وانا في درب الهلاك ظهرت لي ياملاك

69

69
" لا استبيح القراءة بدون لايك "
وصلوا زايد و رماح ودخل رماح المجلس وهو يسلم على ابوه ومعاه زايد وانصدموا بوجود سعود دخلوا وهم يسلمون ورحب حمدان (ابو رماح)بزايد وهو يقول:ياهلا بزايد كيف الحال
ابتسم زايد وهو يقعد جنب سعود:بخير ياعمي الا شلونك انت وانت بعد ياسعود
سعود:الحمدلله
حمدان:بخير دامك بخير ،الا رحتوا وكلمتوا اهل البنت
رماح:بس يردون لنا خبر ونخطب رسمي وابيكم كلكم معي
ناظر فيه سعود واردف:تأمر امر
رماح:سعود رضيت !
ناظر زايد فيه بصدمه وهو يبتسم وحضنه بقوه ولاكن سرعان مادفعه سعود شد عليه زايد وهو يحاوط رقبته بين يده اردف سعود وهو يقول:خنقتني وجع يازايد استغفر الله وخر!
زايد:مشكلتي احبك مقدر اوخر عنك
سعود بغضب طفيف:زايد ذبحتني يالبغل
تقدم منهم رماح وهو يشد على حضن زايد اكثر ويضحك
اردف سعود بصوت مخنوق:يمخيسين وخروا
حمدان بغضب:بزارين انتوا بزارين ! وخروا عنه اخلصوا
بعدوا رماح وزايد عن سعود بخوف من حمدان ولاكن سرعان مانفجروا ضحك على حالتهم
حمدان:الحمدلله والشكر ويضحكون بعد اقول ادخل وجيب الشاهي من عند امك و بشرها
رماح:سَم يبه
-
توجهه رماح للداخل تحديداً للمطبخ عند امه الي استقبلته ببتسامه قبل راسها واردفت منيره (ام رماح):ها بشرني شصار وافقوا ؟
رماح:بيردون لي خبر ونخطب رسمي
منيره:الله يوفقك ياوليدي
ابتسم رماح وهو يقول:يمه خلصتي الشاهي؟
منيره:ايه خذه وسويت قهوه بعد
رماح ببتسامه وهو ياخذ صحن الشاهي والقهوه:جزاك الله خير يأم رماح
كان بيطلع رماح ولاكن استوقفه صوت امه وهي تقول:رماح
رماح:سَمي يبعدي
منيره:سَم الله عدوك خلاص روح وشوي نتفاهم
استغرب رماح وهو يقول:لايكون فيه شي يايمه
منيره:ابد ياوليدي روح لابوك لا تتاخر
-
عند ايلاف بالمستشفى كانت سهى للان فاقده الوعي وكانت ايلاف حاطه يدها على عيونها وتبكي بحرقه بالصدفه كان طالع هايف لاجل يرتاح شوي ولاكن لمحها وتقدم منها بسرعه وهو عارف انه في مصيبه صايره قرب منها ونطق:ايلاف !
استقامت ايلاف بصدمه وهي تقول:هايف شتسوي هنا !
هايف:انتِ الي شتسوين هنا ووين باقي البنات تنهد واردف وسهى ويين؟
ايلاف:هـ ـهـاييف سـ ـهـى داخل
تجمد هايف بخوف وعروقه برزت بشكل واضح:وين داخل بالضبط !
ايلاف بخوف:هي داخل الغرفه هذي
طلعت الدكتوره وهي تقاطع حديثهم:لو سمحتي المريضه استفاقت
اردف هايف بشوق:انا داخل عندها ومد جواله لأيلاف وهو يقولها:اتصلي على فارس وخوياتك وخلهم يجون وقولي لفارس يجيب العيال