الأخ المتحرش

الأخ المتحرش ..3,,

كان الاحتفال مزدوج بعيد ميلاد ميسم وحمل نعيمه بارك الجميع للزوجين
من بعيد قالت خديجه مبروك اخي حامد
بدأت تفكر بهذا الخبر سوف تسيطر نعيمه على البيت حيث أن زوجها ماجد يحب اخيه ومثل ما صارت ميسم ابنتها مدللت البيت لأنهم يساندوها فكيف سوف يكون موقع ابنهم الذي من لحمهم ودمهم سوف يطغي على اولادها
خديجه حبيبتي نعيمه واخيرا راح ايصير عندج طفل مالتج مو ما خذته من احد ثاني
نعيمه اشكرج لان راح اعتبر كلامج مباركه الي منج بس اعذريني بس لا
لان ميسم بنتي
الام مو الي تولد الام الي اتربي
وميسم مثل ما كال زوجي راح يجيها اخت او اخ وراح ايصير عدنا طفل ثاني
ما كال راح يجينا اول طفل
لان ميسم روح كلبنا و مراح انخليج اتقربين منها
خديجه انتي مو ابكيفج حنينا عليج وامنا بنتنا يمج
وخلص انتهى الوقت رجعيها الي اخوها كريم ايموت عليها و طول الوقت ايكول رجعي اختي
كافي ما خذيها من عدنا
نعيم امي خلي كريم ايولي
احسن عيشه عايشتها اختي ميسم
على الأقل تأكل مثل البشر وما عدها اخ يظربها يوميه
ومشغلها خدامه
حتى طلع عين اخونا رحيم الي
اصغر من مي ومع ذلك يتنمر عليها ويهينها ومشغلها خدامه وصار ايذب الاكل على الكاع وراد يأمرها تاكل منه لان يدري بيها جوعانه
لو ما اني شفته وظربته
وخلصت اختي من هاي المذله
امه وشنو يعني أخته ولازم تسمع كلامه على الأقل
ايربيها ويعلمها اشلون تسمع كلامه
حامد اعرف بأنكم ذالين مي
بس لازم تعرفين بأن ميسم مراح اتكون مثل اختها
وياريت اكدر اخذ مي حتى اعيشها مثل اختها
وانسيها المصايب الي عاشتها يمج انتي وكريم ورحيم
هم زين عدها اخ عزيز مثل نعيم على الأقل يوكف
مرات وياها ويخلصها من مصايبكم
مي دمعت عينها و كالتله
عمي الله ايخليك لاتترك اختي خليها عندك و وصلها الرد
بوكس من ايد كريم وكعت بلكاع
اجاها نعيم ودخل ابوها وشاف نعيم ديرفعها من الكاع
الاب شنو هاي اشبيها الثوله خليها
هي اتكوم لا تخليها تعتمدعلى احد
لان بعدين تتفرعن
مي دفعت ايد نعبم
وكالت اسفه اخي
اتعودت لا تتحمل مصايب ابسببي حاول العم يحجي لاكن مي سكتته
عمي ارجوكم بعدين اني ابتلي هم زين عندي اثنين ايدافعون عني
الاب شنو تقصدين قابل امج مثل جديتح موتت خالاتج
شوفي امج اشلون كبرتج و سوتج شابه و ما قصرت وياج
كله من وره عمج ايسوي عيد ميلاد
لك شنو هاي التفاهه شفتنا فد يوم سوينا هاي الاشياءوالتافهه
حامد اشكرك اخي على هاي التعبيرات حبيبتي مي كلامج صح يله يا جماعه خلص العيد ميلاد بخبر
حلو وصار بيه مشكله
الها بدايه وما الها نهايه
بقت العلاقه بين الاخوه غير مترابطه متوقفه على السلام وبعض الجلسات القليله
بقى كريم يحرك أمه لجلب ميسم لغرفتها كانت أمه فرحه بأن ابنها لا يريد ان تكون زوجة عمه مسيطره على البيت
ولكن لم يقبل حامد و نعيمه
جعلها تاخذ ميسم التي كانت كلما تكبر شهر يزيد جمالها اكثر
وكانت لعوب ولها ضحكه تجعل من يراها تلقائيا يضحك معها
مرت الاشهرحيث صار عمر نعيمه 41عام اي أن الولاده بهذا العمر خطيره بينما عمرحامد 35 عام
كانت ولادتها خطيره ولكن كان الطفل قوي حيث ولد بصحه ممتازه
ولكن نعيمه عانت من نزيف ولم تعيش سوه ساعه
رأت ابنها و ودعت ميسم و زوجها
وانتقلت إلى رحمة الله
ميسم تسمي عمها باسمه
بابا حامد يله انروح للبيت هذي الغرفه تخنك
اكيد طفله لم تبلغ السنتين لا تعرف معنى الموت شاهدت
بابا حامد يبكي تقربت إليه ومسحت دموعه
وقبلت الطفل الذي يحمله و قالت هذا ايسموه امير مو و ذهبت
وقبلت ماما نعيمه واعتقدت انها نائمه بابا حامد لا تطلع صوت ماما نعيمه نايمه
حامد حبيبتي ميسم انتي سميتي اخوج امير حلو اسم امير
ميسم اي حلو بس نسأل ماما نعيمه او بعدين ابكيفكم بس هو عبالك مثل الأمير الي للقصص خلو واصغيريعني اني صرت الكبيره وراح ماما نعيمه تتعب لان اتربينا سوه بس بابا حامد
اني راح اساعدها اسوي الشغل وياها هي صدك ما اتخليني اتخاف اتعور بس هسه اني صرت جبيره يعني
اكدر اشتغل وياها واساعدها
وهي خطيه جانت اتصيح يعني اكو شي يوجعها بس يكبر امير اني راح أصيح عليه ليش خله ماما نعيمه تتوجع
حامد حضنها وباسها وشالها و وياها اميرو
طلع من الغرفه
وكان بوقتها لايوجد سوى
التلفون الارضي
لم تكن الهواتف النقاله موجوده
حيث وجد هاتف واخبر نعيم بأن زوجته ماتت
وعليه أن يأتي مع أبيه لتتميم مراسيم إخراجها من المشفى فهو عليه اعادت أطفاله للبيت قرب من باب المشفى
ميسم بابا حامد ليش عفنا ماما نعيمه اهنا خطيه اخاف يوجعها شي خليني اساعدها
وانت روح ودي امير يم مي لان خاله خديجه تظرب الجهال ومتحبهم
حامد سحب نفس طويل بنتي ميصير احد يبقى يمها هسه يجي نعيم وعمج ياخذوها
صاروالعزاء وبقت ميسم
تسأل عن ماما نعيمه
وشافت كل الحاضرين يبكون ولكنها لم تعرف ما يحدث وبعد مرور الايام التهت بأمير وكانت تساعد مي بلاعتناء به وتعلمت تصنع المميه
وتفرح عندما يشربها وتصفق لنفسها
كان حزن حامد مازال لم يخف عندما يرى كيف تعتني ميسم الطفله ب امير يشعر بقليل من الامل
كانت مي تغير ملابس امير وميسم تعطيها قطع الملابس وضع ماجد يده على كتف حامد ولفه إليه
ماجداتطمن من هسه اني حاجز ابنك ل مي تعرف هي اكبر منه بس تسع سنوات وهيجي نبقى سوه
حامد اشكرك اخويه هم زين احنا سوه والاشلون جان دبرتها
استغلت خديجه موت نعيمه وأخذت ملابسها كانت تعتبرها ثمن
لاعتناء بناتهاب امير قصتهن وعملت منهن ملابس للبنات
وجنطه للمدرسه مال مي
حيث هي لاتشتري اي ملابس للبنات فقط للاولاد
بينما ميسم بقى عمها يشتري لها كل ماتحتاجه حتى
رغم صغر عمرها فقد اشترى ملابس مدرستها
وبعد اشهر من موت نعيمه
بدء كريم يجن جنونه على جمال ميسم وعلى تصرفاتها حيث كانت تدفعه او اتصيح به عندما يضرب اختها وبدء يحاول ايجاد فرص ليحاكيها وكان يمنع رحيم من أن يحاول يجعلها مثل مي
كريم ميسم انتي لا اتخافين مني
ميسم اني ما اخاف من احدحتى من امك
كريم شوفي انتي مثل
ما اتساعدين امير حتى ايبدل ساعديني اني هم
ميسم ليش بعدك طفل لو ما عندك ايدين اني بعدني اصغيره وأبدل وحدي
وما اريد احد ايساعدني
كريم عادي انت اتساعديني واني هم ابدلج وهيجي نتعاون
ميسم شوف اني كبيره
عمري اربع سنوات يعني ما احتاج احد ايساعدني
روح على امك او اخوك رحيم
ليش جاي عليه
كريم لان انتي السباعية الوحيده
وحتى تدفعيني وتكدرين تحجين عليه شفتيني فد يوم اذيتج
ما كانت ميسم تفهم قصدةاخوها بس بقدرت الله كانت ترفض مطالبه ولم تكن تعلم انها تحافض على شرفها
ميسم انت واحد مكروه واني اكرهكم كلكم
بس نعيم ومي وبابا حامد وما اعرف وين راحت ماما نعيمه
بس اني هذوله احبهم
والباقين ياريت ما اشوفهم
بقى كريم كل فتره يحاول إقناعها بشئ ولكن كانت منذ الطفوله فتاة ذكيه وتعرف كيف تبعد عنها المزعجين
صارت الحرب والتحق حامد بلجيش وصار يعود كل شهر سبعة أيام
وهذه إجازة المقاتلين
وكانت عودته تفرح وكانت ميسم تخبره كل مايحصل معهم حيث
بدء امير يكبر وصار يفتهم واني راح اهتم بيه
وكانت الحياة تعود للبيت
عندما يعود كان عندما يذهب للجيش
كأنه يموت فهو يترك أطفاله قريبين من خديجه التي لايعرف ماتفعله مع أطفاله
ميسم بابا لا اتخاف عليه ولا على امير لان اني بطله
مااخلي خاله خديجه تكمش اخويه
قبل يومين دفعته واني جبت عوده وظربتها هي عادي دفعتني
بس نعيم وخرها وبابا اني راح يوميه اوخرها من يم اخويه ها بابا اني سبعه مو
حامد حبيبتي انت تاج على الراس لا اتخافين من اي احد خلي الكل ايخاف منج زين
ميسم لا بابا اكيد اني ما اخاف من احد شوف وجهي مال وحده اتخاف اني اكدر اكتل الكل بلعوده
وحتى لو يظربوني ما اخليهم ادفعهم بأيدي
حامد راح على اخوه اخي ممكن اطلب منك طلب
ماجد اخي انت تأمر مو تطلب
حامد اريدك تعتني بميسم وامير لان زوجتك اتعلمت تظرب مي بس خليها تبتعد عن اطفالي
لان صارو وحيدين و ما اريدهم ايحسون بأنهم ما عدهم أحد
ماجد اخي مرتي تره طيبه
ومستحيل اتسوي
شي ايظر ميسم او امير تره
ميسم بعدها طفله ومتفتهم لا تاخذ على كلامها
حامد مو ميسم كالتالي اني شفت وطلبت منك طلب ارجوك اتسويه
ماجد رجع للبيت
شاف خديجه كدامه
شوفي عوفي جهال اخويه معليج بيهم
خديجه اخوك عنده بس ولد ميسم بنتي واني اعرف اشلون اتصرف وياها
ماجد كمشها من ايدها كتلج عوفيهم
خديجه مرت اخوك طلعت عين ميسم وهسه انت جاي اتزودها
ماجد نعيمه ماتت ومخلصت منج
اخويه ما موجود و لازم ما انخليه ايخاف على جهاله خلي ميسم اشويه تكبر و عود انربيها من جديد خصوص بعدما انزوج مي و امير غير اشويه يكبر هذا الطفل والله يفرجها ابوكتها اسلمج كل المواضيع لان اعرف اشكد
انت ذكيه وسبعه
التحق حامد بلجيش وكان من اوائل الشهداء في الحرب حيث اعيد الى المحافظه بلطائره وكانت مأسات ميسم عندما علمت أن حامد ذهب مع نعيمه لم تصدق ما تراه حيث البكاء والجميع يبوسونها ويقولون لها عندج امج خديجه وابوج ماجد
هي كانت تدفعهم
وتقول لا بابا حامد بعد خمسه يوم ويجي ايجيب أهوايه غراض
النا كلنا واني عندي أهوايه
قصص احجيهن اله هو ميعوفني وحتى كال الي صيري قويه اني احبه وانتو ابكيفكم هو مالتي محد يأخذه مني
المهم كل يوم كانت تفقد الامل
من عوده بابا حامد
بدت خديجه اول شي تنطيها هدوم تغسلها بيدها حيث ليس لديهم غساله وكانت بعض الثياب كبيره تقف حتى تلفها وجدت أن الموضوع صعب ولن تقدر عليه قامت بتبليل أطراف الملابس وبقت الملابس وسخه
واخرجت كرسي تضع عليه سلة الملابس وكرسي ثاني تصعد عليه لتشر الملابس
الجميع وجد ان ملابسهم ليست نضيفه
وحتى ماجد ذهب إلى خديجه
ماجد خديجه شنو هذا ما غاسله الملابس
خديجه اشلون مغسولات قبل اشويه طببتهن ميسم من الحبل
ماجد طفله عمرها ست سنوات اشلون توصل الحبل وتنزل الملابس انتي شنو بدون عقل هاج الهدوم كلها وسخ وحتى بعدها ريحة العرق بيها
يعني ما واصلها ماء
خديجه ما عرفت اشلون اتجاوب معقوله طفله تظحك عليها
ماجد هاج هسه تغسليها اخذتها غسلتها
جانت مي بلمدرسه وميسم قربت ايام تسجيلها حيث كانت تعتني بأمير و كريم يحوم حول ميسم مثل الذئب الذي يراقب فريسته يحاول ايجاد طريقه تجعله اذكى منها حيث يقدر يريها انه صار رجل فقد صار بسن المراهقة
حيث هذا العمر يكون عند بعض الاولاد فترة جنون
وكان غبي بلدراسه وليس برأسه سوى أخته يريد ان يثبت لها بأنه شخص بالغ
خديجه لج ميسم ليش ماغاسله الملابس
ميسم خاله غسلتهن بس هن اكبر من ايدي اكيد ما راح اكدر اسويهن كلش نظيفات اني شعليه مو مثل ملابس اخويه امير اصغيره ابسرعه ينغسلن
وانتو هم أهوايه وسخين وبيكم ريحه
خديجه لج انتي تتذاكين عليه
كومي صبي اكل ل كريم و بعد لا اتكولين خاله اني امج فاهمه
ميسم حاضر خاله بس اني امي نعيمه ما اعرف انتي ليش هيجي اتكولين
هسه اصبله اكل راحت وأخذت الكرسي وصعدت
اكلت كميه لان خديجه ما تنطي اكل للبنات بس للولد
وحطت اشويه اكل
وذبت الماعون بلكاع حتى ما ينكشف انها اكلت لان تتعاقب
خديجه هاي اشسويتي كسرتي الماعون ووكعتي الاكل هم لج انتي شنوغظب
ميسم لا خاله بس الماعون صارحار
ومكدرت اتحمل الحر لو اكو واحد يمي جان اني اصب وهو يكمش الماعون
خديجه ضربتها وكعتها على الكاع وكلتلها هسه نظفي الكاع راحت وجابت المكناسه
ودفعت الاكل والزجاج تحت الطباخ وهي تضحك على عقل امها واخوها وصلت اختها مي من المدرسه
مي هاي شنو دتسوين وين ذبيتي الزباله
ميسم باعي صح اني الصغيره بس مااريد اصير مثلج هم عذبوج وانتي سكتي بس اني اتعلمت من امي وابي
بأن أكون قويه و ما اخلي احد يستغلني اني اسمي ميسم ..مي ..هواسمج واني مراح اصير مثلج والجزء الثاني من اسمي هو..سم ..
وهذاالجزء الي اني راح أعيش بيه يعني شنو راح ايسوون
يظربوني عادي الجسم اكيد يتحمل
بس اني هم راح ارد الضرب
بغيرطريقه هسه اني اكلت وما خليت ابنها الحقير بعيوني والعزيز عليها ياكل
ومغسلت الهدوم
وهي اترزلت وغسلت ملابس ابوج وهاذا الاكل يومين ويصير بيه ريحه جايفه
وراح يرجعون عليها لان اتخليني اشتغل بس كالت باني نزلت الهدوم
ابوج رزلها اكيد ما راح اتكله اني ذبيت الوسخ
في الصيف اغلب العالم كانو ينامون في السطح
خديجه ميسم نظفي السطح وافرشي الفراش
ميسم زين صعدت كان صعب عليها ترفع الفراش
سحبت الفراش على الوسخ والتراب و عدلتهن
وبقى بس افراشها و فراش مي و نعيم وضعت الوسخ تحت الا فرشه التي فرشتها و قامت وفرشت فراشهم في أماكن نظيفه
صعدو للنوم و الجميع بدء يبعد التراب عن فراشه
تصور الجميع أن الجو ممكن أن يكون فيه تراب
ولكن خديجه شكت بأن ميسم من فعلت هذا
حيث لم تعد تقدران تفعل لها شي لان الحكومه اعطوهم تعويضات خاصه لعوائل الشهداء
وتحسنت وضعيتهم لهذا السبب وبدء ماجد يعتني بامير و ميسم