كولشي صقل ودار حتا من الموسيقى وقفات، ليلى ضهرها كامل لصق بلاطاغط، تحنات عندها ايمان كتعاونها تنوض ولينا كيف شافت طه تخبات فيه منين كيغوت كيخلعهوم، ماموالفينش اشوفوه معصب
عينيه وعينيها ملاقين، الدموع تعمرو فيهوم كتسرط ريقها وتدور عينها باش تلقا كولشي كيشوف فيها بصدمة : مابلعانيش ماشي انا ( شافت فلينا مخبية فطه وهي طلقها ) بلعــاني انا لي درت هاكا ماكيعجبنيش شي حد اشركني فيك
جا رضى : شنو واقع اش كاين
حطات يديها على سدر طه: الله اعطيك الستر ولدي بنادم كيشوف الله اعطيك الستر ديها منهنا انا نتكلف بليلى غير سير
كولشي بقا كيشوف فيها هو سد عينو بعصبية كتر ورجع زاد عندها جرها بجهد من كوعها مخرجها وبنادم واقف مصدوم مافاهم والو والهضرة كترات
جرها بجهد غادي مقدم عينيه حومر وهي موراه مخرجها للبرا
لداخل ايمان دات ليلى للحمام تمسح ليها داك الكارثة وهي كتشهق وتبكا حسات بالحكرة والشوهة قدام كولشي، لينا عنقات رحمة تاهي بقات كتطبطب عليها
شيماء حشمات وكولشي كيشوف: صافي ماوقع والو دابا ماشي موشكيل الغلط كيوقع ( دارت عند امال ) سيري دغيا طلقي الموسيقى وخلي السرباي اجي يجمع هاد الحالة
ريتال تنهدات كتمسح بكلينيكس حيت تقاست بلاطاغط شافت فرحمة : شهادشي واقع اعمتي، شنو واقع بيناتهوم مافهمتش
رحمة : ( تنهدات ) ماعرفتش ابنتي بحالي بحالك
امال رجعات تطلق ديدجي ورضى جا لعند ريتال كيحاول يفهم منها تاحد ماقشبل شي حاجة وحاولو يشتتو التنبيه ديال الضياف باش مايديروش الشوهة
بقا جارها من المعصم ديالها تاقصحها ودمعة طاحت من عينيها وصوتها ماوقفش : هي لي جبداتني انا مادرت والو، هي، هوما لي داروليا هاكا اللوالة
جابها لعند الطوموبيل ودفعها تاتوالات اللور ودار كيمسح على وجهو يالاه غاتدوي دار قطعها فيها بجهد : مانسمعش صووووتك
زدح الطوموبيل حدا راسها تاقفزات مرمشة: قتليك بعدي عليها، قتليك نشوف منك كولشي الا تأذيها، قلتها ولا ماقلتهاش ( شافها حانية عينيها لجنب ضرب بجهد تاقفزات ) جاااااااوبيييي
سميرة : قلتيها، ولك ول
قاطعها
طه : شنو ولكن، شنو هاد الزعامة ددوزي فهضرتي وديري شرع يديك، مالقيتي لي يحكمك ؟؟؟ واش تزوجتك عند بالك غاطلعي فوق راسنا
أنت تقرأ
عودة الشفق
Romanceبين الحياة والموت، الحق والباطل، الابيض والاسود، الاستقامة والاعوجاج، الخير والشر، القسوة واللين، خيط رفيع اسمه طــه الوريـــاغلي. ATTENTION : THE NOVEL IS BOLD +18
