Love Blaze { အချစ်မီးလျှံ } [ Season 2 ]

Part 8

"ဟဲ့ရောင် ရှိန်း မင်းသေချာလို့လား...."

"အပိုတွေ လုပ်မနေစမ်းပါနဲ့ တစ်နေကုန်ပတ်ရှာတာ တွေ့မှမ‌တွေ့တာ ဒီနေရာပဲ ကျန်တော့တယ်။ ငါ့ကိုယုံလိုက်စမ်းပါကွာ....."

"မင်းမို့လို့ မယုံတာ..."

"ဒီ....အွန်း....ငါဆဲရင် ငါ့အလွန်ဖြစ်ဦးမယ်...."

ရှိန်းနဲ့ရှိုင်းတို့ ကျောင်းပြန်လာထဲက အကိုဖြစ်သူကို လိုက်ရှာနေပေမယ့် လုံးဝမတွေ့တာကြောင့် နောက်ဆုံးတော့ club ကိုရောက်လာခြင်းဖြစ်တယ်။

Neon Night Club က အမှန်တော့ သူတို့အကို ထိပ်တန်းမဟာရဲ့ ပိုင်ဆိုင်မှုတွေထဲက တစ်ခုဖြစ်ပဲလေ။ ဘယ်လိုပိုင်တာလဲတော့ မမေးနဲ့ ဒီလိုဟာတွေ ပေးတက်တာက တစ်ယောက်ပဲရှိတယ်။ ဘဘဦးဝဏ္ဏမင်း။ ဒီ club ကို ကိုကို့ ဆယ့်ရှစ်နှစ်ပြည့်မွေးနေ့အတွက်လက်ဆောင် ပေးခဲ့တာ။ club လက်ဆောင်ပေးလို့ဆိုပြီး ဖေဖေနဲ့တောင် အခြေအတင်ဖြစ်ကြသေးတယ်။

ကိုကိုက ဒီနေရာကို အိမ်နဲ့ရန်ဖြစ်တိုင်း ခနခနလာနေကြ။ ခုလဲ ဘယ်နေရာမှာမှ ရှာမတွေ့မှတော့ ဒီနေရာပဲ ကျန်တော့တယ်။ဒီနေရာကို သူတို့နှစ်ယောက် လာခွင့်မရှိဘူး။ ဖေဖေက ဒီလာတာတွေ့တာနဲ့ နှစ်ကောင်လုံးကို သတ်မယ်ပြောထားတာ။ ခုလည်း လာချင်လို့ လာတာမဟုတ်ပါဘူး။ ကိုကို့ကို ရှာချင်လို့လာတာပါ အဟင်း....

club ထဲ ဝင်လိုက်တာနဲ့ မြင်လိုက်ရတာက နိဗ္ဗာန်ဗုံ အလားပဲ။ မီးရောင်စုံမှိန်မှိန်လေးနဲ့ ခပ်မြူးမြူးDJတို့က လိုက်ဖက်လွန်းပြီး club ထဲက တွေ့နေရတဲ့လူတိုင်းကလည်း အချောအလှလေးတွေ ချည်းပဲ။

"ဟဲ့ရောင် ဟိုနားက တစ်ယောက်က လုံးဝမိုက်တယ်နော်....."

"ရှိန်း...ငါတို့ကိုကို့ကို ရှာဖို့လာတာနော်..."

"သိပါတယ်ကွ! ငါက ဒီတိုင်းပြောပြတာ..wow...ဒီလောက်မိုက်မှန်းသိရင် အရင်တည်းက နေ့တိုင်းလာပါတယ်...."

"ဖေဖေ့ကို ပြောပေးမယ်..."

"မင်း!!မင်းဟာလေ ငါ့နဲ့ ဘယ်လို အမွှာဖြစ်လာမှန်းကို မသိဘူး။ ရုပ်လည်းမတူဘူး ငါကပိုချောတယ် စိတ်ထားကလည်းမတူဘူး ငါကပိုကောင်းတယ်..."