وانا في درب الهلاك ظهرت لي ياملاك

92

"لا أستبيح القراءة بدون لايك"
قالت فاتن بغضب:تبي تبعد عني الحين بعد مالكل كرهني بسببك تبي تخليني وحيده ياعبدالعزيز !
مسكها من يدها وهو يقرّبها منه ناظر بعينه وهو يقول:ابي تعرفين شي واحد يافاتن أنا أخذتك لاني ابيك بس انتِ تبين البعد وانا ماني جابرك على القرّب مني !
ناظرت فيه فاتن:من قال اني ابي البعد ياعبدالعزيز انت أجبرتني على البعد وانا مابيه انصدمت فيك وبالطريقه الي خطفتني فيها تمنيت اني اكون مثل البنات كل شي يكون حلو والطريقه الي بتتقدملي فيها تخيلت أشياء كثيره بس انصدمت فجاة وتحطمت !
حضنها عبدالعزيز وهو يقول:اسف ياقلبي اسف ماقصدت احطمك بهالطريقه بس كنت ابيك لي خايف أفقدك والله خايف افهميني تكفين ولو مره
شدت على حضنه وهي تغرز وجهها بحضنه نطق وهو يقبل راسها:اعطيني فرصه والله لا اعوضك عن كل شي
-
عند هايف وصله اتصال من ابوه:السلام عليكم
رد هايف:وعليكم السلام سَم يبه
سياف:شلونك ياهايف عساك بخير
هايف:بخير يابوي شلونك انت طيب؟
سياف:طيب الحمدلله ياولدي إلا وينك
هايف وهو يعتدل بجلسته:والله قاعد مع العيال
سياف:طيب ياهايف خذ امك ووديها المستشفى بتاخذ دواء ضروري الحين
هايف:ابشر الحين اروحلها
ابتسم سياف وهو يقول:الله يبشرك بالجنه
-
عند سهى كانت قاعده مع رائد تسولف ابتسم رائد وهو يقول:جمان بخير تطلع بكرا ان شاء الله
ابتسمت سهى وهي تقول:جد؟
ناظر فيها:اكيد مافي مزح بهالموضوع بكرا بتطلع وخذوها بأي وقت تبونه
سهى ببتسامه:بكلمها الحين
التفتت وهي تشوف هايف مع امه ماشافها سرحت فيه لفتره وهي تشوفه يتكلم مع الاستقبال حتى دخلت امه احد الغرف وناظر فيها هايف بصدمه وهو يشوفها جالسه مع رائد بدأ دمه يغلي من الغيره مو قادر يستوعب ان حب عمره قاعده مع رجال ثاني اقترب منهم والشر يطير من عيونه مسك رائد من لبسه وهو يسحبه بقوه وقال بغضب:شتسوي معاها انت بفهم !
ناظر فيه رائد بصدمه وغضب:من انت وكيف تمسكني بهالطريقه تبيني اكسر يدك !
قالت سهى وهي تحاول تبعدهم عن بعض:احنا بالمستشفى انهبلتوا انتوا
هايف بغضب وتهديد:تكسر يدي اجل بوريك من الي بيكسر يد الثاني ذلحين
لكمه هايف ورماه على الارض وهو يضربه بدون وعي نسى نفسه تماماً مو مستوعب انه بمكان عام وبمستشفى تحديداً صرخت سهى بغضب:هايف وخر عنه !
لاكنه تجاهلها دفعه رائد وهو يلكمه بقوه وكان شي بسيط بالنسبه لوجهه الي تملئ بالدم انجرحت شفة هايف لاكنه ماهتم وهو يمسح الدم بعنف وقترب يبي يضربه
عند سجى كانت قاعده مع ايثار تسولف قالت بملل:مدري متى جمان بتطلع من المستشفى عشان نجهز مع بعض
ايثار:اضن قريب لانه مافيها شي قوي يعني
سجى:ان شاء الله
ناظرت سجى بأيثار وهي تجلس قدامها على السرير وقالت:بطلب طلب يايثار بس لا ترديني
قالت ايثار بأستغراب:وش تبين ؟
سجى بترجي:تكفين اتصلي على رماح يجيب الشوكلاته الي جابها يوم الملكه باخذ لجمان منها وانا مشتهيتها بعد
ايثار:لا اعقبي مقدر ماعندك الغلاف كان مكتوب عليه الرقم واسم المحل اطلبي منه
قالت سجى وهي تشمق:لو عندي اكيد مابقولك تتصلين عليه
مسكت يد ايثار وهي تقول:تكفين تكفين يأيثار شفيها ياخي تراه زوجك !
ايثار:تو الناس اي زوج يابنت ماني متصله عليه
سجى:ايثار تكفين عشاني هالمره بس
ايثار:خلاص عاد انطمي بتصل
-
عند رماح الي وصله الاتصال ابتسم وفز على طول ضحك زايد وهو يقول:اف اف وش ذا الاتصال الي يخليك تفز والابتسامه تشق وجهك
ناظر فيه رماح وهو يقول:شدخلك انت اقعد كبس ظهر سعود بس
سعود:زايد لا تكسر ظهري انتبه
زايد:لو اني وش ماكسرته
ركب رماح السياره وهو يرد عليها:لبيه
ابتسمت ايثار وسرعان ماضربتها على كتفها سجى وهي تقول بهمس:اخلصي
نطقت بالم وغضب:اخ كسرتي كتفي
قال رماح باستغراب:في شي ؟
ردت عليه:رماح عادي اطلب طلب؟
ابتسم رماح وهو يقول:لو تبين عيوني حاضر !
احمرت خدودها بخجل ضحكت سجى وهي تقول بهمس:ياليل العشاق
قالت ايثار بخجل:تذكر الشوكلاته الي جبتها لي بملكتنا
رماح تذكر الشوكلاته وهو يعتدل بجلسته:ايه شفيها
قالت:ابي منها بوكسين شلون اطلب؟
رماح:اي طلب وانا موجود؟ انا بجيب لك
ايثار برفض:لا رماح عشان انا بدفع
رماح:لا مافي انا الحين بجي وبجيب لك اربع بوكسات مو بوكسين بس
ايثار بتذمر:رماح كثيره مايحتاج والله
رماح:انا جايك يلا مع السلامه
سكرت الخط ونزل من السياره وهو يقول:يعيال انا رايح شوي وجاي
فارس وهو يحاول يحارشه:ماشاءالله وين رايح
غمز سعود بضحكه وهو يقول:فارس احترم نفسك شهالاسألة المحرجه
ضحك زايد وهو يضرب سعود على ظهره:اسكت انت وياه
صرخ سعود بألم:حسبي الله عليك، استغفرالله بسم الله عليك وجع ظهري راح فيها
رماح:يورعان يلا بروح تبون شي وانا جاي
ضحك فارس وقال:نبي شوكلاته
رماح بصدمه:وجع ان شاء الله انت تتنصت علي
فارس:ابد والله اني بريء بس صوتك كان عالي
سعود:جيب عشاء الجوع ذابحني
رماح:يلا مع السلامه

اقترب هايف يبي يكمل ضرب على رائد دفعه بقوه على الارض طاح رائد ولاكن وقفت سهى قدام هايف وهي تصرخ بغضب:انهبلت انت ليه تضربه ليه؟
هايف بغضب وهو يصرخ:تستهبلين انتِ شمقعدك معاه سهى لا تحسبين اننا انتهينا والله ماخليك وباخذك غصب عن الكل واذا تبينها بالقوه غصب عنك انتِ بعد !
صرخت بغضب وهي تدفعه:مريض انت والله مريض !
ضحك هايف بسخريه وهو يمسك يدها بقوه:اجل انا الحين صرت مريضة ياسهى
قرب منها وهو ينحني ويقرب وجهه من وجها:انا مريض فيك وباخذك مابخليك لاي احد تفهمين؟
قشعر بدنها من قربه وحاولت انها تتمالك نفسها لانه للان تحبه وودها تقوله سبب بعدها عنه ناظرت فيها وهي تقول:هايف روح انت مو بوعيك ابداً
هايف بغضب وهو يبتعد عنها:انا اللي مو بوعيي ياسهى ولا انتِ؟ اصحي على نفسك لانك مو طبيعيه ابداً !
بعدت عنه سهى وهي تجلس جنب رائد وقالت بخوف:انت بخير ؟
غمض عينه هايف وهو يشوفها قريبه من شخص غيره بدال ماتهتم فيه اهتمت بشخص مالها فتره تعرفه حس بقلبه يتألم بسببها انصدم من افعالها وتصرفاتها معاه ورغم كل ذا هو يبيها يحبها ومايقدر يتركها
قال بسخريه وهو يناظر برائد:الحين عالج نفسك بنفسك يادكتور !
ناظر فيها بغضب وهو يقول:لا تنسين تساعدين مديرك
ابتعد عنهم بغضب وهو يشوف امه طلعت من الغرفه انصدمت نوره وهي تمسك وجهه بخوف:هايف وليدي شصار لك وش فيك ليه وجهك كذا ؟
حاول هايف يهدي نفسه وهو يقول:امي خلصتي اخذتي ادويتك يبعدي
نوره بخوف:خلصت بس انت فيك شي ياهايف ماكنت كذا اول ماجينا
هايف:نرجع البيت وتعرفين كل شي يأمي
قبل راس امه وهو يطلع معاها
-
عند فاتن وعبدالعزيز رجعوا للبيت بعد مامرو على السواق واشترت فات بعض الاشياء وكانهم فعلاً ازواج حقيقيين ولا كأن صارلهم اي شي من قبل فاتن وهي تحط الاكل على الطاوله:بلبس وبنزل عشان ناكل
عبدالعزيز ببتسامه:خذي راحتك
طلعت فوق وهي تدخل الغرفه قفلت الباب وهي تغير ملابسها (اقلبوا الصوره)رفعت شعرها وهي تحط مرطب شفايف كانت تحاول تخفي حزنها بأي طريقه نزلت وهي تدور عبدالعزيز حولها لاكنها ماشافته تقدمت وهي تناديه بأسمه طلع من المطبخ وهو يناظر بعيونها قال ببتسامه:امريني