وانا في درب الهلاك ظهرت لي ياملاك

97

"لا استبيح القراءة بدون لايك"
عند العيال كانوا للان يلعبون لين ما دخلوا حمدان و سياف وعبدالله وطارق وابتسم زايد بحماس:
‎حيّا الله اللي يغيـب ويسـرع الـرده

‎اللـي يجينـي اليـا منـه تباطانـي
رددو العيال وهم يلعبون مع حمدان وسياف وطارق وعبدالله ماتحمل زايد الي دخل بينهم وهو يعطيهم فره ضحك هايف الي صرخ:عاشوا
كان زايد يلعب وريان كمل:
‎قلبي يـوده و حالـي كنهـا القـده

‎ودي بشوفه ودونه حـوم عقبانـي

رمى حمدان غترته على رماح الي مسكها وضحك وهو يكمل رقص فيها
-
بعد مده عند ايثار الي كانت قاعده بالغرفه بتوتر دخلت عليها امها وهي تقول:رماح جاي الحين عشان تتصورون وبعدها الزفه
ايثار:يمه ابي ماي
سويره:ابشري
اخذت ماي واقتربت منها وهي تشربها:لا تخافين كلها صور وزفه وتروحين مع عريسك
ايثار:ان شاء الله
دخل رماح الي كان ماسك عقاله بيده ناظرت فيه ايثار بتوتر ونزلت راسها ابتسمت سويره واقتربت من رماح وهي تربت على كتفه وقالت:الله يوفقكم
طلعت من الغرفه وكانت ايثار مو قادره ترفع راسها اقترب منها رماح:بتصير زوجتي وماتقدرين تطالعين فيني ؟
حست برعشه بجسمها يوم اقترب منها وقعد جنبها:شفيك؟
رفعت راسها اخيراً وناظرت فيه طار قلب رماح او ماشافها أسرت قلبه بشكل غريب مقدر يشيل عيونه عنها:رماح خايفه
فز قلبه اول ماسمع صوتها:مني ؟
هزت راسها بمعنى لا:مو منك بس خايفه من الزفه
رماح:الحين مب انا معك وش يخوفك؟
ايثار:مدري
رماح:دامني معك لا تخافين مابيصير شي باذن الله
مسك يدها وهو يشبكها بيده ضحكت :ليه شكلك كذا ومب لابس عقالك؟
رماح الي استوعب الحاله الي كان فيها وضحك:والله السامري
مسكت عقاله وحطته فوق راسه وكانت تعدله:تحب السامري لهلدرجه ؟
رماح:مو ذاك الزود بس من يخاوي زايد يقع بالفخ
ايثار:الحين تهبل
ناظر فيها رماح الي ضاعت علومه:وشو ؟
نزلت راسها باحراج منه وهو كل شوي يحرجها بكلامه حس انه ضغط عليها لذالك ضحك:خلاص بسكت
ايثار:لا لاتسكت سولف متوتره
رماح:نطلع نتصور ؟عاد مب قادر اصبر متى نطلع ويدك بيدي
ايثار:مابقى شي اصبر
مسك يدها وهم يطلعون لغرفه التصوير
-
عند البنات اقتربت منهم منيره:سجى
ناظرت فيها سجى:امري
منيره:في اغراض برا روحي خذيها من عند الباب
سجى باستغراب:اي باب ؟ بعدين ليه أنا مافي خدامات؟
منيره:الخدامات مشغولين الحين ومافي غيرك عاد لا تزنين وقومي من عند الباب الخارجي
سجى:يلا قايمه
قامت سجى وطلعت للباب وهي تقول بنفسها(هذا الباب للشارع !)توجهت للباب ولقت بعض الاغراض وقامت تدخلهم حتى وصلت لاخر كيس كان عند الباب حاولت تشيل الكيس لاكنه كان ثقيل مسكت ظهرها بألم واردفت:يويلي هذا أنا بشيله !
رفعت راسها وهي تشوف واحد واقف قدامها وغمز وهو يقول:يالبيه عيوني تشوف ملاك ولا بشر
تحولت ملامحها لقرف وغضب:وجع جعل عيونك بالفقع هذا بدال ماتستحي على وجهك وتقولي ادخلي واشيله بدالك !
ابتسم:اشيله بس؟ ابشري يابعدي
رفعت صوتها بغضب:الله يقلعك تفو عليك بس
استوعبت انها مب متغطيه ودخلت ورا الباب وهي تكمل سب فيه
-
كان سعود واقف وهو يكلم بجواله حتى سمع الاصوات وسمع صوت سجى الي مو قادر يشيله من باله اقترب منهم وهو يشوف الولد الي يغازل ناظر فيه بغضب ورفع صوته:شصاير؟
ناظر فيه الولد:بساعدها تدخل الكيس
سجى الي وسعت عينها بصدمه من كذبه:ياقليل الحياء تكذب بعد !
نطق سعود بغضب:والله الكيس بهبدك فيه الحين
صفقه سعود على راسه من الخلف ومسك ثوبه بغضب:حنى مانتهينا هنا وبس وبعلمك شلون تغازل بنات الناس بس مب هنا
رفسه سعود على رجله بقوه تعثر الولد وقام بسرعه وهو يهرب ناظر سعود بالكيس الي عند الباب وماكان باين من سجى الا طرف فستانها اقترب من الباب:طيب ادخلي عشان ادخل الكيس
سجى كانت جاهله من الي يكلمها من برا وماكانت تدري انه سعود لاكنها اردفت:شكراً
دخلت لداخل وانتظرته حتى يدخل الكيس وابتسمت لما سمعته يقول:تحتاجين شي ثاني؟
سجى:لا ابد ماتقصر
دخلت داخل وراحت عند منيره وقالت:خاله الاغراض كلها موجوده داخل
منيره:ماشاءالله يلا الحين اذلفي
سجى:افا هذي جزاتي الحين
ضحكت منيره:ماتقصرين يلا ارجعي للبنات
ضحكت سجى ورجعت للبنات
-
عند سعود الي كان طاير من الفرحه وصرخ :اخيراً يالله هي والله هي
دخل داخل والابتسامه شاقه وجهه شافه هايف واقترب منه وقال:وراها الابتسامه شاقه وجهك ؟
سعود:يبيلها ردح والله
هايف:سعود انهبلت وراك بتموت من الفرحه
سعود:أنا قلبي بعالم ثاني يرفرف ياهايف
هايف:الحمدلله والشكر والله أنا مخاوي ناس مب صاحيين
سحبه سعود وهو يدخله للسامري لاجل يرقصون