وانا في درب الهلاك ظهرت لي ياملاك

90

"لا استبيح القراءة بدون لايك"
كانت جمان بتتكلم لاكن دخلت عليهم فاتن وانصدمو البنات وقامو بسرعه وهم يحضنونها بقوه وقالت جمان:وينك عننا طول هالفتره يافاتن
فاتن بحزن:قصه طويله واتمنى انكم تسامحوني لان غصب عني والله
بعدوا عنها البنات وهم يناظرون فيها وقالت سهى:شفيك يأجمان مختفيه لك يومين وشنو الي صار لك غصب عنك قوليلنا
مسكت ايلاف يد فاتن وهي تبعدها عن البنات وتجلسها:تكلمي وبنسمعك يلا
تنهدت فاتن وهي تقول:انا تزوجت
توسعت عيون جمان وهي تناظرها بصدمه ونطقت ايلاف:تزوجتي !
كانت سهى متجمده بمكانها وهي تنتظرها تبرر قالت والدموع تنزل من عينها:والله غصب عني والله
صرخت ايلاف:شلون غصب عننا فرحتي بدوننا يأفاتن وتزوجتي من دون ماتقولين لنا بعد وحنا ماندري من تزوجتي !
قالت:سامحوني والله غصب عني تزوجت وانتو ماتدرون بس افهموني
ايلاف:ايش نفهم انه ماودك تفرحينا معاك تزوجتي وانتِ بعيده عننا ليه يافاتن حنا قلنا نفرح مع بعض ونزعل مع بعض والحين تخَذلينا
صرخت فاتن:ماخَذلتكم والله اعقب اخَذلكم
جمان:طيب من تزوجتي من !
ناظرت فيهم بقلق وهي تقول:عبدالعزيز
حطت سهى يدها على وجهه وهي تلتفت عنهم
وقامت ايلاف بغضب وهي تطلع من الغرفه صرخت سهى وهي تشيل يدها عن وجهها:ايلاف !
لاكنها تجاهلتها لاول مره جمان قالت بغضب:عبدالعزيز والعيال ماقالو لنا !
فاتن بخوف:العيال مايدرون حتى
قالت سهى بغضب طفيف وهي تحاول تهدي نفسها:لا يافاتن لا
جمان بغضب:محد يدري يافاتن ليه طيب لييه !
قامت جمان وهي تدخل الحمام. بغضب كانت فاتن ماتقدر تقولهم انه غصب عنها متزوجه عبدالعزيز
مسكت يدها سهى وهي تقول:خلينا نطلع يافاتن
-
عند هايف الي كان قاعد مع سعود وفارس وزايد  فجاة لمحوا سيارة وماكانت إلا سيارة عبدالعزيز نزل وهو يقول:السلام عليكم
ناظر فيه فارس وهو يقول ببتسامه:وعليكم السلام يالخوي وينك عننا كل هالايام
قام سعود وهو يسلم عليه بلهفه:اعقب وينك كل ذا غياب
قام زايد وهو يحضنه:عساك طيب
ابتسم عبدالعزيز وهو يقول:طيب الحمدلله
ناظر بهايف وهو يشوفه متلثم ومو معطيه اي وجه ولا قام سلم عليه حتى ناظر زايد فيه وهو يقول بتنهيده:لا تلومونه مفارق احبابه

فهمه عبدالعزيز وقعد جنبه على طول وهو يحضنه:عساها خيره وانا اخوك
قال هايف بضيقه:مافي خيره بهالفراق !
قعدو العيال ونطق زايد:ايه وش سبب بُعدك هالفتره ياعبدالعزيز
تنهد عبدالعزيز وهو يقول:ماضنتي بتتقبلوني بعد الي بقوله
ناظر فيه سعود:للدرجه ذي يعني؟
عبدالعزيز وهو ينزل راسه:واقوى بعد
قال فارس بفضول:قول شعندك ومعليك
قال بتردد:أنا تزوجت يعيال
رفع راسه هايف من حضنه وهو يناظر فيه وكان الكل يناظره وهو يقول:اعذروني
ضحك فارس وهو يقول:تمزح صح ؟
ناظره عبدالعزيز وهو يهز راسه بمعنى لا اختفت ضحكه وتحولت إلى صدمه وهو يناظر فيه نطق سعود:من جدك انت !
عبدالعزيز:قاعد اتكلم صدق تزوجت يعيال
زايد بعدم تصديق:كيف !
عبدالعزيز وهو ينزل راسه:اعذروني
ناظر فيه فارس وهو يعاتبه:قول هم يمكن بيعذرونك بس أنا لا ياعبدالعزيز امس عرفت بموافقه البنت الي ابيها علي ودقيت عليك انت اول واحد عشان تعرف وتفرح معاي تروح تتزوج بدون محد مننا يعرف عشان يشارك فرحتك وش مسويين لك حنا !
ضحك هايف بسخريه وهو يقول:نعذرك اجل وانت فضلت فرحتك تكون بدوننا !
قال عبدالعزيز:ماقدرت اقولكم
قال سعود وهو يناظر فيه:عذر اقبح من ذنب ياعبدالعزيز ماكنت تقدر ترفع علينا سماعه يعيال أنا بتزوج وش بيضرك لو عزمتنا ماعاتبناك الا لانك غالي ياعبدالعزيز ولا ليش بننزل من قدرنا ونسألك ليه ماعزمتنا لو كنت شخص غريب
ناظر زايد فيه وهو يقول:توقعتها من الكل إلا انت ياعبدالعزيز
-
عند رماح الي كان قاعد مع طارق و سويره وايثار وقال:ابي اسرع العرس
ناظرت فيه ايثار وهي تقول:شقصدك؟
قال رماح:نخلي العرس بعد ثلاث اسابيع شرايكم؟
قال طارق:لو ايثار موافقه حنا موافقين
ناظر رماح لأيثار وهو ينتظر ردها
ايثار بتردد:احس قليل مافي وقت نجهز
رماح:في وقت يأيثار على ماتطلعين من المستشفى بكرا وبدأي تجهيز
ايثار:اربع اسابيع ؟
قال رماح وهو يناظر بقلة حيله:طيب