكتبه ولكنه وجد التابوت فارغًا من أي جثمان تحقق من حوله ليجد المومياء عادت للحياة وترسل له نظرات حارقة ليتصلب في مكانه يرتعد خوف ويسقط مغشيًا عليه فهي قد عادت...
