عودة الشفق

CHAPTER 83

‏‎" مأتــــم النـّـخبة "

Vote+ Comment فضلاً ولـيس أمراً

الكاتبة : زهــــور‏

كيف العادة البارت القادم من مور 4000 تعليق كنعلمكم من دابا باش توكضو ، هاد البارت حزين لكن فيه بعض الأحداث الغير المتوقعة

كولشي هنا استغفرو الله  أولا 🌸

________________
رنـــين كيصفر بين وذنيها، والصوت كتسمعو بعيــد، عينيها تضببو كتشوف فالبلاطو طايح والكيسان مهرسين والبراد مقلوب، وتيليفونها تاهو طايح معاهوم ..

مـايمكنش هادشي يكون وقع، مايمكنش، مايمكنش، مستحيل، يديها كيترعدو دون توقف والدموع كيعمرو تابدات كطيح دمعة تابعة ختها بصدمة، قلبها كيضرب لحد الانفجار.

وقفات البنت كتديها وتجيبها ولكن هي داخلة فحالة صدمة، كيفاش نور مات ؟ علاش وفوقاش ! مايمكنش ! مستحيل نور يموت، هي ضحات بكولشي على ودو، هي شافتو لولا، هاداك ماشي مجرد ولد رضى هاداك ولدها تاهي، تعلقات بيه من أول نظرة، سمحات فكولشي باش يعيش بين والديه، شافت فيه راسها، كيفاش دابا يموت !

ورضى !! ورضى ؟؟؟؟؟؟ حلات عينيها شاهقة، رضى أيموت، رجفات كيطيحو دموعها وطلعات يديها كتحطهوم على قلبها، رضئ مايمكنش يتحمل مزال صدمة اخرى، العافية شعلات فيها كتحس بيه كيتحرق، مايمكنش، دوخة شداتها والدار بدات كدور بيها، شنو واقع لاش هادشي.

بدات كترجف بطريقة مخيفة طلعات عينيها فالبنت لي غاتحماق بتسوال وكتحاول ما امكن ماتعليش صوتها باش الناس مايسمعوش، كانو عينيها حومر نطقات كترعد ببكاء وصدمة : ن ننور م مات

شافت فيها صاحبتها مافهمات والو : غيثة توكضي شكووون نووور واش شي حد من عائلتك.

لا جواب دموعها كيطيحو تاشوية ضربات فيها خارجة كتجري مخطية البلاطو، خرجات كتجري طالعة للفوق قلبها غايوقع ودموع وصلو لعنقها خرجات لسطح مشات لجيهت الرملة طاحت عليها بجوهرتها البيضة كتهبش بحال شي حمقة، بواحد السرعة بحالي كتقلب على قلبها، دموع كينزفو منها قطرة قطرة، كامل الذكريات كيطيحو عليها، كتفكر لمعة عينيه صوتو داك النهاربالضبط !!

***

نضرات لا تقاوم، كيف عينيه لامعين بزاف واحد اللمعة مكانتش عادية، ولما لا وهو احساس جديد تسلل لحياتو، روحو توهجات، ودمو سخن بقوة الادرينالين لي تدفق فيه، داك الجنين لي كانت منو ليه نضرة ضبابية دابا توضحات الاحساس دالابوة لي كان بعيد عليه دابا وضاح.