شلّة آداب «سفير القتل»

تنويه هام

مهم وهنستفاد 🙈❤️

خلينا نتكلم شوية عن مرض ثنائي القطب اللي اتذكر في الرواية ونطبقه على حالة أدهم...

المرض دا ليه أنواع كتير
نوع زي أدهم النوبات بتتكرر بانتظام على فترات زمنية محددة كل شهر كل سنة كل سنتين وهكذا
وفي نوع تاني النوبات ممكن تحصل في الساعة مرتين وتلاتة شخص تلاقيه قدامك نشيط ومليان تفاؤل وحب للحياة وفي لحظة تلاقيه وقع وعمال يعيط ومش قادر حتى يقف على رجله من كتر اليأس والاحباط ويفضل يتمرجح بين دا ودا ويتعذب ويعذب كل اللي حواليه..
نوبات الهوس دي مش مش شرط تكون نشاط وتفاؤل وحب للحياة ممكن تكون غضب رهيب، جرأة غير معتادة، رسم خطط شريرة اي تطرف وخلاص ويجي بعدها اكتئاب حاد لحد ما النوبة كلها تخلص والشخص يرجع تاني لشخصيته الحقيقية..

في حالة أدهم بالذات تعالوا نشوف تطبيق المرض عملي عليه ونسترجع كل التفاصيل اللي عدت عليكم من غير ما حد يجي يقولي فيه حاجة غلط في شخصية أدهم.. أنتي مش محددة شخصيته واللي بيجي في بالك بتعمليه وبتهبلي يا موني، ادهم خبيث ولا خايب جرئ ولا جبان، للأسف محدش لاحظ أن شخصية ادهم من بين كل الشخصيات فيها حاحة غلط ومش مفهومله حاجة خالص عكس الباقي..

ادهم كل شهر بتجيله النوبة لو حصلتله حاجة استفزته لكن عادي هو بيتعالج وممكن شهر يعدي من غير مشاكل

الجريمة الأولى مش معروف ظروفها ومشوفناهوش فيها حالته كانت عاملة ازاي لكن الجريمة التانية كان قبلها ضغط ان روايته بتتسرق وبتطبع من وراه واقصى درجات استفزاز لما عرف ان فؤاد هو اللي بيعمل كدا فراحله من غير تردد واتخانق معاه وبهدله مع ان في العادي أدهم هادي ومسالم حتى مع اللي بيأذوه..
لكن هنا وبسبب أن كان عنده النوبة خلت غضبه يزيد وياخد أكشن ويروح لفؤاد من غير تردد ويضربه وبيهدله والله اعلم عمل ايه تاني.
بعدها فؤاد مات وحورية قالت في التحقيقات عشان تأكد على قوة علاقة أدهم وفؤاد في التحقيقات الاولانية خالص انه فضل بعد موته مكتئب وحالته كانت صعبة جدا وهي مش كدابة ولا بتصيع عشان تنقذ ادهم والسلام.. لان دايما بيجي بعد نوبة الهوس نوبة اكتئاب حاد.

نيجي على الجريمة التالتة الاستفزاز والضغط كان بسبب تهديدات عماد عز الدين والدليل القوي اللي كان بيتكلم عنه.. وطبعا عمر راح لادهم بعد الجريمة بكام يوم لما اتبعتتله الرواية وبدأ يشك فيه كانت النوبة انتهت سواء هوس او اكتئاب وبالتالي أدهم كان مهزوز وقلقان ومكانش بيعرف يسيطر على انفعلاته نهائي.. دا أدهم الحقيقي أدهم مش جرئ في العموم ولا خبيث.
وفترة التحقيقات كلها بعد كدا كان خايف ومتوتر جدا حدا ومر..عوب، كان ضعيف حتى قصاد حورية وعرفت تلعب بيه وتستغل وضعه وخلته يط..لق تاليا وكل الحوارات دي..

لحد معاد النوبة الجديدة وقتل طارق، والخطة اللي عملها عشان ينتقم من حورية، النوبة المرة دي كانت أقوى من كل مرة بسبب اللي عملته حورية..
المرة دي إحنا هنشوف تبعات النوبة بالكامل لانها كانت في قلب الأحداث، ادهم خطط ودبر كل حاجة وكان في منتهى الجرأة والغضب مع حورية واتعامل بخبث وقدر يوقعها ولو نلاحظ بعدها فضل ثابت عمر راحله المكتب واكتشف الباب الخلفي لمكتبه ولو خدتوا بالكم أدهم ولا اتهز وكان ثابت جدا ودي حاجة مش شبهه ولا شبه اللي ظهر منه طول الرواية ادهم في نفس التوقيت كان ثابت حدا في تحقيقات النيابة وطلع وصل سلمى وكان لذيذ جدا وواثق في نفسه ومن تهوره قالها تعالي نتخطب عشان محدش يشك فيكي، ادهم في التوقيت دا راح لتاليا وكان في منتهى التفاؤل والنشاط وادها المؤخر بتاعها بزيادة ودا عرض مهم حدا لاعراض نوبة الهوس.. المريض ممكن يبعزق فلوسه ويرميها شمال ويمين من غير أي كنترول..
تاني يوم بالظبط أدهم كان عنده اكتئاب حاااااد وفضل في البيت لوحده يعيط على حورية ونفسه ترجع طب ازاي اتحول كدا؟؟
في الجريمة دي احنا عيشنا النوبة بالكامل من بدايتها لنهايتها وطبعا مش هننسى لما أمه جت وانهار معاها تخيلوا النوبة دي بتتكرر بنفس الترتيب والتفاصيل كل شهر؟

بعدها ادهم رجع لطبيعته هادي وعاقل مهزوز شوية وساعات يتماسك لكن في الغالب مش بيكون بنفس الج..رأة اللي شوفناه عليها مع حوررية ولا في نفس الكآبة اللي شوفناه عليها مع امه..
ادهم في وقته العادي رجع تاني خا.يف ومر.عوب من التحقيقات ومش متطمن حتى بعد المحامي ما طمنه.. وهيفضل في الا..ضطراب دا لحد استفزاز جديد وبداية نوبة هوس جديدة..

مرض ثنائي القضب من أصعب وأعقد الامراض والمريض بيه بتكون معاناته بشششعة ومعاناة كل اللي حواليه..

- سؤالي هنا تفتكروا حل اللغز كان في شخصية سبقت حمزة وقررت استغلال مرضه بالطريقة دي عشان تحقق أهداف معينة تخدمها، ولا حل اللغز حاجة تانية خالص..

-ايه رأيكم في التفاصيل وايه رايكم في اللي عرفتوه عن ادهم.. وتتوقعوا هيعمل ايه لو خطة حمزة لاستفزازه نجحت فعلا؟

ملحوظة قبب متسألوني البارت باذن الله هينزل بكرة لو محصليش ظروف انا بس نزلت التنويه دا عشان نفهم كام نقطة كانت معدية عليكم ❤️❤️❤️😬

الي لقاء قريب ان شاء الله