"اللهُم غيرني لما تريد أنت، واختر لي
ما تشاء أنت، واجعل قلبي متعلق بك وحدك أنت، وبدل ما تراه عيني جميلا بما تراه أنت، اللهُم إني سلمتك أمري ونفسي في الدُنيا فأجعل دنياي كما تحب، وآخرتي برحمتك أنت وليست بعملي فما لي سواك أنت ياالله."
***
ولج "إبراهيم" لداخل برفقة "حنان" ثم أغلق الباب أستمع لصوت التلفاز وصوت ضحكات تصدح في المكان تعجب ونظر لـ "حنان" التي قالت بتفكير: تفتكر ده حرامي تعب من السرقة قال يستريح شوية عندنا
تحرك "إبراهيم" إلى الغرفة ليجدها تتناول الطعام باسترخاء وكأنها في منزلها وتشاهد فيلم "غبي منه فيه" رغم دهشته من وجودها هنا إلا أنه قال بابتسامة: "جيهان" بتعملي إيه هنا؟
أنتفضت من جلسته عندما رأته يقف أمامها، لتقول بتوتر: أنت بتعمل إيه هنا؟
أجاب ببساطة: ده بيتي
_بيتك؟
_ايوة
أنتبهت لرباط الطبي "ضمّادة" الذي يضعه على جبينه ووجه مرهق لتتسأل باهتمام وقلق وهي تشير لرأسه: مالك؟ واتعورت فين كدا؟ ومين ده اللي ضربك؟
ضحك بشدة مما تفوهت به، لتجيب "حنان" وهي تجلس بارهاق هي الأخرى: متقلقيش بسيطة هو عمل بينا حدثه عشان خاطر عيونك بس الحمدلله عدت على خير
نظرت لها "جيهان" بصدمة: أنتي بتتكلمي جد
هزت "حنان" رأسها وهي تقول: والله بجد لما عرف أنك في الحبس ساق العربية بسرعة وعملنا حدثه عشان كدا مجاكيش بس أنتي مش ملاحظة أنك طلعتي بسرعة أوي
أقتربت منه "جيهان" بضع خطوات تتسأل باهتمام: أنت كويس؟
أبتسم لها وهو يردف: الحمدلله بخير اهو قدامك المهم أنتي بتعملي إيه هنا ودخلتي ازاي؟
أجابت بمرح: من الباب، وعرفت أنك عملت حادثة جيت اطمن عليك عشان تعرف إني احسن منك
رد يجاريها: يسلام
ردت بمرح: امال دانت حتى مقدرتش تجيب بخمس جنيه عيش وحلاوة وتيجي تزورني شكلي هضيفك لقائمة البخلاء
أبتسم بقلة حيلة وهو يقول: يابنتي اتكلمي جد طلعتي إزاي من الحبس "أشرف" قـ...
قطع حديثه بتفكير ثم هتف: "أشرف" هو اللي جابك هنا لانه معاه مفتاح البيت صح
صفقت بمرح: والله باشا، إيه يا بني الحلاوة والذكاء ده أنا لو مكانك كنت قعدت سنتين عشان افهم
جلس بجوار شقيقته وهو يضحك ثم قال: طب يا باشا اقعدي وقوليلي حصل إيه؟
جلست مكانها وهي تخبره بما حدث: اسمع يا دوك، اتفقنا أنا والبنات إني ههرب...
قاطعها بدهشة: هربتي؟!
أردفت "جيهان" بمشاكسة: إيه يا دوك أنا لسة كنت بقول عليك ذكي متخلنيش أرجع في كلامي
أنت تقرأ
أربعة تساوي واحد «مكتملة، وجاري تعديل السرد»
Fantasyأربعة تساوي واحد معادلة صعبة في مدرسة الحياة
