كما علمنا ان فاروق قد اوقف ميسم حتى يعرف ما يحدث معها في ذلك البيت الذي ذهبت إليه وما سبب كلام ربيع و ايضا اخبرهاوبان اخوها كويم يريد ان يراها ويطالب أهله بأعادتها الى البيت حتى لوحكم عليه بلاعدام
فاروق شوفي اني مراح اكلج لااتخافين واحجي الصدك لان اعرف بأنج اقوى من كلمة خوف و هذي الكلمه ممسوحه من قاموسج
قبل كلشي كريم متجنن ايريدج ترجعين يم اهلج و ميريد احد يلمسج شنو هذا الاخ اشكد اخ حريص على أخته
ميسم خليه ايولي
فاروق معقوله هيجي اتجاوبين على طلبه
ميسم شتريد اكلك واحد قتل بشر معقوله احن عليه
بداخلها كانت تدعي عليه أن يتعذب مثلما سرق منها طفولتها وجعلها تقضي اغلب ايام صغرها تتلفت خوفا من تصرف يبدر منه اوولمسه مقرفه من لمساته المتكرره التي جعلتها تكره اي رجل على وجه الكون ولا تعرف كيف امنت بزوج اختها فاروق ربما عوضها عن اخوها نعيم
فاروق معقوله اكو هيجي اخت تكره اخوها
ميسم ممكن اتغير الموضوع لو اتركك وصدك انسى كل معروف سويته وياي فاروق اسف اسحب كلامي
وهسه اريد اعرف اشلون انتي امدبره امورج في بيت زوجج و ثم لا حضت من كلام زوجج بأنه ماخذ عنج نظره بأنج
مسكينه و هذا وصف بعيد كل البعد عنج ثم شنو معنى الحجاب الي جنتي
لابسته حسب ما عرفت من زوجتي انتي حياتج بلدنيا شعرج اشعجب غطيتيه وبلسياره نزعتيه
ميسم بالبدايه اشكرك على انك فعلا اخ الي امي ما خلفته النا لان اتوقع اسم الله عليك جان متت لان المصيبه الي ايكون آدمي ابيتنا سبحان الله ايموت بس الحقير و النذل يبقى امكابلنا صح رب العالمين ضربهم صواعق وحده وره الثانيه بس هما بدون احساس
جنت الصغيره من اخويه نعيم استشهد
بس بعدنا اني و اختي نترحم عليه
فاروق ليش انتي اشكد صارةعمرج يعني بلغتي سن الرشد لو بعد
ميسم اشكد تتوقع عمري
فاروق ما كو عبقري بالعالم يكدر يعرف عمر ابنيه
ميسم تقريبا قربت على السن القانوني
واكيد واضح بأني
فاروق مو الي عرفته من مي انتو ما دخلتوا للمدرسه بلسن القانوني
ميسم صح اختي مو مثلي هي اتأخرنا ياله سجلوهابس اني احسن من اختي بحيث اتأخرت بس سنتين مو مثل مي لان جانت مستغله لاكن اني من البدايه جنت طاغيه على المخلوقات الي المفروض ايكونون اهلي وسجلت اسرع لان بسبب حب ابي لعمي سجلوني لهذا اكوتقارب ابين مراحلناالدراسيه لاكن اختلاف المدارس لان جانت مدرستي مو موجوده بوقت تسجيلها ولان مدرستي اقرب على البيت سجلوني بيها
هسه حبيت تعرف خططي بهذاك البيت
حجت ميسم كل تصرفاتها الي اتصرفتها وبأن هي مسكينه لو جانت بشعه افضل لاكن شكلها خلاها تحمل هم اشلون تخلص منه
فاروق أتعجب من ذكائها وشلون فكرت بكل هذي الخطط و كدرت حتى متخلي زوجها ايشوف وجها
ميسم خلص هسه صار عندك علم عن سبب كلام باسل و ربيع .
ممكن أحذرك اشويه لا اتخلي ناديه تستغلك او تضحك عليك لان حسب الي سمعته هي عبقريه بتوكيع المتزوجين وتمشي و ياهم كله بالحلال
فاروق اختي العزيزه من أمثال ناديه أهوايه مرن بطريقي لاكن الي حبيتها جانت الحبابه و المسكينه اختج حبيبة كلبي مو هيجي تافهه
اجتهم ناديه يله عزيزي فاروق ما راح اتشوفني مملكتك يا ملك
فاروق ابتسم و نظر إلى ميسم صدك تعرف تضحك بس على نفسها
دخلوا البيت و كانت صالة البيت كانها قاعة اعراس استقبلتهم شمس و شيرين العروسه و فرحو بانهم اول مره ايشوفون اخت مرت اخوهم بينما چانت ناديه منبهره بلبيت و تحاول تندمج وياهم بلحجي لاكن الكل كانو مغلسين عليها
وصلت ام فاروق و سلمت على ميسم وكانت ترتدي ملابس شابات و كانت مثل بناتها جميله و مثقفه
ميسم التفتت بكل الاتجاهات
ام فاروق عادي اكيد اتدورين على اختج
ميسم اكيد بس عفيه لا اتكولين بلمطبخ
ام فاروق لا بنتي يامطبخ اكو خدامات وعمال
سحبت ميسم على صفحه نعتقد بأنها حامل و دخلناها بلغرفه حتى لا تتعب بس فاروق بعده ميدري انسوي تحليل وبعدين هي اتكله
مشت ام فاروق و ميسم بين مجموعه من غرف حتى وصلت إلى غرفه دقت الباب حيث فتحت مي الباب فرحت الإخوات ببعض
ام فاروق اعذروني أتركم وحدكم حتى تأخذون راحتكم بلحجي
ميسم شكرتها
نظرت و هي تحضن اختها الى غرفة اختها
ميسم و اخيرا اختي عشتي حياة من صدك
مي اختي اني انولدت
بهذا البيت بعد ما كعدن
على الجربايه شوفي ميسم هذوله ملأئكه عايشين على الكاع فد علاقات حلوه ماكو ولد و بنيه او اب و ام اكو مجموعه من الاصدقاء واحد ايحب الثاني ويفدي عمره للثاني اذا داخ واحد الكل يركضون ايودوه للمشفى ويسوله اكل ويوكلوه
اختي تتذكرين من جنا نتمرض
ميسم اي هي لكمتين اكلنا وتكطعهن علينا خوبنا انتي يسحلوج من الفراش حتى ترجعين تخدميهم
مي شوفي صار عندي غرفه أبدل بيها ابراحتي مو نختل وره باب الهول حتى انبدل الزباله الي جانت امي تنطينياها على أساس هي ملابس و عندي كنتور احط بيه ملابسي مو مثل ما جنا انحطهن جوه فراشات النوم و عندي جربايه انام عليها مو الفراش الي صار وصله لو انام على الكاع احسن تتذكرين من جانو يطلعون اخوانج الحقراء وندخل غرفهم ونام على فراشاتهم اشكد جنا نفرح عبالك داخلين قصور
تعرفين بستمرار نطلع سفرات عائليه ويشتريلي احلى الملابس و من اغلى المحلات بحيث مرات اكله اكو محلات ارخص نشتري منها ميقبل لاكن قنعته بأن أصحاب المحلات الي اسعارها رخيصه هذوله فقراء
و مثل ما هو ساعدني لازم ايساعدهم بطريقه مو مباشره و فاروق ذكي و يحب هجي مقترحات بيها مساعده للناس و ندخل مطاعم بحيث نسيت الجوع عدنا خدامات ومع هذا انساعدهن
تعرفين الشغل صار فدةشي كلش ممتع من نتعاون كلنا ويه الخادمات واحد يثرم و واحد يشعل النار واحد ينقل المواعين
اختي اسفه لأن أخذني الحجي ونسيت اسألج عن وضعج
ميسم تعرفين حبيت راحتج و سعادتج
بحيث لو ابقى اسنين اسمعج ما امل
رجعت حجت إلى اختها كل الي كالته لفاروق عن خططها وشلون هي امدبره حياتها
ميسم تعرفين عندي عم طيب و يحبني وعندي حمام بغرفتي و انام وحدي على الجربايه الي صارت مالتي صح ما اعرف شي عن باسل بس اكو اشياء حلوه اني عايشتها مو مهم اي شي ثاني والي حصلت عليها بهذا البيت كلش اهوايه تدرين عندي تلفزيون مثل مالتج بس تلفزيوني اصغر من تلفزيونج
مي حبيبتي شفتي هذا الجهاز اسمه فديو انشوف بيه افلام وهذا اركنديشن
ب الشتاء ايدفي الجو وب الصيف ايبرد الجو فعلا جانت جلستهن كأنها استعراض لغراض البيوت
ميسم انتبهت إلى جهاز التبريد عرفت بأنه موجود جهاز مثله في غرفتها تصورت أنه مثل اللوحه او شئ خجلت تسأل عنه
مي أعطت اختها الملابس
حيث غيرت الإخوات ملابسهما وكل واحده منهن ساعدت الأخرى لعمل تسريحة الشعر بعد ان صارن مثل الاميرات
ميسم أخذني التعجب بغراض غرفتج ونسيت صدك ممكن اصير خاله
مي اختي لا اتخجليني
دق الباب و دخل فاروق و سأل اذا كانن
مستعدات للخروج لان العريس قرب على الوصول
كان البيت فيه الكثير من الضيوف وهناك فرح و الرقص يسود بين الجميع
بينما ميسم تصفق مع اختها حيث لم يتعودن على الرقص بينما ناديه كانت اول النازليين للرقص
اصطدمت فتاة بكتف ميسم و قالت لها اسفه بس انتي من الكرابه
ميسم لا غريبه
الفتاة انتي ميسم مو
ميسم تعجبت امنين تعرفيني
الفتاة يعني سمعت عن جمالج و جنتي ويه مي مرت فاروق ابن عمي
وهم لان اخويه خابصنا بيج ما عنده موضوع غير انت
وبس اعتقد انت مو اتكيت مثلنا يعني اشلون راح تتعايشين وي مجتمعنا
ميسم اصلا اني ما اعرف منو هذا الغضب الي دتحجين عنه و اكيد ما راح اتعايش وياكم لان اني عقليتي اكبر من مستواكم وهذا الشي التافه الي تتفاخرين بيه شنو جان اسمه ها اتكيت مالتكم انتو واضح انكم همج اتعلمي تعرفين عقل الي كدامج و بعدين ياله تحجين
وصل شاب وسلم على الفتاة و التفت إلى ميسم اني اسمي حيدر ابن عم فاروق اتصور انتي سمعتي عني وهذي حلا اختي
ميسم هسه سمعت عنك واكيد ما اريد اعرف عنك او عن اختك الي اخذتني حاصل فاصل بدون سبب مثل ما اتكول اختك بأني مو اتكيت احد كللكم راح أعيش عدكم و راح افشلكم لا اني حسب نظركم همجيه اخذ اختك و انكلع من كدام وجهي ولا أكلك اني ابتعد لان خنكتوني
ابتعدت عنهم وراحت يم اختها
بينما التفت حيدر الى حلا
كوليلي انتي شنووحجيتي وياها ليش هيجي ضوجتيها
حلا احسن خليها اتضوج شنو تتزوج وحده متخلفه و فقيره اهلها جانو ذاليها شوفلك وحده من مستوانا غنيه و مثقفه مو مهم اتكون حلوه المهم نتفاخر من نمشي وياها
حيدر واضح انتي دمرتني مستقبلي بغبائج احد كلج تتدخلين اني عندي لمحه من جمالها تسوى كل بنات العالم لج اكو وحده تكدر اتجاوب مثل جوابها ذلتنا بدقايق اتكولين عنها موومثقفه هاي انخلقت الثقافه بس لعيونها
انت وحده همجيه لاتتدخلين بعد هذه المره راح احاول اصلح الوضع،
ميسم يم اختهاجانت منزعجه
مي هاي اشبيج خاما ضجتي من الموسيقى لان صوتها كلش عالي
ميسم لاحبي احنا منصدك انعيش ابهيجي جو ممتع بس اكو وحده زعجتني صح رديتها بس بعدني
ما حسيت باني هنتها بشكل صحيح على مودح لان ما حبيت ايكولون بأن اختج خربت زواج اخت زوجج
مي منو هاي لا اتخافين عندي عائله توكف بوجه الجبال
ميسم وحده اسمها حلا جانت اشو ضايجه مني وعدها اخ اسمه حيدر
مي تتذكرين من كتلج ابن عم زوجي ايريد يتزوجج هو هذا وهاي أخته وحتى أمه ما مقتنعين بيج ايريدون ايزوجوه وحده من كرايب أمه بشعه بس زنكيله و وحيدة أهلها
وهذوله حاولو بلسبعه مال زواجي ايذلوني لكن زوجي و أهله وكفوهم عند حدهم وحتى قربوا يطردوهم من البيت لو ما اني اصريت أنهم ميسوون مشكله بسببي صلحت الوضع بالبدايه جنت فرحانه لان ممكن انتي اتصيرين قريبه مني بس بعدما اتعرفت عليهم لا اختي هذوله ميستاهلون اختي
انتي اهم من تفاهتهم
ناديه صاحت على ميسم لان كان صوت الموسيقى كلش مرتفع كالتلها يله تره باسل اجى وفد اشويه ياخذنا ونروح
ميسم حبيبتي ناديه مو تدرين اني زعلانه من اخوج و ما اريد اشوفه شوفي راح اكعد بغرفة اختي وكولي لزوج اختي خلي ايكله هو ايرجعني واحتمال ابات يم اختي لان اختي مشتاقتلي
ناديه عجبتها فقرة زعل ميسم من اخوها والأهم هي راح تحجي ويه فاروق
بينما ميسم اتقصدت اتذب الموضوع براس ناديه لان مستحيل تكدر تخفي نفسها عن باسل اذا ركبت سيارته
أنت تقرأ
الأخ المتحرش
Ficción Generalانهامجموعة قصص عن المصائب التي تعانيهاالبنات في بيت واحد واصعبهامحاولات الاخ التحرش بأخته لانهاجميله وفوق كل هذاتدفع ثمن أخطاءالمجرم هذالان امهاتحب الاولاداكثرمن البنات
