وانا في درب الهلاك ظهرت لي ياملاك

79

79
" لا استبيح القراءة بدون لايك "
نطقت ايثار بخجل:رماح لازم نتعرف على بعض
رماح:لييه اسمي على لسانك حلو !
قرب منها وظنته يبي يقبلها غمضت عينها تنتنظره وابتسم وهو يقول:تعالي نقعد
فتحت عينها بصدمه ولاكن حست بيده الي تسحبها معاه لاجل يقعدون قعدو ولمحت تشوكلت وباقه ورد كبيره جداً وناظرت رماح الي اخذها وهو يقول:هذي لكَ يابعدي
مدها لها ومدت يدها لاجل تاخذها ولاكن تأوهت بألم من ثقلها وشالها من يدها بخوف واردف وهو يمسك يدها:شصار عورتك ؟
ايثار وهي تهز راسها:لا بس ثقيله شوي
رماح:بسم الله عليك
غمز رماح وهو يقول:ماعندي مشكله اخذها لين غرفتك
نزلت راسها بخجل شديد من تصرفاته ابتسم وهو يقول:لا تستحين مني قريب بكون زوجك وشلون بتتصرفين معي خذي راحتك يأيثار
ايثار ناظرت بالتشوكلت وبلعت ريقها فهم نظراتها رماح ونطق:يعني بقعد اتكلم انا بس طول الوقت
سحب علبة التشوكلت وكمل كلامه:يأنك تسولفين ولا مابعطيك
ناظرت فيه واردفت:بشنو اسولف؟
رماح:اي شي
ايثار:بعرفك بنفسي عمري 18 احب الدراسه ودي اصير دكتوره وبعد احب الطبخ احب الكل وماعندي مشكله مع اي احد عندي حساسيه من البرتقال احب اكله لي اندومي والبيتزا بعد احب الشاهي والقهوه ودائما اتمنى ان يكون شريك حياتي مايمانع اني اكمل دراستي وبس
رماح كان يتأملها ونطق:ما أمانع والله !
ايثار:طييب الحين دورك تكلم عن نفسك
رماح:ابشري،رماح 24 سنه عسكري اعشق شي اسمه شاهي مأحب الباذنجان احلى اكله عندي روبيان او كبسه عصبي ببعض المواقف احب تكون شريكة حياتي ايثار
تحمست ايثار وبدت تسولف عن كل شي بحياتها وحست بالراحه مع رماح الي كان يسمع لها بحب وهي تسولف والابتسامه شاقه وجهه وخرت شعرها عن وجهها وبدت تضحك وناظرت فيه وكانت راح تتكلم لولا اصبعه الي ثبته على شفايفها وسحب تشوكلت وحطها داخل فمها
نزل يده وهو يناظر فيها وهي تتلذذ بطعم التشوكلت ونطقت:لذيذ من وين ذا؟
رماح:انا بس الي اجيبلك منه اطلبي مني بأي وقت وانا حاضر طلع جواله ومده لها وكمل كلامه:اكتبي رقمك
اخذت جواله وبدت تكتب رقمها
-
عند جمان كانت قاعده وهي تحس بالملل قامت وتوجهت لسجى الي اول ماشافتها نطقت ببتسامه:تبين شي يروحي؟
جمان ابتسمت وهي تقول:وين الحمام يعيوني؟
سجى:قبل ابي اتعرف عليكم هاتي رقمك وروحي الحمام
جمان:خذيه من سهى ابي الحمام ضروري بنفجر
انفجرت سجى ضحك:امبيه طيب طيب روحي شوفيه على اليسار
بادلتها جمان الضحك وسرعان ماتوجهت للحمام
-
عند سجى توجهت للبنات ونطقت:اي وحده سهى
سهى:هلا انا سهى
سجى قعدت جنبهم وقالت:هاتوا ارقامكم خل نتعرف احسكم جوي
ابتسمت سهى وتبادلوا هي والبنات الارقام وكانوا يتعرفون على بعض نظارت فيهم سجى ونطقت وهي تأشر على وحده:تشوفون ذيك
فاتن:ايه شفيها ؟
سجى:والله انها كريهه بشكل كبير وحقيره بعد مالت عليها بس
ايلاف بأستغراب:كل ذا الحقد ليه شمسويه هالبنت
سجى:وش مو مسويه وش تعرفون المخطوبه تكون بنت خالتي واخوها كان يتاجر بالمخدرات وهي الي بلغت عليه وسجنته وفوق كذا تقرب لنا متخيلين كانت تتكلم مع واحد متزوج وتاخذ منه فلوس ماخلت شي ماسوته والله اني حاسه ان عيونها على رماح انتوا بس اصبرو وبتشوفون
سهى:خير ان شاء الله كفين ثلاث وتهجد خليها علي بس لا طلعنا
سجى:تحسبينها بتوب والله مايهمها شي
ايلاف:يحليلك ياسجى ماتعرفين سهى للان
فاتن بأهتمام:اييه وش مسويه بعد
سجى:اقول تراكم عجبتوني تحبون العلوم مثلي شرايكم تسهرون عندنا ؟
فاتن:لا لا شفيك تونا متعرفين ماقلنا بسم الله
ايلاف ببتسامه:تمم انا موافقه كلها ليله يلا يابنات
ناضرت سهى بأيلاف بحده:لا مايصير بتكونون تعبانين اكيد مانبي نثقل عليكم
سجى:ماتثقلون علينا ابد يلا عاد
سهى:والله مايصير
سجى:يابنت الناس شفيها كلنا بنات بالنهايه والله بنفلها والصبح روحوا
سهى:تمام بس هالمره
سجى:اكيدد
ايلاف:المره الجايه عندنا
صفقت سجى كفها وهي تغمز لها:تعجبيني
سمعوا صوت سويره وهي تقول:قوموا ساعدوني بالمطبخ يلا سريع
سجى:امبيه ياخاله ذول ضيوف بقوم انا اساعدك
ايلاف:وشو ضيوف يلا ياخاله جايين وابد انتِ اقعدي وحنا نشتغل قاموا البنات متوجهين للمطبخ
-
عند جمان طلعت من الحمام وللحظه جاها فضول تطلع الحوش طلعت وكان في باب كبير يقسم قسم الرجال والحريم فتحت الباب وشافت زايد وهو مشمر اكمامه وفاتح اول زرين وقاعد يشيل صحون العشاء مع الرجال كانت قاعده تتأمله ولاكن سرعان مانتبه لها وحط الصحن بالارض متوجهه لها بلعت ريقها وهي تستقيم وتقدم منها وهو يقول بغضب:شقاعده تسوين هنا ماتشوفين فيه رجال !
جمان:بالغلط معليش
زايد بغيره وغضب مختلط:لاعاد اشوفك تطلعين ويلا ادخلي
جمان:طيب هدي قاتله احد انا
زايد بحده:جمان لا تراددين عاد لو شافك احد غيري شفيك انتِ ماتفكرين ادخلي يلا ولاعاد اشوفك هنا وان شفتك والله ياجمان لا احش رجولك حش !!
جمان تجمعت بعيونها دموع ونطقت:لا تكلمني بهالطريقه انا اروح وين مأبي مو على كيفك !
زايد:استغفر الله ياربي ادخلي وخلصيني
جمان نزلت دمعه من عينها وسرعان مانطق زايد:اسف بس تكفين ادخلي
التفتت لاجل تدخل ونطق:عالعموم طالعه تذهليَن
ابتسمت جمان لان هذا زايد مستحيل يخليها تتضايق او تزعل منه هذا زايد الي تعرفه ومستحيل يتغير
-
حس زايد بأحد وراه والتفت وكان هايف ونطق:شتسوي هنا
زايد:وجع خرشتني قاعد اسكر الباب عشان الحريم
هايف بشك:اجل تسكر الباب امش بس امش
اخذه هايف متوجهين للعيال لاجل يساعدونهم
-
عند ايثار ورماح كانوا قاعدين يسولفون بسوالف عشوائيه حتى سمعوا طق على الباب وماكان الا طارق الي نطق:يلا يأيثار
ايثار:جايه
استقامت ايثار تبي تطلع ولاكن مسك يدها رماح وهو يقول:طيب نبي بوسه شي وداع
تجاهلته ايثار متوجهه لباب وقفت لحظات قدامه وهي تفكر نطق رماح: ابوك ينتظر روحي
غمضت ايثار عينها وركضت لرماح وقبلته وهي تحاوط رقبته بيدها شد عليها وهو يبادلها ولاكن سرعان مابعدت عنه تبي تطلع ونطق:مع السلامه
ودعته ايثار بيدها وطلعت من الغرفه واول ماطلعت دخل طارق ونطق:موافق ؟
رماح وهو ذايب:اكييد موافق ومليون موافق بعد
طارق بحده:خير ان شاء الله؟
رماح استوعب الحاله الي كان فيها وركد وهو يقول:موافق ياعم
طلع رماح وهو متفشل من الموقف بشكل كبير
-
عند سعود كان قاعد يساعد العيال وشافه حمدان وتوجهه له وهو يقول:شلون سعود اليوم
سعود:بخير ياعم شلونك انت عساك بخير
حمدان:بخير الحمدلله بكرا قلت لابوك يجي عندي وانت بعد تعال معاه
سعود بشك:والله انتوا وراكم شي مب مرتاح لكم
حمدان:اعقب ماترتاح لعمك وابوك
سعود:سَم ياعم بكرا جايينكم