* ايتوزين
طلع يدو وعطاه بكروشي لوجهو وعاودليه ثاني من جهة ثانية، هادي ربع ساعة وهو كيعطيه، عرق كيلهت ويديه تجرحو، أما جواد وجهو تخسر فيه الملامح، فمو عامر دـمايات وغاميل راسو صافي فقد الوعي وغيب
صلاح كالس من اللور كيكمي بشوية وكيشوف فعصام تمجننن عليه كيخوي فيه الروينة كاملة : رخف على راسك
عصام : ( طلق يدو وعاود جمعها باش يعاودليه وهو كيلهت ) مزال نوري لقحـ*ـة يماه رجلة شحال ساوية
صلاح : ( بخ من الكارو ) هادو العصا فيهوم بحال العود على ضهر الحمير ماينفع مايضر
عصام : مزال مزال غانوري يماهم الورياغلي اش كيسواو
صلاح : ( طفا الكارو وناض واقف ) الماكرو داخلة وقلتيلي النسر غايدير يديه فيهوم رد بالك مع خوتنا شاعلة بيناتكم غايحطو عليكم العين
عصام : شنو بلان داك البارون لي قلتيلي
صلاح : ( جبد تيليفونو ) كيدوز لمالي، بحال شكل دون معاكم هو مع التمسماني، منو كيجيب الرفحة دصح
عصام : ( صغر عينيه ) ومن البعد
صلاح : البارون ماكيتحاملش مع الموكرو وهادشي لاش الماكرو جات لعندكم ومامشاتش عند التمسماني عارفة بالعداوة
عصام : الريف كامل عارف بالعداوة اسي صلاح
صلاح : انا بانليا ديرو يديكوم فجوج بلايص، جبدو عندكم البارون وعاونو الموكرو فسر
عصام : طلعاتلك التبويقة بانليا
صلاح : ( دورليه تيليفون ) الموكرو غاتسلت بالشيت لموريطانيا باش تفرق ماعندهاش شي دخلة من غير لتحت دزاير البارون حاكم داك الجيهة مع مالي داكشي لاش باغين النسر باش ادوزهوم لموريطانيا نيشان، من جهة البارون طامع فشيت موالف هو غا بالقنب الى قفليهوم على السلعة غايطلبها صحيحة وعينيه عليهم، البلان هو غاتعطيوهوم طريق وتبيعو بيهوم
عصام : ( صدمو كيفاش فكر بطريقة جد ذكية باش اضربو يديهوم بجوج يصلحو مع هادو وهادو ) البارون ماغايتيقش فينا وهو داير يديه مع التمسماني
صلاح : غايتيق، الى حرقتو الديبو ديلعة ديالو من عند التمسماني ماغايلقاوش كيفاش اديرو يردوهاليه
عصام : الى تلاحينا بوجهنا غاتنوض علينا القيامة من كاع جوانب
صلاح : ربحة ولا ذبحة ( شاف فيه ) حنا بزنازة رجل فالقبر ورجل فالحبس، الدنيا ماكانعيشوهاش وجهنا مليوح بين الكيف
أنت تقرأ
عودة الشفق
Romanceبين الحياة والموت، الحق والباطل، الابيض والاسود، الاستقامة والاعوجاج، الخير والشر، القسوة واللين، خيط رفيع اسمه طــه الوريـــاغلي. ATTENTION : THE NOVEL IS BOLD +18
