هل يجب على جدران بيت الإنسان أن تكون مجال الستر الوحيد للبشر ام الترابط الأسري هو الاهم
لماذا يعيش بعض الضباع و الذئاب بين سكان أهل البيت الواحد لتفتح الابواب لهروب الملائكه من هناك
استطاعت ميسم أن تبتعد عن عيون من سمي بزوجها حيث ذهبت ناديه و ربيع مع باسل و اتفق فاروق مع باسل أن يوصل ميسم إلى بيتهم بعد أن تودع أخته مع اختها لانه جاء لاخذهم قبل خروج الزفه من بيتهم
اختبئت ميسم في غرفة اختها حتى جاءت شمس عليها اشكرج حبي لان فضلتي تحضرين الزفه وتودعين اختي
من أن اتروحين لبيت زوجج والله انت ملاك مثل مي وياريت دائما اتزورينا ومره ثانيه تجين اتباتين كم يوم حتى ناخذ اشويه من ذكائج الي أهوايه سمعنا عنه سمعت شمس موسيقى الزفه سحبت ميسم بسرعه و طلعن
ودع الجميع العروسين بفرح و دموع من أهل شيرين
تذكرت ميسم عرس اختها و كيف خرجت حافية القدمين و كأنها مطروده بل فعلا كانت مطروده من بيت اهلها وكم كان يوم محزن فقط
حيث لم تجد اي معنى للعلاقه العائليه المتواجده في بيت اهل فاروق
لماذا يوجد اهل يحبون ابنائهم بينما اهلها يعاملون بناتهم كأنهن عبيد اليس حب الاطفال يخلق مع ولادة كل طفل كيف يتغير هذا الحب و الاحساس من شخص لآخر و هل على الفتاة أن تبقى تحاول حفر ابار للبحث عن حب الأهل وهل اهلها خالين من الإحساس .
ودعت ميسم اهل فاروق و ودعت اختها
مي تدرين ابن عمي امير اجاني مرتين وسأل على عنوانج لان ايريد يجي عليج هم مشتاقلج و تدرين احس بأنه معجب بصديقتي و اخت زوجي شمس
ميسم ابن عمنا مكتوب عليه يتزوج وحده اكبر منه بس على الاقل شمس اكبر منه تقريبا اربع سنوات احسن من فرق العمر ابينج انت اختي و بيت عمره
فرحت ميسم حيث يمكنها أن ترى ابن عمها بعد مده طويله من افراكه رغم هي كلما تذهب للمدرسه تبقى تراقب الطريق على أمل أن تراه ؤ قد كانت سعيده لان اختها اخيرا وجدت ليس فقط زوج فاهم وطيب و ذكي بل أيضاً له أهل يوزنون بلذهب بل هم اغلى من الذهب
اخذ فاروق ميسم بسيارته إلى بيت زوجها
عند وصولهم كان لدخولها مجازفه ممكن أن تخرب خططها التفت
فاروق ها شنو راح اتسوين
ميسم تذكرت أن اختها اعطتها عصاره تستعمل المفروض لتقشير البشره واخبرتها بأنها تشك بأن هذا الدهن مجرد كذبه لانها عندما تضعه على الوجه صح يضهر مثل القشور و اذا وضع بعد خمس دقائق يرجع يخرج القشور مره أخرى واضح أن الدهن فيه شئ يتحول مثل القشور و هي تستطيع أن تستغل كذبة هذا الدهن
حيث وضعت الدهن و معه القليل من الكحل الأسود و تركته حيث صار وجهها كأنه ارض غير مبلطه كلها امواج و لبست الحجاب
نزلت مع فاروق و دق الباب ووقفت خلفه حيث خرج
باسل اهلا و سهلا استاذ فاروق
وبينما باسل يرحب بفاروق و يتحدثان حيث حاول فاروق أن يجعل باسل ينشغل بالتحدث معه
سحبت ميسم نفسها من خلف زوج اختها و دخلت إلى داخل البيت بسرعه
حيث تأكد فاروق من دخولها ودع باسل
وذهب
بينما دخلت ميسم حيث و جدت امها في البيت تتحدث مع العائله تركتها وحتى لم تسلم عليها فقد دخلت إلى غرفتها و كأنها لم ترى امها فقد كان عليها الهروب من باسل وعليها أن تتجاهل وجود امها وجهها يوجد عليه مقشر الجلد والكحل حيث يجب أن تغسل وجهها ويجب ان لا يراها باسل
عند دخول
باسل سأل ام ميسم ليش ما حجت ويه ميسم مع انها اجت لان اتريد تحجي شي ويه بنتها
باسل طبي يمها بلغرفه و احجو على راحتكم و اضح هي ما شافتج
ام ميسم اشكرك ابني اني لازم احجي وياها بموضوع مهم وصلني لغرفتها
دخلت على بنتها كان باسل وياها لكن من الجيد انه دخل امها و طلع و سد الباب
ميسم مسحت القشور من وجهها والتفتت على امها حيث هي لم تغسله بشكل كامل خوفاً من دخول باسل مع امها للغرفه
الام اشلونج بنتي اشو ما سلمتي عليه من اجيتي
ميسم ما شفتج
الام هاي شنو صاير عندج غرفه جبيره واثاث جديد و حمام داخل الغرفه يعني خوش استفاديتي من جيتج أهنأ
ميسم و القصد من كلامج شنو و ليش اجيتي اصلا انتو بعتوني بعد شتريدين
الام لج اشو ما انذليتي اشويه
ميسم اني جنت عدكم مذلوله اني اهنا صاحبة بيت مو خدامه
الام ميفيد وياج تبقين عرمه بعد الدلال الي جنتي عايشه بيه عدنا انوب ما عاجبج بعد شتريدين اكثر نفرشلج الكاع ورد
ميسم لا ما اريد اي شي منكم
الله لا ايعوزني عليكم
الام شوفي هاي العيشه الي انت عايشتهاخطيه اخوج ديدفع ثمنها
بسببج هو بلسجن يتعذب و انت ما خذه راحتج أهنأ
ميسم احد كله يكتل خطيه ولد شاب بعز شبابه ابنج مجرم
الام لج اشلون اتكولين عليه مجرم مع أنه جان اكثر واحد يعتني بيج ويدافع عنج و ميقبل احد ايجيب سيرتج بكلمه غلط وين تلكين هيجي اخ الله ايخليه حيل طيب بس انتي ما تستاهلين
ميسم الله لا يوفقه و اتمنا اله ميشوف يوم راحه
الام انجبي يا حقيره لج خطيه اخوج كاتل نفسه ايريد ايشوفج لان حيل ايحبج المفروض انت يوميه اتروحين اتبوسين رجليه لان حمى شرفج هيج اتجازيه يا ناكرة الجميل
ميسم انتي هم اتسمين نفسج ام انتي لعنه توكع على رأس بناتها
الام اني لعنه الله يلعنج ياخبله
ميسم اتكولين حمى شرفي ياريته بس عافني بحالي جان عشت بخير و سلامه واكتفيت بعيشتكم المقرفه يعني ليش الإنسان ايكون عنده عائله
حتى اتخلفين حقير ايكون انكس من ولد الشوارع الوحده الي ما عدها امان على شرفها ابيت اهلها الاحسن اتنام بلشوارع لان حياطين بيت اهلها مو ستر الها بحيث تبقى البنيه خايفه أن ايصبح الصبح تلكه نفسها ضايع شرفها،
وانت هم تعتبرين نفسج ام فد يوم سألتي بناتج اذا محتاجات شي او اذا عدهن مشكله حتى انت اتحليها لان احنا هم جنا اطفال و محتاجات لحضن الام بس الي اكلج إياه انتي مو امي
عمي و مرت عمي الله يرحمهم هما چانو اهلي مو انتي و لا هذاك رجلج
الام شوفي انتي تافهة و متعرفين اصلا تحجين و معرفت شنو قصدتي بهاي التفاهات الي كلتيها
هسه اشوكت اتروحين على اخوج
ميسم ابتسمت بستهزاء عيني ام كريم كل هذا الحجي وما افتهمتي روحي. الخاطر الله من يمي و كابلي ولدج وانسي بأنج عندج بنات
الام شوفي غصبن عليج اتروحين على اخوج مو كافي رحيم هم راح للجيش وما بقى عدنا غير زيارتنا من انروح على كريم و باقي بس هذا الاثول ابن عمج امسوي نفسه ابو البيت عود ما كو غيره عدنا
ميسم شوفي مستحيل اروح لو يبقى بحياتي يوم واحد ما راح الوثه لهذا اليوم بشوفة ابنج يله روحي
الام هاي انتي شنو صايره مصيبه الله ياخذج و يخلصنا منج
ميسم اتمنى لاتجون على فاتحتي من اموت لان راح اتطلعوني من الجنه بشوفتكم
امها فقدت الامل من أن تكدر اتقنعها حتى اتهدي جنون كريم الي ديسوي المستحيل حتى ايشوفها
طلعت الام و دعتهم و جانت منزعجه
باسل خاله اشبيج اشو ما مرتاحه
الام شسوي ابني بنتي صايره امخبله
باسل هي نص عقل وين الجديد بلموضوع انتو ورطتوني و خلص
الام هي تبقى عرمه و متنزل خشمها اشويه
تبقى مغروره و شايفه نفسها اشكد حاولنا انخليها اتصير ادميه لا كن ما كو فايده و ياها
باسل شنو قصدج بأنها مغروره و ليش تنغر اصلا
الام ايجوز هي اتشوفك بانها حبابه وطيبه بس لازم تعرف بأنها جذابه من يومها لوتيه و محد كدر يغلب كيدها
باسل خاله انتي مو اتبالغين بحجيج
الام لا ابني اخوها بلسجن من وراها و ما كدرت وكفت اخوها كريم و انه انسجن على مودها بحيث كتل واحد لان صجمها واكلها بس اتروح عليه متقبل
شايف هيجي عين صلفه
اشوكت اتبطل هذا الغرور مالتها ما اعرف
باسل انتي تقصدين اخويه صجم ميسم وكريم ابسببها كتل اخويه
الام اي هي صدك حلوه بس هذا مينطيها حق اتخلي اخوها يبجي حتى ايشوفها
باسل يبجي حتى ايشوفها لهذي الدرجه ايحبها
الام تدري خطيه هو اكثر واحد جان ايحبها جنت كلما اتعارك وياها لان واهسها بس اتمشط ابشعرها رغم تبقى اتداهرني لاكن هو يوكف دائما وياها ضدي
شوف ميهتم انها لسانها ايلط لذانها اتشوفه ينسى اني أمه هي حياته بلدنيا
باسل استغرب من كلام ام ميسم حيث أنه رغم مرور الاشهر و لكنه لم يرها و لم يأتيه اي خبر عن الفتاة التي أعجبته بلمدرسه حيث مل من سؤال أخته ناديه اذا كانت قد عرفت من تكون او اي معلومه حتى لو بسيطه و لكنها فقدت الامل في إيجادها و هو لم يتجرء للذهاب لمراقبة المدرسه فلربما تخرج وتعلم بأنه متزوج وقد غدر بها رغم هو لم يجدها اصلا و لم يعرف عنها و حيث يجب عليه أن لا يعلق و لا يعطي امل كاذب لزوجته فهو عندما لا يتقرب منها لن تفكر انها سوف تكون زوجه وهكذا تعتبرخيانه لحبيبته المجهوله
لكن مع ذلك حب أن يعرف ماذا راى اخوه المرحوم فيها حيث جذب لها و هو لم يكن من السهل أن تعجبه أي فتاة
جلس مع والده و سأله بشكل غير مباشر
باسل ابي اشلون صحتك هذي الايام احس انك راجع شباب و كلش مرتاح
الاب ابني هو صحيح زواجك ما جان طبيعي بس ترى مرتك مراح تلكه مثلها ما بيها اي نقص و خطيه تعتني أهوايه بيه اتسويلي اكل و تكعد تحجي وياي وتعتني بصحتي و هذا شي حتى انت ما اتسويه الي و لا امك و حتى اخوانك
وجد باسل بكلام أبيه شئ لا يمكن أن يتوقعه و كان عليه أن يستفسر من باقي افراد عائلته و بعدها يحاول أن يراقبها ولكن اكيد من غير ان تحس به
وهذا كان ما يفكر به باسل بقى ما حدث
ل ميسم
أنت تقرأ
الأخ المتحرش
General Fictionانهامجموعة قصص عن المصائب التي تعانيهاالبنات في بيت واحد واصعبهامحاولات الاخ التحرش بأخته لانهاجميله وفوق كل هذاتدفع ثمن أخطاءالمجرم هذالان امهاتحب الاولاداكثرمن البنات
