حور و الزعيم الوهمي

المقدمة

اولا : قبل ما تبدأ في القراية هقولك على حاجة أنا اسمي "مي غريب" اسم غريب مش كدة بس فخورة بيه لأن ده هيبقي اسمي بعد كدة في كل رواياتي ان شاء الله، أن عارفة أن أنت/ي بتكره المقدمات و أنا زيك بالضبط بحسها كدة بتحرقلي أجزاء من الروايات بس متقلقش مفيش أي حاجة ليها علاقة بالرواية
أنا اول مرة في حياتي أنزل روايات بقالي سنتين بألف روايات متنوعة بس مش بنزلها لأن مكنتش قد كدة مكنش عندي خبرة بس دلوقتي قررت اكتب .
بص بقى رواياتي مختلفة عن باقي الروايات يعني مفيهاش أڤورة أن البطل يبقي من اغنى اغنياء الدنيا و شديد الوسامة و الصرامة و الكل بيعمله ألف حساب و إلخ و كذلك البطلة تبقى شديدة الجمال و ذات عيون نادرة تشبه السماء و البحر و الشجر و الكلام ده و أنها ذات قوام ممشوق و شعرها حرير وألين من حياتي دي كلها أڤورة أينعم مش هجيب ناس وحشة بس هيبقى في وسط مرة متوسط ، حلو و وسيم عشان نفسية القارئ لأن في بنات كتييير من ضمنهم أنا جم في فترة يأسوا انهم يعيشوا قصة حب زي كدة.
أنا خلاص خلصت طولت عليك بس كنت لازم أطمنك ممكن يكون في بعض التشابهات في الرواية او مثلا اللوجو بتاعها تقليدي بس أنا عايزاك متعتمدش على الصورة اعتمد على خيالك ارسم الشخصية في عقلك عشان تحبها صدقني هيبقى بالنسبالك احلى بكتير عشان تبقى عارف أن العالم بتاعي مختلف و جميل و ده مش غرور و تكبر ده تواضع و ثقة في النفس.