" صـِـراع داخِـلي "
Vote+ Comment فضلاً ولـيس أمراً
_____________
خرج من الدوش هو اللول كينشف شعرو والفوطة ملويها على نصو يالاه وقف حدا الماريو يجبد حوايجو تاسمع تيليفونو كيـصوني، توجهليه هز جاوبو : شنو كـاين ؟
" المافيا ماغاتسكتش على داكشي لي وقع الرايـس، هاد السكات ديالهـوم كيخططو لشـي حاجة "
عقد حجبانو بهدوء: لي فخيلهم إركبُوه، هضرتي اللخرة قلتها
" واخا اسيدي "
قطع عليه وقف مغمض عيـنيه كيـفكر مزيـان فهـاد البلان، رجع عيط فتيليفون لواحد من الخدامة عندو من جيهت ديبوات دآيتوزين.
طه: فرقو السلعة ماتخليوهاش فبلاصة وحدة، خرج العشبة البايتة من ديبو درحبة وفرقها على ديبوات دالناظور.
" ولكن صحاب الحـال أرايس ؟ "
طه: دير لي قتليك خرجوها فكاميوات كبار دالحوت.
قطع عليه وحط تيليفون راجع للماريو لبس عليه دغيا سروال كيط غايجبد تيشرت تاكاتخرج بشوية كتقطر وكطل بعويناتها حشمانة تخـرج حيت ماعندها لا فوطة لا والو وهي عريانة كلها، دغيا قشعها رجعات بزربة حشمانة ومبتسامة شوية مابغاتش تخرج حداه هاكاك.
تنهد وتقدم بخطاويه لعندها كيحسابها ماجايش تاكيفتح عليها الباب تميلات كانت غاطيح شدها بيد وحدة جرها هازها كيشي بنت عاماين بيد وحدة حامل ثقلها كامل من كرشها وهي كلها عريانة عاطياه بنصها حشمات ورجعو حناكها حـومر، حـومر
سميرة: هبطني هبطنــي
طه: هنينا
حطها فوق الناموسية ورما عليها الفوطة ديالو كيشوف فيها: داخلة بلا فوطة ؟
دلات شفايفها كتخطي لحمها: نسيت
طه: مناش كتغطاي راه شفتك وشفتني تستري على البراني ماشي أنا
رمشات فيه ورجعات حنات راسها حتا الابتسامة وحلات ليها وماقاداش تحرك من بلاصتها كتحرك رجيلاتها مع بعضهوم، دار هو كمل لبس و دار كينشف شعرو حدا المرايا.
ميلات راسها كتشوف فيه ملوية الفوطة عليها شاداها عند سدرها عضات شفايفها ماكرهاتش هي لي تنشف ليه وبلا ماتحس نطقتها: تبغي نعاونك ؟
شاف فيها من المرايا رافع حجبانو: غير لبسي عليك أنا معطل شوية مرة خرا إنشاء الله.
أنت تقرأ
عودة الشفق
Romanceبين الحياة والموت، الحق والباطل، الابيض والاسود، الاستقامة والاعوجاج، الخير والشر، القسوة واللين، خيط رفيع اسمه طــه الوريـــاغلي. ATTENTION : THE NOVEL IS BOLD +18
