سمائنا تبكي مطر و حالوب و ثلوج
و تنجرح بلبرق و تصرخ مع صراخ الرعد
و نحن نبكي دموع حزن و فرح و حسره و بجروح الدنيا تحمر عيوننا و نصرخ من الالم و من الحزن
اذا ما الفرق بين السماء و العيون
ما يحدث في السماء يكون عل مرمي البصر ويسمعه ويحس به مدن كثير
بينما ما يحدث للإنسان
محدود بقدر المحيطين بنا
هربت ميسم من بيت فاروق حتى لا يجدها باسل أو حسام
لان بيت فاروق يعرفه الجميع عكس بيت امير الذي لا يعرفه غير أهلها
وهم عائلتين متضادتين
و هي لا تعرف الى اين سوف ترميها الحياة
هل من المعقول أن تنته مأسيها
التي رافقتها منذ الطفوله
و لم تترك لها مجال لتعيش مثل باقي البنات
و صل باسل و حسام إلى بيتهم
فرحت زوجة حسام بعودة زوجها
و استقبلت فريال باسل و رحبت به
باسل وين ميسم
حسام شوف باسل علمها بعد ممنوع تقفل الباب بوجهي لان بعدها ما شافتني من ازهك و اتعصب
باسل راح على أبوه و التفت على ربيع هاي شنو ميسم ما غيرت ملابس أبويه
ربيع اخويه ميسم وصتني أبدله ملابسه بس ما كدرت و حدي و محد قبل ايساعدني
رغم أهوايه طلبت منهم بس واضح أبويه ما عنده غير مرتك
باسل ادري رجال مريض ما كو احد ايحن عليه و يبدله ملابسه حرام عليكم
الكل غلسو عليه
بس فريال اجتي عليه
باوع عادي اني جان اساعد اخوك بس تعرف ابوك رجال غريب و ميصير اني أبدله يمكن حتى حرام
باسل صاح ميسم ميسم
مرت أبوه لا اتعب نفسك مرتك عيني طلعت و حتى ما اخذت اذني راحت ابكيفها
باسل يعني شنو طلعت
ربيع لا اخويه بس خابرها امير يمكن اختها عدها ولاده و اجى اخذها وياه
حسام طيح الله حضك يا اخويه شنو هاي المره الي تطلع ابكيفها شنو ما حاسبتك رجال لو ما الك قيمه عدها ثم منو هذا الاستاذ اميرحتى تطلع وياه
باسل ارجوك اخي هذا ابن عمها عادي اني وهي متفقين نطلع بدون ما ناخذ إذن يعني اني سامحلها تطلع بدون إذن مني
حسام ها هسه افتهمت ليش مرتك دايحه و بلا شرف
ربيع و باسل الاثنين صاحو بيه اوكف عند حدك
باسل دير بالك اتفكر تنطخ بشرف مرتي
ربيع مرت اخويه استر ابنيه شفتها بحياتي
حسام حقكم هيجي تحجون لان متعرفون حقيقتها
مرته احجي زوجي اني حاسه بأنها وحده بدون شرف
حسام ام جهالي خليني ساكت
مرت أبوه احجي احنا لازم نعرف كلشي.
صدك من كالو
عدو عدوي صديقي
باسل اخويه عيب هذا الحجي لان ميسم مرتي و اني ادري هي محد يلحكها بلشرف لان ما شفت وحده مثلها
حسام اخويه انت غبي مرتك ليش ما فتحت الباب لان هي حبتني و كتلت نفسها عليه بس اني اكيد ما انطيتها مجال لان عيب هاي شرفي مرت اخويه
عمها بدت عيونه تحمر وتنزل الدموع وهو عاجز لا يستطيع أن يدافع عنها
حسام كمل كلامه و من شافت باني ما ممكن اخون اخويه قفلت البوب حتى اتذلني و تخليني ما ارفضها مره ثانيه
اخويه جنت اكدر اذبحها و استر على شرفك لا كن شفت احسن انت اتطلكها و نخلص من هاي الوسخه
باسل مستحيل متسويها
مرت أبوه شفت اختك كالتلك عليها بس انت طلعتها جذابه و هسه كول اخوك هم جذاب
مرت اخوه احسلك اتموتها و تغسل شرفك لان هاي متعيش ابيت شرفاء
و لا تضوج عندك تاج راسها اختي فريال اتزوجها حتى اذا اتريد هسه
فريال نزلت راسها بلكاع عادي اختي اني تحت امركم
حسام انجبي لج شنو يكتلها حتى يدخل للسجن بس ايطلكها و خلص كلمن ايروح بطريقه
وبكيفك اخويه زواجك من فريال على حسابي تجهيز العرس و حتى بدلت عرسك عليه
ربيع شوفو اخاف يقتنع باسل بحجيكم تره اخويه انت تعرف اذا اتطلكه اني اروح أعيش يمها لان كل الي ايكولوه مستحيل ينكال على مرت اخويه
باسل شوف اني محترمكم لان خطار اهنا ابيتي لاكن كلمه وحده ازياده راح اطرد الكل من هسه لازم تعرفون مرتي تسوه راسكم
يعجبكم تعتنون ب أبويه مثل الاوادم و تروحون معززين مكرمين او اطلعو ولا اتشوفونا و جهكم لان اشتاقيت لزوجتي و رايح اجيبها
مرت اخوه سحبت اختها و بدت تتعارك و طلعت و هي زعلانه و اختها اتحاول اتوخر ايد اختها لان اتريد ترجع بلكت باسل ايقرر يتزوجها لا كن ما كدرت ترجع
بينما حسام جان ممصدك اخوه هيجي يوكف ابوجهه بهاي القوه لخاطر مرته
باسل يله ربيع خلي انبدل ملابس ابونا لان بعد ما طلعت ميسم هذا العجوز ما اله غيرنا واثاري اني فعلا جنت اغبى واحد للعالم خطيه كالت الي يجي خلي يعتني بعمي وكالت اشو ماكو احد مهتم بلمريض بس اني جنت حاط ثقتي بناس ميخافون الله وفوك كل محاسن ميسم انوب يتهموها بتهم مستحيل توصل الها حاول حسام ايساعدهم لاكن باسل بعد ايده كملو تبديل الملابس و لاحظ بأن أبوه كأنه يبتسم له
ربيع اخويه محتاج بعد شي
باسل لا بس رايح اجيب مرت اخوك واجي
حسام حقك اخويه غاسله عقلك و خلتك توكف بوجه اخوك الجبير و لا تنسى هذا بيت أبويه و مو من حقك اتسميني خطار اجي و ابات ابكيفي
باسل لاتحجي على مرتي بلسانك القذر هذا فهمني من طلعت مرتي لحد ما رجعنا ليش يأبه مرتك الحقيره ما بدلت ملابس ابوك مرتي مو خدامه عندك وعند مرتك الحيوانيه شوف ترجع مرتي إذا تجي تعال من اني موجود ليش حضرتك تجي بس من اكون بلشغل لان شفت مرتي شريفه و حتى تاخذ راحتك بس واضح هي اشلون ذلتك و نزلت خشمك للكاع اني صوجي مافهمت تلميحاتها اني غبي غبي غبي
حسام اني اسف اخويه
باسل خلص انجب و ما اريد اسمع صوتك
وطلع و لحكه حسام و ركب وياه بلسيار
حاول خلال الطريق يعتذر من اخوه بدون من أن اينزل من مكانته
لاكن باسل ما حجى وياه طول الطريق
وصل لبيت
فاروق استقبلهم و سلم عليهم
باسل مبروك ولدت مرتك
فاروق الحمدلله
باسل شنو مراح انطب انسلم عليها نبارك الها
فاروق ما كو داعي اني اوصل سلامك
حسام ايباوع على ضخامة البيت والسيارات الي بلكراج و الحارس الي وره فاروق
شجع نفسه العفو مرت اخويه وين خليها تطلع ابسرعه
فاروق العفو منو حضرت جنابك الكسيف حتى شايف نفسك
وتحجي بحيل صدر كدامي
باسل اسف استاذ هذا مع الاسف اخويه الجبير
فاروق خوش قندره و شنو يأمرني هذا الزمال
حسام اشو انت شايف نفسك صيح على هاي الحقيره مرت اخويه خلي تجي ابسرعه
باسل كافي انت اسكت
فاروق والله باسل اثاريك رجال هذا الغبي ايكول على مرتك البطله بانها حقيره و انت اتكله اسكت ما دام متعرف اتسكته اني اجاوبه و اعرف اربيه ظربه بوكس وكعه على الكاع و اجى الحارس وحط السلاح على رأسه
باسل ارجوك استاذ اهدى بس اجيت اخذ مرتي وهذا هو الحقير بس يبقى اخويه الجبير
فاروق اتصل بلشرطه بينما الحارس سحب حسام لداخل البيت و باسل تعب من محاولة تهدئته
باسل عفيه بس صيح ميسم خلي احجي وياها
فاروق اصلا ميسم غير موجوده رجعت لبيتها
باسل اشكرك اترك اخويه خلينا انروح
فاروق لك كل عقلك اذاهو استحقرها فأنت احقر منه لان تسمعه ايهينها و انت مثل النعامه امختل راسك
لك اتطلكلها وبعد ما عدكم مره انسوها
حسام لاتنسى تره احنا اكو ابينا دم وممنوع تنهزم من يمنا
فاروق و شنو رائيك اليوم اجى أمر
العفو العام عن جميع السجناء
واكيد سقطت كل القضايا و لا تحلمون اتشوفون ظفر ميسم بعد اليوم
اجت الشرطه و أخذت الاثنين للحجز
الخاص بمركز الشرطه فقد كانو اول سجناء يدخلونه بعد ان فرغ من السجناء
وتم كتم أمرهم حتى عن الشرطه
ميسم كانت تجهز نفسها حتى تذهب الى العمل و امير ينتظر حتى يأخذها معه يوصلها لعملها ويذهب لكليته
صاحب الشغل استقبلها بلترحيب
من اول يوم اعطاها راتبها الشهري وطبعا هذا امر من زوج اختها لان الراتب يسلم في نهاية الشهر
ميسم غير المفروض مو هسه الراتب
المدير لا احنا نظام شركتنا ننطي الراتب من اول يوم حتى الموظف يشتري ملابس للشغل و اكيد ايكون عنده افلوس للسياره الي راح اتجيبه واتوديه
ميسم و اكيد الموظفه الي زوج اختها الاستاذ فاروق بس هي الي توصلها هيجي مميزات
المدير لا ما كو هجي حجي احنى نظامنا ماشي بهاي الطريقه
ميسم على العموم شكرا الك و اني راح اشكر فاروق
المدير ارجوج بنتي لا تحجين هيجي و لا اتذكرين الأستاذ تره ما اله دخل
عادي بدت العمل براحه وكانها تريد
فتح صفحه جديده بحياتها
فاروق اخبر زوجته عنما حصل و اتصل بأمير و طلب منه ترك البيت ل ميسم
والعوده للعيش في الجزء الذي قسمه من بيت عمه له و أخبره أن لا يخبر احد عن مكان ميسم حتى يجد لها بيت اخر
ويخبر من يسأله أنه اجر بيته لانه بحاجه للنقود
طبعا امير وافق مباشر لان هذا امر من اخو حبيبته و عليه أن ينفذ كل أو امره
عاد واخذ ميسم من العمل واخبرها بأوامر فاروق تعجبت مما طلبه
ميسم ارجوك لا اتخلي وجودي ايدمر حياتك اني اطلع و صارعندي راتب واكدر ادبر حياتي
امير عيني بنت عمي مو انتي ذكيه شنو اتريدين اتضيعين حبنا اني و شمس تره اذا اخوها زعل بعد ما احلم اشوف خيالها و الله لو ايكلي نام بلشارع
عادي انام و من غير حتى ما اناقشه
ميسم خلص ابكيفك اذا طلعتك بيها مصلحتك انطيني فرصه اذب اهدومك بره البيت و اطردك و اسويلك مشكله كلش جبيره حتى بعد ما تحلم ترجع
بدء الاثنان يضحكان و هما واحد يقلد على الثاني
حتى وصلا للبيت جمع امير ملابسه وميسم تمثل انها تصرخ عليه و تطرده وهو يترجها ان تعطيه فرصه حتى يجد مكان جديد يسكن فيه و هي ترفض و كان تمثيلهما مع الضحك بصوت مرتفع
حتى خرج امير ومعه جنط ملابسه
ميسم صار ساعات نضحك انت تعرف اني هاي اول مره راح انام وحدي ابيت كامل اشلون راح ادبرها
امير خطيه بنت عمي و لو تستاهلين لان طردتيني من بيتي
راح يجوج لو الاشباح لو اتريدين الجن عادي استقبليهم و اتعشو سوه وها لا تنسين تطلبين منهم يدفعون ايجار حتى مباشر ايشيلون جنطهم و ينهزمون
رجعت تعليقاتهم لبعض تضحكهم
حيث ظهر صوت من خلف الباب والله اني ما ادفع ايجار و لا انهزم و طبعا حتى بنتي مراح اتقدركم وتخسر افلوسها على طفل امها ربته
فرح امير و ميسم
واكيد كانت مي و تحمل بنتها معها حيث اوصلهم فاروق حتى لا تبقى ميسم لوحدها رحبت الإختان ببعضهما
أنت تقرأ
الأخ المتحرش
General Fictionانهامجموعة قصص عن المصائب التي تعانيهاالبنات في بيت واحد واصعبهامحاولات الاخ التحرش بأخته لانهاجميله وفوق كل هذاتدفع ثمن أخطاءالمجرم هذالان امهاتحب الاولاداكثرمن البنات
