المجهول يدخل في عقل الإنسان الفضول و يجعله يعيش في عالم من الخيال
دخل باسل بنوع من الهوس حيث لم يعد يفكر سوى بما تفعله هذه الفتاة وما القصد من تصرفاتها و لماذا تضده رغم هو حتى لم يحاول أن يطلب منها شئ هل الذي تحبه افضل منه ام تخطط للهروب مع شخص ولأجل اخوها تبقى عندهم و لماذا منذ زواجه لم يدعه مديره فاروق يأخذ اي اجازه بينما قبل زوجه كان انسان طيب واسهل شئ هو الحصول على اجازه من العما
هل لأجل المدعو حيدر
كان عليه أن يستفسر من أخته ناديه اتجه إلى غرفة أخته دق الباب فتحت ناديه الباب اخويه ها اتريد شئ جاي بهذا الوقت
باسل لا بس حبيت احجي و ياج بموضوع
ناديه خير مع العلم صدك أهوايه استفسرت عن البنيه الي عاجبتك بس مع الأسف ما لكيتلها اي اثر
باسل يمكن اني كطعت الامل بأن الكاها عبالك فص ملح و ذاب
ناديه لعد شنو اشبيك بس لا اتأكد اني راح ابقى ادورعليها بلكت الكاها
باسل انسي موضوع هاي البنيه حبيت اعرف سر ميسم
ناديه اخويه فهمني خاما هاي مرتك لفقت عليه قصص تافهه مثلها
باسل هاي اشبيج اشو فريتي الحجي بغير جهه كمتي
اتخوطين ابصف الاستكان
ناديه العفو اخويه شتريد
باسل عندي اسئله عن ميسم
ناديه ها صراحه ارتاحت لان اتصورت بأن ميسم فضحت أسرارها
سحبت نفس طويل اسئل اي شي
باسل شنو رئيج بيها
ناديه من يا ناحيه
باسل من كل النواحي و كل التفاصيل الي تعرفيها عنها
ناديه شوف الصراحه هي شاطره بلدراسه و تعرف تتناقش بشكل اتوكف الي كدامها صافن ميكدر ايرد عليها بس مغروره و شايفه نفسها علينا وتره اتغار كلش مني و خاف اتحاول اتلفق عليه قصص تره كلها جذب من غيرته الان ما كو احد ايباوع عليها اتحس بنقص وتره هم حاقدة عليه من عرفت انت اتحب ابنيه ويانا بلمدرسه واني كلتلها انت اتريدني اعرف كل تفصيله عن هاي البنيه حتى لو اصغيره عنها غارت وزعلت عليك و حتى من راحت لعرس اخت فاروق ما جانت اتريدك اتشوفها اتريد اتذلك بلكت تترك حبيبتك وترجعلها و اضح حابه تملكك بس الها
وهم الفقر الي جانت عايشه بيه خلاها تتمنى تتزوج واحد عنده الفلوس واكيد مجانت تحلم اتحصل واحد مثلك بس طلعت محظوظه من حصلتك
باسل واضح انتي منزعجه منها
ناديه لا هاي منو حتى تزعجني هي اصلا جانت تحلم اتعيش وياي ابنفس البيت بس غير الحظ الي وكف وياها وجابها لبيتنا.
حس باسل بأن أخته عدها كره غريب تجاه ميسم و لكن اتأكد بانها عدها مواصفات حلوه و ذكيه و لسانها طبيعي وتحب التصادم
صار لازم يلكه وحده غير اخته يسألها لان واضح اكو مشكله ابين أخته و ميسم لان أبوه و اخوه ربيع يحبونها
وهم أخته تتصور ميسم اتريد اتسيطر عليه و هي متعرف اخوها بعده حتى ما يعرف شنو ملامحها لك ما كو غير حل
اخت صديقه محمد يمكن تعرف وحده وياها بلصف اتصل بيه و طلب منه أن بتقابلون و فعلا كعدو بأحدى المقاهي
باسل السلام عليكم
محمد و عليكم السلام و اخيرا اتذكرتني شنو هاي الكطعه اشو ناسينا لا تلفون ولا مقابله هلكد الزواج حلو لدرجه اخذك من صديق عمرك
باسل ابتسم لا اخويه ليش اصلا اني متزوج حتى اتبوكني زوجتي منك
اخويه المدير مالتي ايصر زوج اخت زوجتي و اشو امسوي عليه منع من الإجازات او الطلعه بأي طريقه و حتى لو مضطر ميسمح الي اخذ حتى لو ساعه مرضيه تتذكر اشكد جنت اطلع من الشغل و ابد ما جان هيج ما اعرف شنو الي استجد مع أنه المفروض صرنا مثل الكرابه لا كن الحقيقه عبالك صار عدوي يعني من الشغل للبيت و أشوف صعبه نتلاكه بليل و هسه اريد مساعدتك حتى افهم الي ديصير
محمد كول شنو المطلوب مني
باسل بالبدايه شرحله كل الي صار وشلون أخذوه للمركز وبأنه لحد هذا الوقت ما شاف مرته المهم فهمه كل التفاصيل من صغيرها الى جبيرها
محمد اخي الي صاير وياك صدك لغز اشلون اتحملت كل هاي المده و اني اريد اسأل اذا مرتك حامل او راح ايصير عندك طفل طلعت كلشي ما كو اكتشفت بأن نتيجة زواجك بعد هي صفر صفر ماكو و لا كول
هسه شنو مطلوب مني
باسل اختك الله ايسلمها مو وياها بنفس المدرسه بلكت تلكالي طالبه بنفس صفها عندي مجموعة اسئله اريد اعرف جوابهن منها
محمد زين ليش ما سألت اختك مو وياها بنفس الصف
باسل معقوله ما اسئل بس واضح اكو كره من اختي الها فشفت لازم
اسأل احد غريب احسن
محمد عادي اخويه عود اردلك خبر
بعد خروج باسل من غرفة ناديه بدت اتحاول تلكه فرصه حتى اتروح على ميسم بلكت تعرف اذا خبصت عليها يعني ممكن اتكون كشفت لاخوها عن قصصها ويه المتزوجين وبهيجي راح تنفضح بينما هي اتفكر سمعت صوت سيارة اخوها طلعت من طرمة البيت نزلت بسرعه حاولت فتح باب غرفة ميسم لاكن جانت مقفوله دقت الباب
ميسم منو
ناديه اني
ميسم فتحت الباب خير شتريدين ابهذا الليل
ناديه دفعت الباب و دخلت الغرفه
ميسم هاي اشبيج ليش طبيتي
ناديه شوفي سدي الباب و تعالي نحجي لان راح اتخبل
ميسم سدت الباب وراحت يمها احجي شنو الي راح ايخبلج واني شنو دخلي بخبالاتج
ناديه فهميني انتي شنو حاجيه لااخويه عني
لفقتي عني قصه
ميسم اني الفق عنج قصص ليش منو انتي حتى اسويلج مكان ابراسي و ادوخ نفسي حتى افضح اسرارج
ناديه شوفي ديري بالج اسمع فد يوم بانج اتحاولين اتوكعين ابيني وأبين اخويه
ميسم شنو قصدج اخوج شعليه بيه
ناديه لا اتغشمين نفسج انتي كلشي تدرين ليش يأبه اليوم اجاني يسأل عنج اكيد حاول يلكه طريقه حتى ايوكعني بلحجي و يعرف اذا انت حجيتي صدك لو جذب
بس باوعي لج صدكيني كلشي اني سويته اذبه ابراسج و اكيد راح ايصدكني منو انتي حتى ايصدكج وحده فصليه اخوها كتل اخوه
ميسم انصدمت بعد ما كدرت تحجي ليش بدى يسأل عنها شنوخلاه ايحاول يعرفها ارجوج ناديه اطلعي من غرفتي وخليني اشوف حجم المصيبه الي راح توكع على راسي
ناديه اي لازم تعرفين اني فعلا مصيبه
قفلت ميسم الباب و كعدت منتجيه على الباب و هي اتفكر بكل الي صار وياها معقوله غلطت بلتصرف كدامه و هو كشف الموضوع او يمكن جانت تحجي ويه احد وسمع صوتها و عرف بانها طبيعيه
پقت الاسئله تتكرر بعقلها لحد ما لكت نفسها نائمه على الارض
رجع باسل للبيت ورن التلفون وصل اله لاكن انقطع الاتصال حاول يبتعد رن مره ثانيه رفع السماعه و قربت زوجة أبيه جانت اتريد اترد
باسل الو ها محمد اهلا
صدك مشكور اخويه العزيز
اي تره باجر بلليل اشوفها لان
تعرف ما اكدر بلنهار ما كو اجايز
مع السلامه مشكور صديقي العزيز
مرت أبوه شنو اشو امبدل راح تطلع
باسل لا امي هسه اجيت
مرت أبوه اشعجب طالع بليل
باسل رأسي يوجعني حبيت اتمشى
مرت أبوه هذا محمد خابرك شنو الموعد الي اتفقت عليه وياه
باسل كتلج رأسي يوجعني و اكو يمهم دكتوره تكعد بليل حجزلي يمها باجر اراجع يمها
مرت أبوه ابني انشاء الله اتكون مجرد الام عاديه احتمال متنام زين لهذا يوجعك و بعدين متخلي مرتك تهتم بيك ليش وحدك تعبان تعبها وياك
باسل امي اني ما احتاج احد
تصبحين على خير
في الصباح الثاني طلع باسل من البيت وبقى بمكان قريب من البيت
طلعت ناديه وحدها ابتعدت
حس بأن ممكن ميسم اليوم غائبه عن المدرسه شغل السياره و لاحض باب البيت انفتح طلعت من البيت شاف شعر اسود طويل و سرح وبه لمعه جميله وعندما تشع عليه الشمس مثل يكشف لونه و هي حانيه راسها الى الأرض حيث هناك خصله مغطيه وجهها نازله على كتفها جائت امرأيه كانت من الجيران من أمامها
السلام عليكم
ميسم و عليكم السلام جارتي العزيزه
صوت ميسم رن في اذن باسل كأنه نغمه جميله شغل السياره و حاول يتقدم عليها حتى ايشوفها لاحظ أن الوقت في الساعه كان هذ وقت الدوام صار يجب عليه أن يصل للشركه بسرعه و ايضا عليه مقابلة صديقة اخت محمد كان الوقت في الشغل لا يمر كانه توقف
واخيرا انتهى الدوام قبل خروجه اتصل بصديقه و أخبره أن يخبر الفتاة بأنه قادم وصل لبيت أهل صديقه نظر من خلف الباب كان عندهم حديقه جميله ويوجد فيها مرجوحه
وقد وضعوا امامها كراسي كانت تجلس الفتاتان على المرجوحه فتح
محمد الباب اهلا و سهلا
باسل اهلا بيك و هو يدخل للداخل سأل ياهو منهن الجاره
محمد اشر له على احداهن
باسل تقبل احجي و ياها وحدنا
محمد شوف اني و اختي راح نكعد اشويه بعيد لان مترهم نتركم وحدكم
باسل زين
اخذ محمد و اخته كل واحد منهما كرسي و ابتعدا عنهما
بقت الفتاة في المرجوحه قرب الكرسي وجلس أمامها
باسل مرحبا
الفتاة اهلين اخي
باسل عرفتي اني عن منو اريد اسأل
الفتاة اي عن ميسم
باسل عادي تحجيلي شنو تعرفين عنها بكل التفاصيل
الفتاة اي عادي
هي ابنيه عاديه محبوبه بس منعزله ماعدها عيوب ابد شاطره بس ابد ما اتحب اتصادق اي ابنيه طول وقت الدوام امكضيتها بس دراسه نتمنى انصادقها بس متنطينا اي مجال اتحسها اكو ماسي بحياتها و متريد احد يعرف عنها اي شي
باسل عدها اي علاقات ويه ولد مثلا
الفتاة مستحيل تدري اكو واحد كتل نفسه عليها صدك مسحت بيه الكاع عدها شخصيه كلش قويه مو من السهولة احد يكدر عليها حتى هذا الولد چان اكو اهوايه بنات بتمنن ايباوع عليهن لاكن كان و اهسه بيها و ما لكه منها اي وجه بينما اكو
وحده عدنا بلصف حبته بس ما انطاها اي مجال تركض وراه و هو يركض وره ميسم ووضح اخير شي كدرت اتصير هاي البنيه صديقته بس
سكتت الفتاة
باسل بس شنو عادي احجي
الفتاة هاي البنيه الي تركض وره الولد اسمها ناديه اشو صار شي غريب بقن كم يوم يجن سوى للمدرسه ما اكدر اكول شي غريب معقوله ناديه حرفتها عن الطريق لاكن من يوصلن للمدرسه ميسم متحجي وياها ابد منعرف سبب تقاربهن بخلال هذي الأشهر لان ما كو احد يتقرب من ناديه اشلون كدرت اتصادق ميسم منعرف اكيد اكو سر بلموضوع لان شخصية ميسم اقوى من أن اتنزل نفسها كدام وحده مثل ناديه لاكن هاي جانت خلال فتره بسيطه لان وراها بعد ما احن سو صارت ناديه تجي وحدها ورجعت ميسم منعزله عن الطالبات
باسل حس بلاهانه هو اجى يسأل عن زوجته لكه مصيبة اخته متنغفر انوب روحتهن للمدرسه سوى راح ايهين سمعت زوجته
هسه شنو مشكلة ناديه بحيث متريد حتى تمشي ويه ميسم
الفتاة حجتله كل مصائب أخته بالتفصيل
ايكولون
يم حسين جنت ابوحده صرتي بثنين هذه مقوله عراقيه معروفه
أنت تقرأ
الأخ المتحرش
Художественная прозаانهامجموعة قصص عن المصائب التي تعانيهاالبنات في بيت واحد واصعبهامحاولات الاخ التحرش بأخته لانهاجميله وفوق كل هذاتدفع ثمن أخطاءالمجرم هذالان امهاتحب الاولاداكثرمن البنات
