* الرباط
خرجات من لاباغطومون ديالها مشات كتمشا صباح زوين كاين البرد وناس محركة فالعاصمة كولها غادي لخدمتو خصوصا البلاصة فين جات ساكنة فالسونطر اكدال، كتحرك الدعوة مع الستة دصباح، كانت لابسة كيطمة فالكري وفوق منها مونطو فالكحل سبادري فالكحل، شعرها مطلوق ودايرا طاكية فالكري، كتصلح ناشطة منين كتنعس الليل وكتدوز النهارفلكلينيك، وصلات للبلاصة ديال البارنكينك غادا لجيهت طموبيلتها حتا كتصغر عينيها بشوية كتشوفو ناعس فطموبيلتو تصدمات : ماتقولش ليا هادا كلس الليل كامل هنا
مشات لعندو وهي دق عليه بشوية دغيا حل عينيه بهدوء ودور راسو شاف فيها، تبسمات ليه وشيراتليه، هبط الزاج كيشوف فيها
صلاح : شحال زوين تصبح على هاد النور فصباح
ريتال : ههه قول صباح الخير بعدا يالاه فقتي كنتي كتحلم بيا
صلاح : ماكرهناش
ريتال : واش بتي الليل كامل هنا ؟
صلاح : عند بالي بيرمانونص صدق تقولبت
ريتال : ( ضحكات ) ناري بقيتي فيا
صلاح : ( كيشوف فعينيها ) لاباس عليك مزيان
ريتال : الحمد لله ليا مدة ماشفتك
صلاح : حياة البزنازة ماشي هو ديال الطبة
ريتال : ممم قنعتيني
صلاح : فطرتي ولا باقي ؟
ريتال : باقي ( عرفاتو شغايقول وهي تسبقهاليه ) اسيدي انا لي عارضاك على هاد التزريفة لي وقعاتليك هاد الليلة، ولكن بعدا دخل لاكلينيك غسل وجهك انتسناك فطموبيلتي
صلاح : ( ضحك ) زعما داكشي ديال بيزنيز وومن نمشيو معاك
ريتال : حشومة نكون طبيبة ونخلي بزناز اخلص عليا
صلاح : واخا الالة
مشات طلعات لطموبيلتها خلاتو هو مشا غسل وجهو ودخل لطواليط عاد رجع ركب معاها قلعات ديريكت لواحد الكافي موالفة تكلس فيه كلاس وزوينة وعندها اطلالة مفوجة، مطلوق فيها جاز خفيف خاوية شوية بحكم باقي الصباح غير لي باغي يفطر هو لي جاي، كيف شافها السرباي جا بزربة داها طابل ديالها وحطليهوم menu
كلس صلاح كيشوف فالكافي شوية ورجع شاف فيها : ختي سمحيليا انا ماموالفش بهادشي
ضحكات بشوية جابدة تيليفونها وحطاتو فوق طابل: عادي هادشي كيطلع فراس
صلاح : نتي من داك النوع لي الى قالوليك ميتين درهم فالفطور تحطيها هه
أنت تقرأ
عودة الشفق
Romanceبين الحياة والموت، الحق والباطل، الابيض والاسود، الاستقامة والاعوجاج، الخير والشر، القسوة واللين، خيط رفيع اسمه طــه الوريـــاغلي. ATTENTION : THE NOVEL IS BOLD +18
