الحــياة، ماشي ديما كتمشي بالحـاجة لي باغينها، الحياة واحد الكلمة ثقيلة كنوعاو عليها منين كنعيشو فواحد الحلمة ومابين ليل ونهار كتفيقنا منو بلا رحمة، علاش حنا رغم كنعرفو هادشي عليها كنبقاو متشبتين بأحلام ماشي ديالنا ؟ كنغطيو على حقيقة حيت مقاديرنش نتيقوها اولا بلغة خرا ماباغينش نتيقوها
علاش عايشة ؟ ماعندهاش هدف فحياتها، لا قرايا، لا خدمة، لا وعي بشنو كدير، شنو الحاجة لي مخلياها تعيش وهي تفرتتات قبل ماتحل عينيها على الدنيا !؟ انسانة مامفتاخراش براسها باش تخلي وحداخر يفتاخر بيها، علاش ماشي هي لي ختارت تكون هاكا ... ماشي هي .. ماشي أنا ....
" ماشي أنا لي ختاريت نكون هاكا "
الهوا هازها والدمعة من عينيها خارجة شعر متطاير حتا تفرشخات بالبحر نازلة معاه، تحلو عينيها لاخر لحضة غير الضلام ونص الكمرة من بعيد كاتبان ليها الضو فالسما والضلام شوية بشوية كيغطي عليها فوسط البحر الما ديالو بارد دخليها مع العضام تسدو عينيها سخفانها بالرعب لي سكت قلبها، مرخية بين الماج، شعرها طويل مطلوق ...مضفور كرينات كدور عينيها وصوت ضحكاتها الصغيرة مسموعة، كتلعب شريطة حدا الباب، وخوها فعمر العاماين قدامها كيلعب بالالعاب، كل دقيقة تهز الحجرة ضحكليه عاد ترميها باش تبعها، تخشعات فاللعب، وضارت عاطياه بالضهر، بخوشة صغيرة ملونة كطير دازت من حداه، ناض كيتبعها، غادي نعاها خطوة خطوة، مول سطافيط كيكلاكصوني، دارت ضاحكة تاكاتشوفو تهز تالسنا وترضخ شحيمة طاحت مفرتتة فالارض، وقفات مطيحة الحجرة من يديها ومشات كتجري كتبكي مول الصطافيط مشا يجري نزلات عند خوها عامر دـم ماكيتحرك ماكيتململ كلساتو عند حجرها وبيديها صغيورين كتقيص على وجهو كتبكي مافاهمة والو باغا تفيقو كسوتها عمرات د ـم حتا تسمع الغوات وكولشي خرج كيشوف،وصلات ربيعة للباب مع شافت المنضر غوتات لربها لي خلقها طاحت كتحبو جايا عند ولدها ضرباتها دفعاتها تاتجرحو ركابيها وهي كدور راسها بلا بزز باش كتنطق : مابلعانيش ماشي انا
ربيعة : واااااااااااااا ولديييييييييييي
هزاتو كتعنق فيه مرخي جاو العيالات كاينة لي كتزغرت وكاينة لي طيحة كتبكي هبط خوها الكبيرة بغا يتسطا منين شاف المنضر هزها من شعرها : مااااحضتيييش خووووك قتتـ ـلتيييييييه قتـ ـلتيييي خوووك
دورات راسها كتبكي وتخبي على وجها كيخبط ليها راسها مع الحيط ماكتيقش غايحماق، وهي مافاهماش كتقول لا لا لا م مــاتش ا انا و و وياه كنك كنلعبو هاكا
ترونات دنيا فدقيقة غواتها مالي دنيا تزرقات وخضارت بالعصا بين عينيها غير عينين خوها الصغير كدور راسها بلا : ماشي انا ماشي انا هو باقي حي
أنت تقرأ
عودة الشفق
Romanceبين الحياة والموت، الحق والباطل، الابيض والاسود، الاستقامة والاعوجاج، الخير والشر، القسوة واللين، خيط رفيع اسمه طــه الوريـــاغلي. ATTENTION : THE NOVEL IS BOLD +18
