وانا في درب الهلاك ظهرت لي ياملاك

80

80
" لا استبيح القراءة بدون لايك "
عند البنات دخلت ايثار عليهم وانصدمت انهم قاعدين بغرفتها وابتسمت وهي تقول:السلام عليكم
ردو البنات:وعليكم السلام
ايثار بأستغراب:من تكونون
سجى:هذول خوياتنا الجدد
ايثار ببتسامه:اهليين فيكم
سجى:امشي اقعدي لفت سجى للبنات وبدت تعرف فيهم على ايثار
ايثار:تشرفنا
سهى:الشرف لنا والله
كانوا البنات قاعدين يسولفون وفجاة داهمت غرفتهم بنت ناظروا فيها بصدمه ونطقت سهى:خير ان شاء الله عسى ماشر
البنت:انتوا ماتستحون قاعدين هنا قوموا لموا ورا الضيوف يلا اشوف
سهى:ووراك انتِ ماتلمين وراهم حنا حالياً مشغولين !
البنت:والله مشغولين؟بشنو مشغولين قلة الادب
سهى:بوريك الحين قلة الادب على اصولها !
قامت سهى بغضب متوجها لها ومسكت شعرها بقوه صرخت البنت بألم:يامجنونه فكيييني شفييييك انتتِ !!
سهى:اولاً يوم تتكلمين معنا تتكلمين بأدب ثأني شي محد بيلم ورا الحريم الا انتِ وعدلي اسلوبك وطريقة كلامك عشان ماعدلها لك بطريقتي !
انصدمت ايثار من سهى وتجمدت بمكانها بصدمه
سجى بحماس:لا تفكيينها تكفين عليك فيها
ايلاف:وجع سجى اسكتي شفيك انتِ سهى تكفين اتركيها !
فاتن:سهى فكيها واسحبي عليها هالمريضه !
صرخت البنت بغضب:تحسبين نفسك بهالتصرفات قويه ياناقصه مافيك لا جمال ولا شي يثبت انك بنت نقطه انوثه مافيك تحسبين بقطعه قماش سميته فستان راح تتحولين لبنت !!
شدت سهى على شعرها اكثر بغضب وهي تقول:مافي احد ناقص الا انتِ ماتجين وتتكلمين عني بهالطريقه ظنك راح اتاثر بأي كلمه قلتيها
البنت بألم: يحقييره الله يعين الي بياخذك اصلاً مافي احد بيناظر لك فكييني !!
تركتها سهى ودفعتها على الارض صحيح انها ما بينت اي ضعف ولاكن كلام البنت اثر فيها بشكل كبير قامت جمان وهي تتوجه لسهى ونطقت:سهى انتِ بخير فيك شي؟
سهى:بخير
تدري جمان ان سهى مو بخير وميه بالميه متاثره بكلام هالبنت طلعت سهى من الغرفه متوجهه للخارج كانت جمان راح توقفها ولاكن نطقت ايلاف:راح تكون بخير اتركيها !
رجعت جمان وهي تقعد على السرير متجاهله تماماً البنت الي قامت بألم وهي تدعي على سهى
سجى بغضب:الله يقلعك انقلعي بس
التفتت ايثار وهي تقول:ماتحسونها قست على سهى هالكلام ماكان له داعي ابي اروح اتكلم مع سهى !
فاتن:خليه شوي سهى تحتاج وقت لحالها حالياً وبتهدى صدقيني وقتها تقدرين تتكلمين معاها
-
كانت سهى تتنفس بسرعه وهي تفكر بكلام البنت الي جرحها بشكل كبير كان هالكلام ينقال لها كثير بس مو بهذا الشكل المباشر معقوله هي ماتنحب بس حب هايف لها ! معقوله مافيها اي تصرفات تبين انها بنت هي قبيحه ؟هالكلام كان يدور ببالها وتسأولات كثيره قعدت وهي تفكر بكل شي مع ان هذا مو الوقت المناسب بس تحتاج تبكي ولو شوي  التفتت سرعان ماسمعت صوت من وراها وماكان الا حب حياتها واول حب تحصل عليه قعد جنبها بهدوء وناظر فيها وهو يقول:شصاير ياسهى ومن الي خلاك تبكين عشان انهيه؟
ناظرت فيه وقالت:انا ابكي ياهايف؟
هايف:ايه تبكين !
مسحت سهى دموعها بضعف وهي تقول:تحبني؟انا بالنسبه لك جميله ؟تعتبرني بنت وفيني انوثه ؟انا شنو ياهايف جاوبني !
هايف:مو بس احبك انتِ صرتي كل شي يدور ببالي وماصرت افكر الا فيك وبس كل شي فيني يخصك وبس انتِ اول جميله بحياتي والاخيره والله ياسهى مابعد زينك شفت احتليتيني اقسم لك وشلون ماعتبرك بنت هذا الكلام الي مابيك تفكرين فيه ابد لو انك مو بنت شلون عشقتك وصرت هايم فييَك؟ انتِ ملاكي بس بفهم من الي حطك بكل هالتسأولات التافهه مستعد احرقه ولا يشغل تفكير روحي بأشياء غريبه مثل كذا والله قلبي ماكذب معك ولا مره انتِ صرتي بداخلي،أول انسانه افتح لها قلبي واتكلم معاها براحه ولا انزعج اتمنى اشوفك كل لحظه وكل ثانيه مابي اشيل عيني عنك
كانت سهى تتنفس بسرعه وهي تفكر بكلام البنت الي جرحها بشكل كبير كان هالكلام ينقال لها كثير بس مو بهذا الشكل المباشر معقوله هي ماتنحب بس حب هايف لها ! معقوله مافيها اي تصرفات تبين انها بنت هي قبيحه ؟هالكلام كان يدور ببالها وتسأولات كثيره قعدت وهي تفكر بكل شي مع ان هذا مو الوقت المناسب بس تحتاج تبكي ولو شوي  التفتت سرعان ماسمعت صوت من وراها وماكان الا حب حياتها واول حب تحصل عليه قعد جنبها بهدوء وناظر فيها وهو يقول:شصاير ياسهى ومن الي خلاك تبكين عشان انهيه؟
ناظرت فيه وقالت:انا ابكي ياهايف؟
هايف:ايه تبكين !
مسحت سهى دموعها بضعف وهي تقول:تحبني؟انا بالنسبه لك جميله ؟تعتبرني بنت وفيني انوثه ؟انا شنو ياهايف جاوبني !
هايف:مو بس احبك انتِ صرتي كل شي يدور ببالي وماصرت افكر الا فيك وبس كل شي فيني يخصك وبس انتِ اول جميله بحياتي والاخيره والله ياسهى مابعد زينك شفت احتليتيني اقسم لك وشلون ماعتبرك بنت هذا الكلام الي مابيك تفكرين فيه ابد لو انك مو بنت شلون عشقتك وصرت هايم فييَك؟ انتِ ملاكي بس بفهم من الي حطك بكل هالتسأولات التافهه مستعد احرقه ولا يشغل تفكير روحي بأشياء غريبه مثل كذا والله قلبي ماكذب معك ولا مره انتِ صرتي بداخلي،أول انسانه افتح لها قلبي واتكلم معاها براحه ولا انزعج اتمنى اشوفك كل لحظه وكل ثانيه مابي اشيل عيني عنك
-
بس انا مذنب ياسهى انتِ مو حلالي وقاعد جنبك واسولف معك واشوفك بعد ربي بيغفر لنا معقوله !! ولا هذا اختبار من ربي وانا مابي افشل فيه !
سهى:ولا انا هايف خن نصير لبعض بالحلال ونترك هالذنوب الي قاعده تتراكم !
هايف بجديه:اول مابرجع بكلم اهلي وهالمره صادق بكلامي
سهى:طيب كلمهم
هايف:من حط ببالك هالتسأولات؟
سهى:محد يقدر يحط براسي كل هالتسأولات الا اذا كنت انا او انت !
هايف:متاكد فيه شخص بس تاكدي انك غير عن الكل والاولى بقلبي وانتِ سهى الي طول حياتها قويه مو كم كلمه تأثر فيها
كان هايف يزيد سهى قوه بكلامه ولو كان بسيط بس شعور الحب كان يعطيها طاقه اكثر لاجل تتخطى كل شي سرعان ماسمعو صوت وركض هايف للخارج وماكانت الا ايثار الي تقدمت من سهى وهي حامله فستانها وقعدت جنبها ونطقت:اتمنى انك ماتأثرتي بكلامها !
سهى:معليك مو اي احد يأثر علي
ايثار:بس انا اشوف عكس كذا !
ناظرت فيها سهى:شنو تشوفين ؟
ايثار:اشوف عيون حمراء اشوف اثر دموع اشوف انهيار تقريباً
سهى:تتوهمين
ايثار:ماتوهم كلنا ننجرح وننكسر صحيح قالت كلام كسرتك فيه بس ابي اقولك اني اهنيك على شخصيتك القويه وجمالك لان صدق جمالك مُبهر اتمنى لو اوصل له شخصيتك قويه وهذا الشي انا افتقده لو تدرين شكثر شخصيتي ضعيفه انا حتى خطيبي كنت اخاف منه وللان فيه نسبة خوف منه اليوم بس حسيت بطمأنينة معه واتمنى اتعرف عليك واكون قريبه منك بصراحه ابيك تكونين صديقتي ياسهى لاني حبيتك !
ابتسمت سهى:بصير خويتك لاجل احميك بس !
ضحكت ايثار على سهى واقتربت منها وهي تحضنها بقوه وشدت عليها سهى
-
عند العيال كانوا طالعين والتفت حمدان لسعود وغمز له وهو يقول:لا تنسى انت وابوك بكرا عندي
سعود:باذن الله ياعم
عبدالله:جايينكم معليك
التفت رماح وهو يقول:ماشفتو عمي طارق؟
غمز هايف وهو يقول:ليه وشتبي فيه
رماح:وانت شدخلك
هايف:ابد والله بس اسأل
التفتوا العيال وهم يشوفون طارق يتقدم منهم ابتسم رماح وهو يتحمحم:ليه تتعب نفسك ياعم وتجي ابد كان قلت وجيناك حنا
طارق:عيب انتوا ضيوفي واوصلكم للباب استودعتكم الله و انت يارماح شوفتك ماراح تصير غريبه علينا ولا تنسى ولدنا بأمانتك يارماح
هايف:والله خير من وثقت فيه ياعم ورماح مابيخذلك ابد وبتشوف سعادة بنتك من بعد رماح
طارق:باذن الله واستودعتكم الله ياعيالي
ودعوا العيال طارق وسرعان ماتقدموا ابأهم وهم يسلمون على طارق ويودعونه وطلعوا الكل
-
كانوا العيال بسياره وحده ومشغلين اغاني باعلى صوت وغنى فارس:انتِ عن غيرك فرقتتي
كمل رماح وهو يغني معاه:عقلي مع قلبيي سرقتي سارقتني حتى مني وش بقى بس ماسرقتي !
هايف ابتسم وهو يقول بهيأم:يادفايي وياحنييني وياشعورٍ يحتوييني كل حب الدنييا احسه صار مابييينك وبييني !
ابتسم سعود:ياعيال انتم عاشقين لا محال !
هايف:ياظالم بس عاشقين الا هأيمين ومابعد الهيأم !
-
عند البنات كانوا قاعدين يسولفون وفجاة دخلوا سهى وايثار ونطقت سهى:بنات ونسوني
سجى:ابد تبشرين بقوم بجيب بخور وبعدها بونسك صدق
ايلاف:امشي اقعدي
ايثار:بنات جوعانه اطلبوا اكل
جمان:والله صدق حتى حنا ماكلنا بطلب انا