عودة الشفق

CHAPTER 51

" لحظـــات لا تُــعـوّض  "

Vote+ Comment فضلاً ولـيس أمراً

_____________

نهار جديد كانت كالسة فواحد المحلبة فيها الموت دنعاس، مابقات لا تنعس مقاد لا تفيق مقاد، زمـان قتـ ـلها وذوبها بين محاينو، هادي سيمانة غارقة بين القرايا والخدمة دالمعمل لي هلكاتها حيت زادت فسوايع ديالها مزال كتقلب على شي وظيفة باش تستقر فيها تامن القرايا مابقات كتركز على والو ونص ديال الموديلات فسوميستر اللولة مشاوليها.

فطرات باش قسم الله وخرجات كتمشى دايرة نضاضرها وتيليفون فيديها كتقلب على شي وظيفة دفعليها بالباك، على الاقل غير شي شركة ولا معمل فينما كان، دخلات فسيت ديال الانابيك طنجة كيطلعليها إعلان طالبين فيه سكريتيرة جديدة لفرع تفتح جديدة فشركة صينية وفنفس المجال ديال الاعلاميات، عضات شفايفها دخلات نيشان تشوف شنو طالبيت وكان تقريبا نفس الوصف ديالها فقط الباكالوريا وتكون عندها دراية شوية بمجال المعلوميات وحبذا لو كان ديبلوم، تكون متمكنة شوية من الانجليزية، زائد العمر بين عشرين وثلاثين، أما بالنسبة للثمن فيغايكون متافق نهار المقابلة.

قلبها بدا كيضرب مافكراتش جوج مرات مشات شدات طاكسي للفاك جابت الباك ديالها سكاناتو وخدات نسخة منو وعمرات الملف بلي كتحتاج وبلي طالبين، قادات سيڤي فسيبير، وقررات تدفع وتجرب حضها لعلا وعسى يسيفطوليها باش تمشي تدوز المقابلة.

ليلة ناشطة وزاهية عند العزارا كيف كاع أيامهوم، فنصاص ليل فين كتكون دنيا خاوية شوية شادين تقاطع شوارع كبار خاوين معروف كيديرو فيها دريفت، كل شوية كيتزادو الشباب كلها بطموبيلتو كينزلو بالحايحة والموسيقى مجهدة، كلها لي جايب معاه اينرجي شراب العواصر، كلها باش كيحلي دماغو، وقف مع الكليك ديال صحابو زمان ماجا اما موالف فينما يتجمعو كيلعب.

صف طموبيلتو جا بجيب الكحلة ديالو Mercedes Gclass, وتبادل مع صحابو الكونطاكط، هزو واحد VV, وهاد المرة ركبو كليكة، بعدو تابعدو وجا مكسيري مع وصل لتقاطع هبط الفران ودور الڤلون كغطات الطموبيل كطلق دخاخن من الفران وكدور مكيسيريا بحالي الموطور كيضور فالخوا، كولشي كيغوت وكيصفرو شعل واحد صاحبو من اللور الفلامات طلقهوم دارو الدخان حمر فسما، هالي كيدير سطوريات هالي كيدير فيديوات هاداك هو النشاط عندهم، المتعة كتنسيك فالعالم.

فرناو منساحبين باش اخليو ثاني جوج وحدين خرين يديرو نفس الحاجة، نزل كيضحك مع صحابو مع طلع عينو كيجي فديالها نيشان.

متكية على رانج فالبيض ديالها لابسة فالضة مزيرة حد الفخاض ديال الجلد فالكحل، مع بودي لاصق بالكول ومن الفوق مونطو، وبوط قصير بالطالون فرجليها، مربعة يديها جامعة شعرها ديل كتشوف فيه بجدية.