الأخ المتحرش

الأخ المتحرش ،،الجزء18

كانت هزيمة ميسم من البيت مثل المعجزه
فاروق خلص اسحبي نفس طويل ابتعدنا عن البيت شنو المشكله
ميسم مع الاسف انكشفت كل مصائبي
فاروق ليش اتسمين خططج مصائب
ميسم بلنسبه الي جانت مجرد خطط بس بعد ما عرف باسل كل شي صار تغير تفكيره كلش صعب و موومن السهوله افهمك قصدي
فاروق اشلون انكشفتي
ميسم ماواعرف بس اجا ابويه و صارت محادثه بصوت قوي و بعد انزعاج ابي مني لان رفضت اروح على كريم افندي حاول يضربني و جنت اكدر امنعه لاكن باسل طلع من المجهول و كمش أيده لو مضروبه راشدي أهون عليه من ظهور باسل ورايه مع هذا اتمنيت ايكون ما شافني لان انهزمت لاكن مع الاسف واضح هو شافني و شرحتله مختصر من الي صار
فاروق و هسه شراح اتسوين
ميسم أحاول من اوصل يمكم اتصل بأمير ابن عمي و راح أعيش يمه و احاول الكه شغل لحد ماتبدء السنه الدراسيه الجايه لو بس امخلصه الاعداديه على الاقل الكه تعين بالشهاده لاكن من تبدء السنه الجايه راح ادرس الصبح واشتغل العصر
فاروق معقوله بهذا عمرج اتريدين اتسيرين حياتج بهاي الطريقه ثم بيت اختج موجود ابقي يمها و اذا يعجبج اتعيشين اخت النا وماكو داعي للشغل عاد بس خلصي الاعداديه واني عود ادبرلج احسن شغل ويكون مريح
ميسم اسفه ما اكدر اعيش عد احد اشكرك على المقترح اني احب اكون مستقله
فاروق انت مو تعتبريني اخ
ميسم ارجوك غير الموضوع
فاروق براحتج بس هذا الموضوع مراح ينسد اهنا
اذا تخجلين تبقين يمنا ادبرلج بيت اصغير واحنا عدنا شقق وبيوت بس اختاري واني انفذ طلباتج
ومن تشتغلين احسبيه دين عليج انتسدديه بالوقت الي يعجبج
ميسم مترهم هو يندل بيتك ويشتغل بشركتك احتمال جبير يعرف مكاني بس بيت امير صعبه يعرف مكانه لان قليلين الي يعرفون مكانه
بعد هروب ميسم مع فاروق رجع باسل بسرعه لغرفته و اخذ مفتاح سيارته
وهم بلخروج من البيت
ناديه اخي وين رايح كل عقلك راح تلحكها هاي متستاهلك وحده دايحه
باسل التفت عليها و كمش ايدها ابقوه
شوفي ما كو دايحه بهاي الدنيا غيرج وديري بالج تتجرئين تحجين عل مرتي لا تتصورين اني ما اعرف مصايبج الي دتسويها
الي سويتيه يثبت بأن احنا
ما عرفنا انربيج خليني ساكت
لان اذا ذبحتج قليل عليج
ناديه ها دقيقتين كعدت وياك هاي مرتك الحقيره غسلتلك عقلك و حركتك عليه
متستحي مو انت ذكي اشلون هاي اتغشك
باسل شوفي اني هسه مستعجل بس ارجع النا كعده اعيد تربيتي الج
ترك ايدها و طلع
وصلت ميسم و فاروق للبيت و جان الجميع با نتظارهم
دخلا للبيت
فاروق اذا ممكن خلو الاخوات يحجن سوا
مي اختي عمتي حضرتلج غرفه حتى تبقين بيها
ميسم اشكرج عمه بس اني باجر لازم اروح ما اكدرةابقى يمكم
العمه مي بنتي احجي وياها و قنعيها حتى تبقى
مي عمه أحاول اتفاهم وياها
اخذت مي اختها للغرفه الي حضروها حتى تبقى بيها
جلس الإختان وحضنا بعض
ميسم هاي شنووصايره ام كرش وابتسمت
مي حبي تره دا احسب الأيام و الساعات حتى ينزل هذا الطفل و اخلص من الكرش لان كل الي يتشاقون وياي ايسموني لوةدعبله لو ام كرش
ميسم حبي ما بقى شي و ترجعين مثل ما جنتي
مي حبي شنو صار اليوم
ميسم شرحتلها الي صار
دق جرس الباب وكان في الغرفه نافذه تطل على الباب الخارجي قامت مي و نظرت من النافذه حيث التفتت
مي اختي هذا باسل يمكن باسل الي اجى تعاي شوفيه لان اني لمحته مره من بعيد يعني ما اعرف شكله
ميسم قفزت من مكانها
لا حبي الخاطر الله ما صدكت انهزمت
باوعت شنو هذا الحظ فعلا هذا هو شنو الي جابه و شيريد
فاروق طلع و فتح الباب
ها باسل جاي بهاذا الوقت خير خاما اكو شي
استاذ مو ضل بالي على زوجتك ولاتنسى هي اخت مرتي كلت اجي اشوفها و اعرف شنو بيها و بعدين اخذ مرتي لان ميصير اترجعها بليل لبيتي
فاروق اخي اتفضل ادخل بس اخي تره مرتي اتريد اختها يمها كم يوم لان تعرف هي حامل و شويه منزعجه و منريدها تضغط على اعصابها و تحس بأنها وحدها لان هنى علاقتهن ويه اهلهن مو زينه بس مي و ميسم علاقتهم قويه
باسل استاذ بس مرتي ميصير اتنام بمكان بعيد عن بيتها
فاروق كل عقلك هذا هم بيتها ترى حجيك هذا ممكن يزعجني
كان كلامه يظهر له به بأنه منزعج
باسل نوعا ما شعر بلرهبه
يعني ممكن اتبات ليله وحده وباجر اصبح اني اخذها ممكن اكدر اشوف زوجتك و أسلم عليها و احجي اشويه وي ميسم
فاروق ادري شنو اشتاقيت لمرتك ماصار ساعه من عافتك ارتاح اشويه ما مليت يوميه اتشوفها على الأقل حتى تشتاقلها وهي هم تشتاقلك
باسل استاذ بس احنا حالتنا استثنائيه ما اكدر افاركها اهوايه
فاروق اكعد هسه و راح أصيح نسوانا حتى يجن و نكعد سوه
فاروق عرفتن منو اجى
ميسم و مي اي شفناه
فاروق يله ميسم تعاي قرري اشلون تخلصين منه ايريد ياخذج باجر الصبح
وصل الثلاثه للاستقبال حيث كان باسل جالس ينتظر
سلماعلى بعض
باسل اختي خير اشبيج
مي تعرف مشاكل الحمل و اني ما عندي غير اختي و اشكرك لان دزيتها
باسل لا اتدللي انتي تأمرين
مي ممكن اختي تبقى كم يوم يمي
ميسم انزعجت من أسلوب اختها كأنها تتوسل بيه حتى ايبقيها اختي ما كو داعي تطلبين ممكن تتركونا وحدنا خلونا نحجي سوه
فاروق اكيد حط أيده على ظهر مي واخذها و طلعو
باسل اني جنت اريد احجي وياج ليش طلعتي بسرعه و لا عبالك عندج رجال لازم تأخذين أذن قبل ما تطلعين هذا تصرف غلط و مجان لازم اتسويه
ميسم خلصت حجيك خلص اسمعني
اعتقد اني فهمتك باني اصلا حاسبه نفسي ما متزوجه
باسل بس اني موجود و اني زوجج ولازم اتكونين مطيعه لا امري و لا تنسين انتي لخاطر اخوج عايشه في بيتي صار فتره طويله
ميسم شوف اني ما احب احجي بهذا الموضوع صعب اكوله و احس باني راح اهين نفسي كدامكم
شوف عمري ما اهتميت بأخويه جان عندي اخ واحد استشهد و اني اصغيره شفت امي من جانت اتعيط و من كسرت التابوت لان مخلوها اتشوفه كالو بانه كله دم و تراب الكاع تغطيته لان شهيد لازم يندفن بدمه و فعلا من كسرت التابوت ما شفنا اي ملامح لاخويه لو بس غاسلين الجثه على الأقل جان شفت ملامحه و حتى من امي حاولت ترفع رأسه من التابوت منعوها و سحبوها وبعدوها عن الجثه رغم كل الي شفته ما اتأثرت لان ما صدكت بأن هذا الي ما اله ملامح ممكن ايكون اخويه
يمكن لان جان ينزل اجازه كل شهر يومين منلحك انشوفه يرجع للجيش بقيت فتره اشوف الدم والتراب و اتخيل بأن الي شفته مجرد كابوس و اكيد اخويه راح يجي بيوم و ما حزنت عليه اصلا
وللعلم هذا اعز اخ الي
اتريدني اخاف على كريم الي حتى ما اطيقه.
چنت باقيه ابيتكم لان اريد اكمل دراستي و اشتغل و اعيش نفسي خلص حياتنا سوه خلصت و ماكو داعي اتعب نفسك وتفكر بيه
وبعدين انت شنو من عقليه قبل كم شهر كلت انت اتحب وحده بهاي السرعه نسيتها ما عدكم ابد وفاء للحب على الأقل لخاطر حبيبتك ايجوز هي هم معجبه بيك وهذا وعد مني ازوجك الها واجمعكم و حتى اعرفها على نفسي باني مو اختك اكيد بس صديقه او وحده يتيمه انت امعيشها يمكم مو اكثر
باسل هسه عرفت بانج على الأقل جنتي اتعزين احد الي هو اخوج شنو جان اسمه
ميسم نعيم
باسل طبعا مثل ما اعترفتي الي بسرج لازم تعرفين سري
وعدتيني بانج راح اتزوجيني الي احبها صح لو غلط
ميسم صح وعدتك
باسل شوفي اني جنت ويه صديقي يم مدرستكم و شفتها صدكيني كلبي اتعلق بيها من اول نظره حاولت ابعد عيوني عنها لاكن ما كدرت سحبت كلبي من بين اضلوعي وطلعت روحي من جسمي وهي حتى ما شافتني و لا حست بيه وثاني يوم لكيت رجلي سحبتني على طريق مدرستها لمن شفتها حسيت باني كدام مستقبلي وبانها هي حياتي واكيد مراح اكدر اعيش من غيرها
جان صديقي وياي حاولت حتى الحكها لاكن جانت اختفت بقيت كم يوم اروح للمدرسه لاكن لبنيه فص ملح و ذاب
مابقى الها اي اثر حتى من اخويه قتله اخوج صح حزنت عليه لاكن بقى فكري يم الي آخذة كلبي و مكدرت اكول لاهلي عنها لان اصلا اني ما اعرف اي شي عنها
لا اسم و لا صف و لا عمر و لا عنوان
بعد الزواج اعتمدت على ناديه حتى تلكاها لاكن بدون فائده
ميسم و بعدك ما لكيتها جان ممكن اساعدك لاكن اني ما احب اسوي صداقات وي الطالبات بل المدرسه اكيد ناديه احسن مني بهذا الموضوع لانها تعرف كل الطالبات
باسل بس اني اخيرا لكيتها و عرفت كل شي عنها و هسه خلص البنيه الي احبها
صارت كلش قريبه مني
ميسم مبروك لعد شنو المشكله حبيبة كلبك صارت عنصر معروف بلنسبه الك
صدكني اني مستعده باجر اخطبها الك
بس اتمنى بعدها تنسى وجودي و حتى ممكن أعيش يمكم لان احب اعتني بابوك و اريد ابقى قريبه منه يعني نبقى اصدقاء
باسل الي دتطلبيه مستحيل لان انت الأصل
ميسم اهنا بدت المشكله شوف بيتك بعد ما اوصله و راح أعيش ابيت ابن عمي
وورقة طلاكي لازم توصلني بأسرع وقت وصدك الي ايصير بلعشيرتين شي ميحرك براسي شعرايه جنا اني و انت متباعدين وهذي جانت رغبتي انك ماتتورط و تتعرف عليه لان مو اني الي اصير ملك أحد
باسل موضوع الطلاك هذا
كطنه وطلعيها من اذانج
ميسم و انت ما دام اتفكر بيه كزوجه لعد لا تحلم باني ممكن ارجع وياك
باسل على الأقل اسئليني منو البنيه الي حبيتها
ميسم البنيه متخصني اصور كتلك باني ما اعرف اي طالبه
على اي اساس راح اسئلك
باسل بس انتي تعرفيها وتعرفين كلشي عنها و اكثر وحده ممكن تلكاها الي هي انتي وهم و عدتيني بأنج راح اتزوجينا
ميسم حجيك مستحيل كتلك ما اعرف اي ابنيه
باسل بعدج على وعدج بانج راح اتزوجينا
ميسم اكيد اني ما اكسر وعدي
باسل زين بالبدايه
اسمها ميسم
و عنوانها غرفة نومي
وهي زوجة باسل
خلص الباقي عليج