" أمـلٌ قَـتـله البـحـر "
Vote+ Comment فضلاً ولـيس أمراً
______________________
كـــولشي دار كيشوف بزربة هالي مصدوم هالي حشم هالي حـابس الضحكة بحال ريتال ورضـى.
سرطـات ريقها حالا عينيها بجهد ماستوعباتش آش قاتليـها حتا كيـسمعو صوتو وقـف عليهوم كولهوم زمطو حيت ماسمعش لي قالت ريتال : شـنو واقع هـنا؟
الصـمـت كل واحد كيدور العـين لثّـاني، ريـتال مركزات العين على سميـرة كتأكد ليها الهضرة: كنتسناو التطبيق الحكام مفهوم وهادو هوما قوانين اللعبة !
رجعو حناكها حـومر، ومن الداخل ديالها قربات تسخف :
" يا ربـي شغاندير دابا أويلي واش نوض نبوسو قدام كولشي ولكن ياك هو راجلي ماشي موشكيل، لا راه طه هادا اسميرة هاد المرة غايلوحك فالبير ماشي البحر "
وقفات كتلوي فصباعها ومعلية عينيها فيه وترجع تهبطهم ماتيقاش اش خاس دير.
طه: مال كولشي كيتلوا عليا هنا آش كاين !
رضى: اخويا لاعبين آش فيها ريتال حاكمة على مرتك هاحنا كنتسناوها دير بالحكام
طه: ماعيتوش من هاد التخربيق نوضو تنعسو كولها يتفرق يالاه
ناضت ريتال بزربة واقفة حابسة كولشي بيديها: ابابا فين اخويا لا لا نتا شرفتي بغيتي تنعس تصبح على خير حنا لاعبين ولكن بلاتي ماتمشيش حتا دير سميرة الحكام
ضحك رضى بجهد هوما موالفين القساير بيناتهوم مع طه، أمّـا الاخرين كولشـي ساكت مايقدوش ازيدو كلمة حدا طه كيخافو ويترعدو منو وعلى رأسهم سميرة.
شاف ليها فعينيها لقاها حمرة ومزنكة يديها كتلويهوم عاق عليها كاينة شـي مصـيبة.
ريتال: ويالاه اسميرة واش غانبقاو هنا
طه: باش حكمو عليك
زادت خرجات عينيها وهاد المرة كولشي ضحك ماتقدرش تقول تحصرات
ريتال: اختي مابغيتيش طبقيها حنا نقولوهاليه، خويا حكمنا عليها تبوس راجلها فرج عليها الهم راها محنّـة
أنت تقرأ
عودة الشفق
Romanceبين الحياة والموت، الحق والباطل، الابيض والاسود، الاستقامة والاعوجاج، الخير والشر، القسوة واللين، خيط رفيع اسمه طــه الوريـــاغلي. ATTENTION : THE NOVEL IS BOLD +18
