" الـشّـفـق الأَحــمَــر الأبــدي "
Vote+ Comment فضلاً ولـيس أمراً
نهــــــاية المَــوسم الأول " الشفق الأحمر "
RED TWILIGHT FIN
كـــامليــن بيـنا شـفنـا كــاع لي جــرا وطرا، كل لي تخبـا كـان باين، ولكــن الحقيقة ستضهر بشكل مبـاشر وبطريقة جـنونية
هـل أنـتم مستعـدون لمواجهة الحقــائق بقلم جريئ ؟
_____________
ناضت من تم مدوزة نمرة شيمـاء، تيليفـون كيصوني، محطوط فطموبيل وهي لفوق مع المهدي واقفة كتشوف فولدها عريـس حدا عينيها، گالس فالبرزة كرسي راقي بلبسة كـلاص شوميز فالابيض مع كراڤاط وسروال فالأسود، الطرب الأندلسي مطلوق وغير العائلتين الأرستقراطية لي حاضرة، طوابل مزينين ،التريتور واقف على شغلو كولشي متول ومقاد، شبك يدو مع يديها ودار باسها من جبهتها بابتسامة نطق بصوت فصيح: الله اخليك ليا.
إسلام: كنتي أول واحد فحياتي أرضى وغاتبقا أخر واحد فحياتي.
هز يديها لي بالخاتم باسها وتبسمو بجوج تاجات شيماء فتحات البواط وجبدات منها براسلي ديال الذهب مداتهاليه ركبو ليها بداو التصفيقات تاحشمات منزلة راسها دارت عندها شيماء: الله اخليكم احبيبة ديالي لبعضياتكم تستاهلو كل الخير.
جا المهدي حدا شيماء وقفو جنب رضى ووالدين إسلام جنبها دور يدو على الخصر ديالها معنقها جنب اللحضة لي كانو متسنينها شحال لي كانو كيتسناو إساليو بيها قصة حبهم الزوينة دارو تصويرة للذّكرى، دخل العدول وناضو بجوج لواحد الصالون راقي بكانابي شكل عصري فخامة، كلسو معاهوم غير واليديهوم، إسلام دارت الشال فوق راسها حط قدامهوم الكتاب.
العدول: سي رضى الورياغلي، واش قابل بإسلام بنجلون كزوجة على سنة الله ورسوله ؟
دار شاف فعويناتها وتبسم: قابل
العدول: الانسة إسلام بنجلون واش قابلة بسي رضى الورياغلي ولد المهدي الورياغلي و شيماء الخداوي زوج ليك على سنة الله ورسوله ؟
أنت تقرأ
عودة الشفق
Romanceبين الحياة والموت، الحق والباطل، الابيض والاسود، الاستقامة والاعوجاج، الخير والشر، القسوة واللين، خيط رفيع اسمه طــه الوريـــاغلي. ATTENTION : THE NOVEL IS BOLD +18
