وانا في درب الهلاك ظهرت لي ياملاك

96

"لا استبيح القراءة بدون لايك"
كانوا البنات قاعدين بمطعم يتعشون تكلمت فاتن بحماس:الساعه 12:44 يعني باقي على زواجك يوم
ايثار بتوتر:تكفين بموت من التوتر والخوف
جمان:انتِ شفيك حسستيني وحش هدي شوي
سهى:الحين وين بتروحون شهر العسل
ايثار:باريس
سجى:تكفون خذوني معاكم
ايلاف:وانا بعد لا تنسوني بفتح متحف هناك
ايثار:انقلعوا شتبون
سجى:افا تبيعينا الحين عشان رماح
ايثار:شهر العسل حقي يعني انتو اعقبوا
ايلاف:خليني اتزوج بس وبتشوفون وين شهر العسل حقي
ضحكت سجى وهي تناظر بسهى الي كانت متغطيه ونايمه:خويتنا خارج النطاق
ايثار:يبلنا نرجع دقي على السواق
سجى:تمام
ايلاف:توها تسولف عن شهر العسل مسرع نامت
فاتن:ماتنلام من التعب
ايثار:إلا بنات بسألكم من ريان وزايد
شرقت جمان وهي تناظر فيها:زايد !
غمزت فاتن وهي تقول:زايد حبيب القلب وريان ذا الصدق مانعرفه
ايثار:هو مغني سامري؟
جمان:لا بس هو يحب السامري
ايثار:قالي رماح انه بيغني مع ريان
سجى:يويلي كلكم تحبون الا أنا
ايلاف:بتحبين قريب معليك اصبري بس
-
كان سعود يشتري كبك انتهى وقال:صديق حط هذا بكيس
اخذ اغراضه وتوجهه للعيال بالمحل وهو يقول:ها خلص الثوب ؟
اخذ زايد ثوبه:الحمدلله خلص ولا كنت بودع
سعود:الحين يبيلها رقده أنا دايخ
عبدالعزيز:مشينا
هايف:أنا برجع البيت بدري وصلني اول واحد يارماح
رماح:يصير خير الا وين فارس
عبدالعزيز :بالسياره ينتظرنا مشينا
طلعوا العيال وركبوا السياره شافوا فارس الي كان يسمع اغاني
غنى ببتسامه:
أجاذبك الهوى واطرب وأغني
وأبادلك الغرام بكل فنّي
أجاذبك الهوى واطرب وأغني
وأبادلك الغرام بكل فنّي
ركبوا العيال السياره وبداو يغنون معه زايد و رماح صرخوا: وأشاهد صنعة الله في جمالك
‎وحكمه الذي فيك امتحنّي
‎وأشاهد صنعة الله في جمالك
‎وحكمه الذي فيك امتحنّي
‎وأشاهد صنعة الله في جمالك
‎وحكمه الذي فيك امتحنّي
ضحك هايف:من حقك ياعريس
سعود:لو تقولون لي رماح عسكري ماصدق
فارس:خله يستانس بكرا عرسه

بعد المغرب عند العيال الي كانوا يتجهزون ببيت هايف كان سعود واقف قدام المرايه وهو يعدل الكبك حقه وزايد الي ابتسم وهو يشوف ريناد شالها بحضنه وطالع فيها بدهشه:شهالحلاوه شهالزين
ضحكت بخجل وهي تنزل راسها من كلام زايد الي قبل خدها وهو يضحك:فارس تعال شوف الي خذت الزين من الكل
اقترب فارس ببتسامه وهو يشيلها من حضن زايد:الله وش ذا الفستان الحلو
ابتسمت بدهشه وسالته:حلو؟
فارس ببتسامه:اكيد حلو مثلك يلا ابي بوسه
اقتربت منه وطبعت قبله على خده ضحك وهو يشوف هايف الي قال بتمثيل للغضب:خير تراها اختي
فارس:لا خلاص باخذها تروحين معاي ولا مع هايف
ناظرت فيه وبهايف بحيره لاكنها اشرت على هايف وقالت:أيف
سعود بضحكه:اخته شتتوقع الا وين عقالي
هايف:شفه هذاك الي على السرير
دخلوا سياف وعبدالله وابتسمو وهم يسلمون على العيال نطق عبدالله بسعاده:دايمه هالسعاده واللمه ان شاء الله
فارس:ان شاء الله
سياف:عقبالكم
ضحكوا العيال الي اردفوا كلهم:امين
-
عند رماح الي كان يتجهز بحماس اقتربت منه منيره وهي تبخره دمعت عينها وسرعان ماغطت وجهها بشيلتها حضنها رماح وهو يبتسم:شدعوه يايمه هالبكاء بتزعليني معك
منيره وهي تبادله الحضن:ولدي الوحيد بيتزوج لا تلومني دموع فرح وحزن لانك بتبعد عني
رماح وهو يبتعد عنها ويقبل راسها بخفه:ابد والله كل يوم عندك
منيره:هذا كلام بس
رماح:افا من متى كلمة رماح تنكسر
منيره:من يوم شاف ايثار
ضحك رماح وهو يتبخر:عز الله ماني بمتغير وانا ولد حمدان وامي منيره
منيره ببتسامه:نشوف وقت الجّد
رماح:ادعيلي يايمه
منيره:الله يوفقك ويسعدك ويتمملك على خير ياولدي
رماح:اللهم امين الله يسمع منك
-
عند فاتن وعبدالعزيز انتهت فاتن من اللبس وطلعت من الغرفه وهي تاخذ البخور بخرت نفسها وطلعت للغرفه لاجل تبخر عبدالعزيز الي اول ماشافها نطق بدهشه:تبارك الله ياجمالك
ابتسمت وهي تقترب منه وتبخره:حلوه لهلدرجه؟
عبدالعزيز وهو يقبل راسها:الا واكثر بعد
حطت البخور على الطاوله وعدلت ازار ثوبه اردف:حصني نفسك
فاتن ببتسامه:ابشر
مد يده وهو يرفع ذقنها لاجل تناظر اقترب منها وقبل ثغرها بخفه وقال:شغلنا بعد العرس الحين مانبي الروج يخرب

ضربته بخفه على صدره:مب صاحي انت
عبدالعزيز:وانتِ تخلين بالواحد عقل
اردفت بثقه:لا طبعاً
عبدالعزيز:هذا لا قالو لك الثقه عند الشخص الصح
-
عند ايثار الي كانو البنات متجمعين عندها عشان يسوون شعرهم ومكياجهم عند الارتست يالي كانت قاعده مع امها الي كانت مو قادره توقف بكاء وسجى الي ضحكت:خاله تبكين الناس يفرحون يوم بناتهم يتزوجون
سويره:دموع الفرح
ايلاف:بنات البس الحين؟
جمان:لا وين تو الناس الساعه 8:30 البسي
لطيفه (ام سجى):صحوا سهى لا تنسونها
جمان:اي اصح سجى صحيها
اقتربت سجى من سهى و بدات تصحيها ايثار الي قعدت عند الكوفيره الي بدات تمكيجها نطقت:بنات شوفو فاتن إذا خلصت بياخذها عبدالعزيز على طول العرس ولا بيجيبها عندنا
صحت سهى وكان صوتها كله نعاس:مدري احس الافضل انها تروح وحنا نلحقها بس شوفوها وشوفو عبدالعزيز وش يقول أنا بدخل اتروش
ايلاف:اسوي شعري ستريت؟
جمان:لا ويفي احلا مع قصة الكتف حقت الفستان
ايلاف:تمام
سويره اقتربت من الارتست وكانت توصيها انها بنتها تطلع باحلى حالاتها
ضحكت الارتست:ابشري ياخاله
جمان:بنات شكلي بس مكيب ارتست
سجى:والله فكره وخذيني معك
ايثار:بنات مو منجدكم ولا وحده بتكمل دراستها؟
جمان:والله أنا مافي شغف
ايلاف:معليك أنا بكمل
ايثار:وفاتن؟
ايلاف:مدري نحاول نقنعها مو طبيعي نقعد كذا
-
عند العيال الي انتهوا وطلعوا لسيارتهم متوجهين للقاعه ابتسم هايف بحماس وهو يركض ويبخر سعود الي قال ببتسامه:وين راعي السامري؟
زايد:موجود،يلا مشينا
ابتعد هايف عنه وتقدم من زايد وفارس وهو يبخرهم:تبخروا
فارس:ماتقصر بس لا نتاخر
سياف:هايف امك واختك معاي انت روح لحالك
هايف:تم يلا اشوفكم لا وصلنا
ودعوا بعض وكل واحد ركب سيارته