أربعة تساوي واحد «مكتملة، وجاري تعديل السرد»

☆الفصل التاسع عشر☆

"إني يا الله مدّدتُ قلبي إليكَ فلا تردهُ إلا مجبوراً."

****

_طلقني
كلمة واحدة تفوهت بها سقطت عليه كالصاعقة، ليبتلع بتوتر وهو يقول: نور
نور بتحدي: طلقني بالادب أنا بعد سنة وكام شهر هكون محامية وعارفة كويس أوي أن اللي انتم عملتوا ده مصيبة ولو رفعت عليكم قضية كلكم هتتحاسبوا بس...
ابتسمت وقالت: بس عشان خاطر أنا طيبة وكيوت وقمر هسكت عن حقي مقابل أنك تطلقني بهدوء

أشرف: طيب بصي يا وزة طلقني مش من ضمن اختيراتك
نظرت له نور بسخرية: وأيه هي اختياراتي يا باشا

أشرف: تزعلي مني أو تتعصبي عليا وتتخانقي معي وأنا مستعد أقبل كل ده وهحاول بكل الطرق إني ارضيكي وهفهمك اللي حصل لكن طلاق وكلام فاضي أنسي
ردت عليه بعصبية: كلام فاضي؟! وأنكم تضحكوا عليا وتعتبروني لعبة كلام فاضي، وكمان عايزني أسكت
أشرف: نور أهدي عشان خاطري افهمي الأول اللي حصل وبعدين اتكلمي
نور: مفيش بينا كلام، اللي بيني وبينك كلمة انطقها وخلينا نخلص من الحوار ده
أشرف: نور متجبرنيش اخليكي تسمعيني بطريقتي
نور بعصبية: مفيش بينا كلام أنت مبتفهمش

تخطت حدودها ولكن لها كل الحق لذلك تسأل بهدوء: أنتِ عرفتي منين؟
ضحكت بسخرية: مش مهم، بس المهم أني عرفت أنكم بتلعبوا بيا
أشرف: يا بنتي هلعب بيكِ إيه أنا متجوزك عشان...
قاطعة حديثة الغير مهم بالنسبة لها وهي تهم بالمغادرة: معاك 24ساعة تفكر فيها وتيجي البيت عشان تطلقني، لو عدة المدة هرفع عليكم قضية ونتقابل في المحكمة يا باشا...
"___________________________________________"

تجلس على الطاولة بمفردها تنتظرة بقلق وحزن لا تعلم سببه... ليسحب أحدى المقاعد ويجلس ولا تشعر بهِ ليهزها برفق لتنتفض في جلستها وتصيح بهِ:
أزاي تتجرأ تلمسني
تامر: آسف والله مقصدش بس أنا بكلمك من شوية مش بتردي
أعتدلت في جلستها بضيق وهي تقول: نعم عايز مني إيه؟
أجابها بحرج من طريقتها: أنا كنت عايز أقولك حاجة قبل ما سافر
_تسافر
تفوهت بها بصدمة وحزن وخوف ومشاعر كثيرة هي لا تفهمها، لتدرك ما قالت لتقول وهي تعبث بزجاجة المياة الفارغة:
قصدي هتسافر ليه؟ وازاي تسيب أختك في الوضع اللي هي فيه
تامر بحزن: عشان الوضع اللي هي فيه بسببي، أنا السبب في اللي حصل، وكمان معنديش القدرة أني اواجه ابويا، نظرته ممكن تقتلني لأني متأكد أنه هيلومني على اللي حصلها
بسملة: وأنت ازاي السب؟ يعني عشان البنات اللي بتكلمها ولا إيه
تامر: ايوة عشان هو حاول كتير يقنعني أن اللي بعمله غلط بس أنا كنت مصر على الغلط
بسملة: ده مكنش غلط ده ذنب كبير ولازم تتوب عنه مش تهرب، مش هقدر أقولك أن اللي حصل لـ ديالا بسببك بس أكيد ده اختبار ليكم وليك أنت شخصيًا عشان اللي بتعمله...

قاطعها: والله من يوم ما شوفتك وأنا قطعت علاقتي بكل البنات اللي بكلمهم
بسملة: المفروض تقطع علاقتك بيهم عشان نفسك مش عشاني، لأن لو أنا مش ليك ممكن ترجعلهم تاني؛ لكن لو سبتهم وأنت مقتنع أن اللي بتعملة حرام عمرك ما هترجعلهم