قالت لي عجوز ذات مرة:ولكن يا صغيرتي "الشيطان لن يأتيكي برداء أحمر و قرون مخيفة … إنه سيأتيك في هيئة كل ما تشتهيه و تهواه نفسك فاحذري. "
***أردف "تامر": احنا حددنا كتب الكتاب يوم 9/10 والفرح عم "علي" قال انك عاوزاه مع اصحابك كدة هنستنى لما يحددوا معاد
كانت "جيهان" تعبث في هاتفها وعندما استمعت حديثه قالت بجدية: أنا مش موافقه يا "بسملة"
وجلست "نور" بجوار "جيهان" وقالت بثبات: ولا أنا يا "بسملة" موافقه
نظر لهم "تامر" بدهشة ولكن "بسملة" ظنت أنهم يمزحون كعادتهم، لكن حديث "دعاء" فاجأها عندما قالت بهدوء: وأنا كمان مش موافقه
تسألت "بسملة" بصدمة: حتى أنتي يا "دعاء"
ردت "دعاء" بهدوء: لأنه مينفعش يا "بسملة"
تسأل ''تامر" تلك المرة: هو إيه اللي مينفعش؟
ردت عليه "نور": تاريخ كتب كتابك يا سيدي
أردف ''تامر" ساخرًا: ليه الأستاذة وراها معاد ولا إيه؟؟؟
نظرت له بشر ثم هتفت بضيق: شكلي هحطك في البلاك لاست، واه يا سيدي عندي معاد مش بس أنا و"بسملة" كمان معانا
أردفت "بسملة" بعدم فهم: معاد إيه ده؟
ردت "جيهان" بضجر: كتب كتابي ياستي، أنا مش قلتلكم من شوية أن "هيما" حدد معاد كتب الكتاب وساعتها عمو "علي" نادم عليكي ومسمعتيش التاريخ
قالت "نور" ساخرة: هيما؟
ردت "جيهان'' بحنق: أيوة ياختي "هيما"، اللي غيران منا يقلدنا
هتفت "نور" وهي ترفع أحدى حاجبيها: ياختي اتنيلي هغير منكم علاء
تسألت "جيهان" بسخرية: قوليلي يا "نوره" لما تحبي تدلعي "أشرف" هدلعيه بـ "أشروفه" ولا إيه؟
صدحت ضحكات "جيهان" عندما رأت نظرات "نور" المشتعلة، وقالت بصعوبة: وأنتي يا "دعاء" هتقولي لـ "فارس" إيه "فروسه" ولا أبو "الفوارس"
زادت ضحكات "جيهان" واشارت على "بسملة" بضحك: أنتي برآءة يا "بسملة" صح
أردفت دعاء "بضيق" وغضب مكتوم: ها يا خفه خلصتي ضحك ولا لسة عشان نتكلم جد
وضعت "جيهان" يدها على فمها واشارت لها أن تتحدث، لتقول "دعاء" بجدية: "جيهان" كتب كتابها يوم 9 يعني بعد اسبوع وطبعًا مش هينفع يكون كتب كتابكم معاها
تسأل "تامر" بعدم فهم وضيق: ليه المأذون مش هيرضى يكتبلنا ولا إيه؟، هما هيكتبوا في بيتهم واحنا هنكتب هنا
دخل في تلك اللحظة "أشرف" و"فارس" وقال الأول بهدوء: مش هينفع عشان هما عايزين يحضروا مع "بسملة" ومع "جيهان"
أنت تقرأ
أربعة تساوي واحد «مكتملة، وجاري تعديل السرد»
Fantasyأربعة تساوي واحد معادلة صعبة في مدرسة الحياة