شلّة آداب «سفير القتل»

(16) الجريمة الرابعة "انتحار"

متنسوش الفوت قبل القراءة ❤

صلوا على الحبيب، اللهم صلي وسلم وبارك عليك يا سيدي يا رسول الله🤍

وادعو لاخواتنا في رفح وفي كل فلسطين وفي كل مكان يا مغيث أغثهم 🇵🇸👐🏻

________________________

ـ بونابرت قال إيه؟!

ـ بونابرت مين؟

كان يجلسان داخل شرفة منزلهما الواسعة، كالعادة وبعد أن ينام الأولاد ويتبقى القليل في طاقتيهما، يجتمعان هذا الاجتماع، الصمت يغلف جلستهم والوقت يقترب من منتصف الليل لتدخل هدير على زوجها في الشرفة وهي تحمل كوبين من الشاي الداكن ليتسنى السمر، جلست أمامه وناولته كوبه وهي تجيبه موضحة:

ـ نابليون بونابرت يا عمر...

نفخ قبل أن يقول بضيق وسأم:
-اخلصي يا هدير قال إيه مش حصة تاريخ هي..

أخذت كوبها وارتشفت منه القليل لشدة سخونته، ثم قال بثقة:
ـ قال فتّش عن المرأة..
انتبه لها قليلًا وطالعها بنظرة تطلب التوضيح، فتابعت بأعين لامعة يملؤها الفطنة وهي تشير بأصبعيها :
- وفي القصة دي بقا مفيش مرأة دول اتنين..

ـ لا وضّحي يا ديدي.

ـ أولًا كدا أنا رأي من رأي تامر، أدهم هو القاتل ولا سليم ولا حمزة، بس مش للانتقام من الناس اللي قتلهم وبس زي ما تامر قال..
أدهم بيقتل عشان يورط سليم، ودا بعد ما اكتشف إن فيه علاقة بينه وبين مراته، اللي اسمها حورية دي..

رفع عمر كفه في وجهها ليمنع تدفق سيل الكلمات فوق لسانها، وهو يعارضها باستخفاف وعدم اقتناع:
- استني بس، الكلام دا مش راكب يا مسز هولمز، كل تحرياتنا أثبتت إن مفيش أي تواصل او علاقة من أي نوع بين سليم وحورية ولا عن طريق الموبايل ولا مكالمات..

أطلقت هدير ضحكة تهكمية قبل أن تقول بثقة متناهية:
ـ أنت عايز واحدة بتخون جوزها وواحد بيخون صاحبه مع مراته علاقتهم تكون على الملأ كدا وأي حد ممكن يوصلها بسهولة؟!!

ـ قصدك إيه؟

- قصدي إنهم أكيد عاملين احتيطاتهم كويس، هتلاقيهم بيتواصلوا بأرقام غير أرقام تليفوناتهم الحقيقة، بيتقابلوا في أماكن بعيدة محدش يعرفهم فيها، خصوصًا إن حورية زي ما قولت واخدة حريتها لدرجة إنها رايحة جاية على اسكندرية وجوزها مش داري..
أكيد بيتقابلوا هناك وهما مش أغبية لدوجة انهم يتقتبلوا في الكافية المشهورين واللي معروفين جدا فيه..

بدأ الحديث يشحذ اهتمام عمر اكثر، وشرد للحظات مفكرًا قبل أن يقول باهتمام:
- كملي..

ابتسمت هدير نصف ابتسامة بزهو، ثم عادت لتسترسل:
- أدهم كشفهم فحب ينتقم منهم بالطريقة دي.. ويبقا خلص من مراته الخاينة وصاحبه اللي واقف بينه وبين حبيبته وخانه في نفس الوقت، حبيبته اللي مش هتلاقي أدامها غيره بعد ما سليم يتكل..