حور و الزعيم الوهمي

البارت التاسع عشر (قبل الأخير)

فتحت "حور" عينيها بحزن بسبب عدم رؤيتها للحلم مرة أخرى، دلفت "نرمين" و هي تجفف شعرها بالمنشفة.
_ مالك يا "حور" صاحية زعلانة ليه؟، سألتها و هي تجلس أمام المرأه لتعتدل "حور" ماسحة على شعرها بحزن.
_ محلمتش بيه تاني يا "نرمين" و ده مزعلني أوي.
أجابت بحزن لتردف "نرمين" بتأفف : تاني يا "حور" تاني مش خلصنا بقى يبنتي من الحوار ده.
_ مش عارفة مش عارفة، أنهت كلامها لتنفجر باكية واضعة يديها على وجهها و هي تشهق بصوت عالي، إقتربت منها "نرمين" مربتة عليها بيأس.
_ طب معلش يحبيبتي إهدي عشان خاطري و إن شاء الله خير عشان خاطري إهدي بقى، بقولك طلعي نفسك من موود الكأبة ده تعالي نروح الكوافير نظبط نفسنا و بعدين نطلع على النادي.
نظرت لها "حور" بإشمئزاز مُردفة : كوافير! اسمه بيوتي سنتر المهم أنا فعلاً بفكر أغير لون شعري هعمله أحمر ناري.
_ و ده إشمعنا!؟ أول مرة تعمليه؟، أجابت "حور" بخجل : أصل "آلبرت" قالي قبل كدة أنه شايف اللون ده حلو عاليا.
ضربتها "نرمين" بغيظ مبتعدة عنها : داهية تاخدك أنتِ وهو في ساعة واحدة قال حلو قال.
رفعت "حور" حاجبيها سائلة بخبث : و أنتِ مالكِ يا صفراا متضايقة ليه ولا عشان "كريم" مقالكيش قبل كدة؟
_ أنا! أبداً اتضايق ليه إن شاء الله و بعدين حتى لو مش هكلم "كريم" أنا و اسئله.

بعد عشر دقائق.

_ ها يحبيبي قولتلي بقى أنهي أحلى عليا البني تُركي ولا البلووند، البلووند يا "كريم" يعني الأشقر، أجاب الأخر بحنق من أسئلتها الغريبة.
_ و أنا أعرف منين أنهي واحد أحلى عليكي؟ هو أنا ناقص يا "نرمين" وحياة خالتك لتسبيني دلوقتي الدنيا زحمة و الجو حر و مش طايق اللي جابوني و.
وقبل أن يكمل أغلقت "نرمين" المكالمة و هي تهتف بغيظ.
_ روح يخربيت زن امك إيه ده، إنفجرت "حور" ضاحكة على صديقتها و هي تأخذ حقيبتها.
_ يلا يام بلووند خلينا نخلص عشان ألحق أروح النادي.

~~~~~~~~~~~~~~~~~~~~~~~~~~~~~~~

دلفت "عاليا" على أخيها لتخبره أنها إنتهت من التجهيز للتفاجئ أنه لم يرتدي ملابسه حتى الآن.
_ إيه ده يا "سراج"؟ كل ده مخلصتش؟ أنا خلصت خلاص.
وقف بحيرة أمام خزانة ملابسه و هو لا يعلم ماذا يرتدي ليسأل أخته ببصيص من الأمل.
_ بقولك يا "عاليا" هو أنتم كابنات بتحبوا شكل الراجل عامل إزاي؟
جلست و هي تخلع نعلها ملقية إياه بعيداً عنها.
_ لا بص بقى أنتَ ليلتك طويلة أديني قعدت أهو، بص يا سيدي كل واحدة و ذوقها بس أكتر حاجة تخطف البنت الرجولة يعني لبسك و طريقتك كل حاجة فيك تدل على رجولتك مش تبقى زي الخرفان اللي بنشوفها الأيام دي.
_ أيوة يعني البس إيه؟
تأففت بغيظ مقتربة من الخزانة : ونبي مانا عارفة إيه اللي بتعمله ده؟ بس يلا المهم بما إننا هنبقى في نادي فاهتلبس قميص و بنطلون كويس و عليه حزام و كوتش رياضي بس قميص مش بتوع شغلك الله يخليك قميص خروج و يسلام بقى لو حطيت برفان من برفناتك اللي بسرقها هتبقى چنتل أوي.
تذكر "سراج" العطر الذي كان يضعه في الحلم ليبتسم بخبث.