حور و الزعيم الوهمي

البارت الثالث

ازيكم يا حبايبي بصوا إن شاء الله الاسبوع ده هينزل فيه كل يوم بارت جديد لأني كنت كاتبة الفصول قبل كدة و بعتذر لو البارتات قصيرة سواء اللي فاتت أو اللي هينزلوا.

------------------------------------------------------------

دلف "سراج" إلى منزله بتعب شديد.
_ أه ، مش قادر يا ماما بجد كان يوم مُتعب جدًا لا وفوق كل ده انهاردة و أنا ماشي من جنب الجامعة فجأة لقيت بت طلعتلي كنت هخبطها.
شهقت أمه بفزع مُردفة : وبعدين.
رد "سراج" على سؤال والدِته بضحك : مفيش نزلت اكلمها لقيتها طقة منها خالص و أتخانقنا مع بعض وفجأة خدت بعضها و مشيت المهم أنا هدخل ارتاح لحد ما تحضري الأكل .
هتفت "الام" بإبتسامة : ماشي ياحبيبي أما أنا بقى عملالك طاجن بامية هتاكل صوابعك وراه.
دلف "سراج" إلى غرفته و هو يبتسم على كلام والدته، بدل ملابسه لينتبه لهاتفه الذي ظل مدة طويلة يرن.
هاتف "سراج" المُتصل بجفاء : الو.
تحدثت فتاة بصوت رقيق.
_ إزيك يا حبيبي.
أردف "سراج" بضيق : ايه يا سكر ؟ مش قولتلك متكلمنيش تاني.
ردت "سكر" بغضب : هي دي وحشتيني يا "سراج"؟!
رد "سراج" بإبتسامة صفرا : وحشتيني ها عايزة ايه ؟
ردت على كلامه بدلع : عايزة اشوفك وحشتني أوي يا "سراج".
هتف "سراج" ببرود : مش فاضي.
عقبت "سكر" بغيظ : كل مرة أكلمك تقولي مش فاضي هو في ايه انت بتلعب بيا يا "سراج" ؟
_ بصي يا "سكر" أنا و أنتِ عارفين كويس إني معشمتكيش بحاجة فبلاش الجو ده مشينا مع بعض شوية يا بنت الناس خلاص بقى تمتم "سراج" بغيظ فردت "سكر" بتوعد.
_ كدة ماشي أنا هوريك مين "سكر" يا سراج.
هتف "سراج" بسخرية : طب حسبي يا قطة لحسن تعوريني يلا روحي خربشي حد تاني غيري يلا باي .
أنهى "سراج" المُكالمة بغيظ من هذه الفتاة غريبة الأطوار.
_ مالك يا استاذ شايل طاجن ستك ليه؟
فزع "سراج" من دخول أخته المفاجئ للغرفة، هتف بغضب: مفيش أحم ولا دُستور يا "عاليا" خضتيني.
ردت "عاليا" بصدمة زائفة : بجد خضيتك ياحرام سلامتك من الخضة يا حبيبي، المهم مالك في إيه؟
رد "سراج" بهدوء : مشاكل.
ضيقت "عاليا" عيونها بخبث وقالت : مشاكل برضوا ولا "سكر"؟
رمقها "سراج" بسخط ثم تمتم بغيظ قائلًا : عرفتي منين؟
ردت "عاليا" بمشاكسة : العصفورة قالتلي ، المهم مجيتش تاخدني ليه زي ما اتفقنا؟
تنهد "سراج" بملل قائلٕا : كنت هعدي عليكي أوصلك و بعدين أروح مشوار مهم بس حصل مشكلة و اضطريت أمشي علطول.
_ مشكلة!؟ إيه اللي حصل أردفت "عاليا" قائلة
_ لا موضوع متشغليش بالك بيه أنا بس عايز أعرف هل في حد مجنون عندكم في الجامعة؟
هتفت "عاليا" باستغراب : لا ليه؟
سراج : مفيش ياستي كنت معدي من هناك فجأة لقيت بت هبلة خارجة و على وشها غضب ربنا كنت هخبطها بس حصل خير باين عليها كانت سرحانة.
هزت "عاليا" رأسها قائلة : حصل خير ألا صحيح هو انا مقولتلكش؟
تأفئف "سراج" بضيق و هو يقول : لا مقولتيش خير
_ انهاردة الدكتورة "حور" وقفت تلت طلاب و هزقتهم و ضربتهم كمان و مش بس كدة ودتهم عند "العميد" بس للأسف معرفش حصل إيه هناك.
سراج : أنتِ يابنتي الدكتورة دي مجنونة كل شوية بمشكلة.
أردفت "عاليا" موضحة : هما اللي بيستفزوها بس دمها خفيف و فرفوشة ده كفاية صوتها اللي بيحليها أكتر.
تمتم هو بنظرة لامعة : والله شوقتيني أشوفها.
هتفت "عاليا" بغمز : إيه معجب؟
_ ليه لا هي مرتبطة؟
هزت كتفيها دلالة على عدم معرِفتها : مش عارفة بس أعتقد لا ، متقلقش بكرة تشوفها.
_ طب كفاية رغي بقى و روحي ذاكري.
_ كدة طب ماشي.
------------------------------------------------------------