Wondering What Went Wrong - Career Series 1 (COMPLETED)

Chapter 12

Happy Valentine's Day, Moonlight bb's! Sanaol may ka-date. Charot! Celebrate and Enjoy this day with your family, partner, friends or someone you love! This chapter is dedicated to my Moonlight. Enjoy reading and have a nice day!

_____

"Tama ba talaga 'to?" Tawang-tawa talaga ako habang tinuturuan ako ni Rafael magluto.

We're both comfortable which other, seryoso kami sa ibang tao pero pag magkasama kaming dalawa, parang may sarili kaming mundo. Hinawakan niya ang kamay ko habang nakatayo siya sa likod.

He's taller than me. Matangkad naman ako pero, hanggang balikat lang talaga ako ni Rafael kapag wala akong suot na heel.

"That's right." Maingat naming biniliktad ang isda, tinutulungan niya akong magpreto. Sayang raw kung masusunog na naman. "At least hindi na sunog." Nakangiti niyang sabi.

"Anong oras na ba?" Tanong ko nang medyo lumiwanag na. Kung dati ay 7am akong gumigising sa mansyon, ngayon hindi na. Kung dati nakahanda ang pagkain ko, ngayon ako na mismo ang nagluluto sa kakainin namin.

I'm not complaining. I love it! Iyong hindi ko kailangang maki-usap sa mga maids na sabayan ako, o kaya ay tawagan ang mga pinsan ko para lang hindi ko maramdaman na mag-isa ako.

I don't have an idea about how love could change us, does love could give us peace and happiness? I don't really know the answer for that, not until I met this man in front of me. Iyong genuine happiness na ngayon ko lang naramdaman.

Iyong kusa akong napapangiti kapag nakikita siya, iyong ginaganahan akong tapusin ang trabaho ko dahil gusto ko siyang makita. I'm always excited to see him. Matutulog na siya ang iniisip ko at gigising na siya agad ang hahanapin.

Nakangiti ako habang pinagmamasdan siyang kumakain. Today is February 14, wala naman akong pakialam sa Valentine's Day, pero iba pala talaga kapag in love ka. You wanted to celebrate everything with that person you love. Be with him until that special day ends.

I've never experience being in a relationship before. Madalas ko lang marinig na sa una lang masaya, sa una lang kayo nagkaka-intindihan but, ours is different. Alam kong kasunduan lang ang lahat kaya gusto kong sulitin ang mga araw.

I don't want to regret everything. Kung kaya ko naman gawin ngayon, why not? May mahigit dalawang taon pa ako, I'm not expecting anything after 3 years. Sigurado naman akong hindi na niya ako kakausapin pa kapag sinabi ko na ang totoo at ang dahilan ko.

"Do you have plan after work?" Tanong ni Rafael nang nasa tapat na kami ng opisina ni Kuya Oliver.

Umiling ako, "Wala naman. Ikaw ba?" Hindi naman ako nag-expect pero, nakaramdam pa rin ako ng kirot sa dibdib nang umiling siya.

"So, pasok kana?" Pinilit kong ngumiti, sinulyapan ni Rafael ang daliri ko nang muli ko itong nilalaro.

"Okay. See you later." Humalik siya sa pisngi ko. Malalim akong huminga at nagtungo nalang din sa opisina.

Kapag ganitong araw ay wala talagang masyadong ginagawa. Maliit lang din naman ang tatapusin ko ngayon pero, dahil ayaw kong mag-isip ng kung ano-ano ay bumisita nalang ako sa bawat department. Sa legal team ko naisipan dahil gusto kong makausap si Kuya Ali.

Like what I've said I really trust him. Siya ang takbuhan ko kapag ganitong may gumugulo sa utak ko. Naguguluhan din ako sa nararamdaman ko. I mean, hindi ko naman sa kaniya sasabihin ang sitwasyon namin ni Rafael.

Bibigyan ko nalang siya ng scenario.

"How may I help you, Mrs. Valleria." Agad niyang sabi nang makita ako. Mabilis kong sinara ang opisina niya.