♪ အရက်ကို ကြိုက်လို့ သောက်တဲ့သူ...စိတ်ပျော်တတ်လို့ သောက်တဲ့သူ...စိတ်ညစ်တဲ့အမူးသမားးးး♪♪
" ဟေ့ အေ့ အေ့ အေးးး ”
♪♪ ညနေစောင်းတော့ပြောင်းလဲပြီ...စိတ်ဆန္ဒက တောင်းသည်...သောက်ပစ်လိုက်မယ် အရက်များများ ♪♪
" ဟေ့ ဟေ ဟေ ဟေးး "
တမာကုန်းရွာရှိ ထန်းတောထဲတွင် ထန်းအိုးကို ရင်ဝယ်ပိုက်ကာ အပီဟဲနေပါသော သူကြီးသား ဂျွန်ဂျောင်ဂု။ဘေးနားက ရောင်းရင်းပေါင်းသင်းတွေကလည်း တဟေးဟေးဖြင့် ဩဘာပေးနေကြသည်။ထန်းတောတစ်ခုလုံးလည်း သူတို့ဝိုင်းကအသံတွေနဲ့ပင် ဆူညံပွက်လောရိုက်နေ၏။ထန်းတောပိုင်ရှင်သည်လည်း သူကြီးသားမို့လို့ ဘာမှမပြောရဲပဲ ငြိမ်ကုတ်နေရရှာသည်။
" အုပ်ကြီးရေ... အုပ်ကြီး ဗျို့ အုပ်ကြီးရေ "
အပီအပြင် ကဲလို့ဟဲလို့ကောင်းနေတုန်း ဝိုင်းထဲသို့ အမောတကောပြေး၀င်လာပြီး သူ့ကို တကြော်ကြော်အော်ဟစ်ခေါ်နေသော ဒိုးလုံးကြောင့် သူ ကျစ်ခနဲစုတ်သပ်လိုက်သည်။
" မင်းအစ်မခိုးရာလိုက်ပြေးလို့ အဲ့လောက် အော်နေတာလား "
" မမကြီးက ခိုးရာလိုက်မပြေးပါဘူး။သူက အုပ်ကြီးမှမရရင် အပျိုကြီးလုပ်မှာတဲ့ ဟိဟိ "
" ဪ..ကဲ ၀မ်းမနာသားလေးရယ် ငါပိတ်တီးလိုက်ရ !! မင်းကို ရွဲ့ပြောနေတာဟေ့၊ လာရင်းကိစ္စ လိုရင်းပြော "
" သူကြီး ခေါ်ခိုင်းလိုက်လို့ပါခင်ဗျ၊ငါးမိနစ်အတွင်း မရောက်ရင် ညနေစာအငတ်ပါပဲတဲ့ "
" အဲ့လောက်အရေးကြီးတဲ့ကိစ္စကို စောစောကမပြောပဲ စကားရှည်နေသေးတယ် နှမဘေးလေးရယ်၊ ဖယ် ဖယ် "
ဂျောင်ဂုတစ်ယောက် သူကြီး ခေါ်တယ်ဆိုတာနဲ့ ချက်ချင်းပင်ထကာ ရှေ့ကလူတွေကို တွန်းထိုးတိုက်၍ ဖိနပ်တောင်မစီးနိုင်ရှာပဲ ပုဆိုးစလွယ်သိုင်းပြီး ပြေးရရှာသည်။ ဂျောင်ဂုထပြေးသွားတာနဲ့ နောက်က ဘိုသောင်းစိန်အဖွဲ့ကလည်း ၀ရုန်းသုန်းကား ဖြင့် သူတို့အုပ်ကြီးအဖြစ်ကို သီချင်းကောက်စပ်ကာ အော်ဆိုရင်း ပြေးလိုက်လာကြသည်။
YOU ARE READING
နွေလယ်မှာ တမာတစ်ခက် မောင့်မေတ္တာတွေ ဒေါက်တာ့အတွက်
Fiksi Penggemarစကားတတ်တဲ့ ရွာသူကြီးသားနဲ့ မြို့သားလေးဆရာ၀န်တို့ရဲ့ အချစ်ဇာတ်လမ်း ~~ 🍂💕
