ព្រោះតែស្រឡាញ៉ ភាគទី២៥
ដំណាក់ធំ
នៅក្នុងដំណាក់ធំដែលជាដំណាក់របស់ព្រះអង្គណាមជុនកំពុងតែបើកភ្លើងបំភ្លឺនាពេលរាត្រីនៅក្នុងដំណាក់នោះក៏មានវត្តមានរបស់ព្រះអង្គជីនផងដែរ។ព្រះអង្គទាំងពីរកំពុងតែប្រថាប់សោយទឹកតែជាមួយគ្នាតែក៏មិនទាន់ឃើញថាទ្រង់មានបន្ទូលពីអ្វីឡើយ។
«មានរឿងអ្វីមែនទេបានជាព្រះអង្គព្រះភក្ត្រមិនសូវស្រស់បស់សោះ?»បន្ទាប់ពីក្រេបតែចូលក្នុងពោះបានបន្តិចព្រះអង្គជីនក៏បង្ហើរសំណួនទៅកាន់អនុជរបស់ទ្រង់ដែលមិនព្រមមានបន្ទូលពីអ្វីសោះ។
«គ្មានអ្វីទេព្រះអង្គ»
«កុំកុហកខ្ញុំម្ចាស់ឲ្យសោះ ខ្ញុំម្ចាស់ជាអ្នកណា?»កុហកគ្រប់គ្នាបានតែមិនអាចកុហកព្រះរាមរបស់ទ្រង់បានឡើយ ពួកទ្រង់នៅជាមួយគ្នាតាំងតែពីក្មេង តើអ្វីទៅដែលព្រះអង្គជីនមិនបានជ្រាបពីព្រះអនុជរបស់ទ្រង់។
«ខ្ញុំម្ចាស់គ្រាន់តែមានរឿងប៉ះទង្គិចបន្តិចបន្តួចជាមួយមហេសីប៉ុណ្ណោះ»ទ្រង់មិនចង់មានបន្ទូលពីបញ្ហាផ្ទាល់ខ្លួននោះទេតែក៏មិនអាចលាក់បាំងបាន។
«ព្រះមហេសីធ្វើអ្វីទ្រង់ឬ?»ព្រះអង្គលើកពែងតែមកសោយដោយប្រើនេត្រាទតទៅកាន់ព្រះអនុជដោយទឹកព្រះភក្ត្រធម្មតាគ្មានអ្វីភ្ញាក់ផ្អើលចំពោះទ្រង់ឡើយ។
«ខ្ញុំម្ចាស់មិនចង់ឲ្យអ្នកណាឈឺចាប់ដោយសារខ្ញុំម្ចាស់នោះទេ ជាពិសេសខ្ញុំមិនចង់បំផ្លាញមនុស្សដែលចូលមកក្នុងជីវិតខ្ញុំម្ចាស់ឡើយ»ក្នុងព្រះទ័យព្រះអង្គកំពុងតែគាំងស្ទះមិនអាចស្វែងរកផ្លូវដែលយាងចេញពីរឿងទាំងនេះឡើយ។
«តែព្រះអង្គក៏បានអភិសេកជាមួយព្រះមហេសីមិន
អញ្ចឹង?»ព្រះអង្គជីនមានបន្ទូលសួរទៅកាន់ព្រះអនុជរបស់ទ្រង់ប្រៀបបានដូចទឹកដ៏ត្រជាក់ដែលហូរចុះមកពីភ្នំ
ទឹកកក។
«ក៏ព្រោះតែម្ចាស់បងមិនអញ្ចឹង?»ណាមជុនទ្រង់មិនអាច
ទទួលនូវសំណួរនេះបានឡើយទើបទូលសួរបកទៅកាន់
បុរសដែលមាននាមថាជាព្រះរាមរបស់ទ្រង់។
YOU ARE READING
ព្រោះតែស្រឡាញ់
Romanceគ្រប់យ៉ាងគឺកើតចេញពីក្ដីស្រឡាញ់ ក្ដីស្រឡាញ់ដែលអាចធ្វើឲ្យគ្រប់គ្នាខ្វាក់ភ្នែកនិងក្បត់មនសិការរបស់ខ្លួនឯង។ ក្ដីស្រឡាញ់ក៏អាចបញ្ចប់ជីវិតរបស់មនុស្សផងដែរ។ Started : 24/08/2023
