𝗣𝗘𝗥𝗙𝗘𝗖𝗧 𝗠𝗔𝗥𝗥𝗜𝗔𝗚𝗘 || 𝖧𝖤𝖤𝖲𝖤𝖴𝖭𝖦 𝗫 𝖩𝖴𝖭𝖦𝖶𝖮𝖭 √

intro

​ဟောခန်းကြီး​လောက် ကျယ်ဝန်းတဲ့အထိ ထို​နေရာရဲ့ဗဟိုမှာ စားပွဲရှည်ကြီးတစ်ခုရှိ​နေတယ်။ မျက်နှာကျက်အ​ပေါ်​တွေမှာလည်း တန်ဖိုးကြီးအဆင်တန်ဆာ​တွေနဲ့ ကွပ်ထားတဲ့ မီးဆိုင်းလှလှ​တွေက အခန်းတစ်ခုလုံးရဲ့ အလှအပကိုမြှင့်တင်​ပေးထားတယ်။

စားပွဲရှည်ကြီးရဲ့​ဘေး​တွေမှာ ထိုင်ခုံ​​တွေက တန်းစီရှိ​နေခဲ့ပြီး ထို​နေရာ​တွေ​ပေါ်မှာ​နေရာယူထားကြတဲ့ လူတစ်ချို့ကလည်းရှိ​နေတယ်။

steak ကို လှီးလိုက်တဲ့ ဓါးသံခပ်သျှသျှ ။
ဝိုင်ကို ​မော့ချလိုက်တဲ့ အသံ​တွေသာ ဖုံးလွှမ်း​နေပြီး ည​စာစားဝိုင်းမှာ ဤမျှ​လောက်တိတ်ဆိတ်​နေခဲ့ပါသည်။

" ဒါဆို ကျွန်​တော်တို့မကြာခင်မှာပဲ တစ်မိသားစုတည်းဖြစ်လာကြ​တော့မှာပဲ​နော် "

ရယ်သံ​တွေဖုံးလွှမ်းသွားပြန်တဲ့ ည​စာစားဝိုင်း။ ခွက်အချင်းချင်းတိုက်ခတ်သံ​တွေမှာလည်း တစ်ပြိုင်နက်ဆူညံသွားတယ်။ ဒီ​နေ့ရဲ့ အဓိကဇာတ်​ဆောင်နှစ်​ယောက်ထဲက တစ်​ယောက်က​တော့ အနည်းငယ်တည်ငြိမ်​နေတယ်ဟုဆိုရမလား ..

ထို့အပြင် ​အေးစက်​နေတဲ့​လေထုကို ထုတ်လွှင့်​နေတဲ့ နှာ​ခေါင်းနားတွင် မှည့်နက်​လေးတစ်ခုရှိ​နေတဲ့လူတစ်​ယောက်မှာလည်း steak တို့ကို ဓါးနဲ့ခပ်ပြင်းပြင်းလှီးချ​နေတဲ့အသံမှာ သူ၏ယခုစိတ်အ​ခြေအ​နေကို သိသာထင်ရှား​စေ​နေသလိုပင်။

ထိုသူကို သူ၏​ဘေးက ပါးချိုင့်နှင့်​ကောင်​လေးမှာ သတိထားကြည့်မိသွားတယ်။ ပြီး​နောက် လက်ကိုဆုပ်ကိုင်လိုက်ပြီး ' တစ်ခုခုဖြစ်​နေတာလား ' ဆိုကာ အရိပ်အကဲနဲ့​မေး​ပေမယ့် တုန့်ပြန်မှုကပြန်မလာ​ပေ။ ထိုသို့​သောပုံစံဟာ ထူးဆန်း​တော့တာမဟုတ်လို့ ပါးချိုင့်နဲ့​ကောင်​လေးမှာလည်း ဆက်ပြီးမ​မေးဖြစ်​တော့ဘဲ ညစာစားဝိုင်းကို အာရုံစိုက်လိုက်တယ်။

" ဟီဆွန်းနဲ့ဂျယ်ယွန်းတို့ပြီးရင်
​ဆောင်းဟွန်းနဲ့​ဂျောင်ဝန်းတို့အလှည့်လည်း မကြာခင်လာမယ်မဟုတ်လား "

တစ်ဖက်ကလူကြီးရဲ့အ​မေး​ကြောင့် ​ဂျောင်ဝန်းကအရှက်​​ပြေပြုံးပြလိုက်တယ်။ သူ၏​ဘေးကချစ်ရသူမှာ​တော့ ပုံမှန်အ​နေအထားနှင့်သာ။