وانا في درب الهلاك ظهرت لي ياملاك

75

" لا استبيح القراءة بدون لايك "
دخل هايف وهو يشوف ابوه يبكي ارتمى بحضنه وانهار معاه وهو يتذكر كل حدث صار معاه !
سياف:بسم الله عليك يابعد روح ابوك ياهايف والله انك رجال الحمدلله انه رزقني فيك كل مره تثبت لي انه ينوثق فيك ليه ماقلت لي انك طول هالفتره تعاني والله لأشيل كل حزن يملي صدرك !
مانطق هايف وكان يبكي بشكل يقطع قلب سياف واردف:وين امك ابي اروح لها واشوفها
هايف:ابشر وانا بعد ابيكم بموضوع مهم يأيبه
سياف:اشوف امك ونتفاهم بعدين
مسح هايف دموعه وكان باين بشكل كبير انه كان يبكي
كان هايف يساعد ابوه لاجل يقوم وطلعه من الغرفه متوجهه لغرفة امه طق الباب وسمع الاذن من امه ودخل بخفه وكانت ريناد معاهم اول ماشاف سياف نوره توجهه لها وقبل راسها وهلت دموعه بدون قدره منه ريناد كانت مستغربه من كل شي وليه الكل يبكي انحنى هايف لها وقال:ريناد هذي ماما !
ناظرت فيه واردفت ببتسامه:ماما !
وركضت لها وهي تحضنها وشدت عليها نوره بشوق كانت ليله سعيده ومحزنه بالنسبه لهم وبالنسبه للجميع مر اليوم وكان مرهق للبعض
-
اليوم الثاني
عند ايثار دخل طارق عليها وقعد جنبها على السرير وسألها:شقلتي ؟
تنهدت ايثار بتردد واردفت بخوف:موافقه والي فيه الخير يصير !
حضنها طارق وبدت دموعه تتساقط بحزن على بنته بس مابيده حيله شدت على حضنه وهي تقول:لا تبكي انا راضيه !
طارق:الله يسعدك ويوفقك يابنتي
طلع طارق من الغرفه واتصل على رماح وسرعان مارد عليه
طارق:السلام عليكم
رماح:وعليكم السلام
طارق:متى تخطبون رسمي ؟
سكت رماح بصدمه ونطق ببتسامه:وافقت ؟
طارق:ابشرك
رماح:بكرا ياعمي وحنا عندكم
طارق:الله يحيكم
-
قام رماح والابتسامه شاقه وجهه ركض للصاله عند امه وابوه
منيره:يوهه وراك تراكض انت !
قعد وهو يقول:السلام عليكم
حمدان:وعليكم السلام وراها الابتسامه شاقه وجهك ؟
رماح:ابد بس يمكن وافقوا وبكرا بنروح نخطب
شهقت منيره ولاكن سرعان مازغرطت بفرح وهي تقول:ابي السوق يبيلي ملابس ووش بتاخذ ورد للبنت وبدري بكرا ياولد !
اردف رماح: لا لا شدعوه مب بدري و يمه ابي شوفه شرعيه بعد بنفس الليله
منيره:ماتستحي انت شوفه شرعيه وبنفس الليله خلها بعدها
رماح وهو يصر على منيره:يمه تكفين !
منيره بصرامه:اعقب مافي !
رماح:ييمهه !
منيره:عطني رقم امها وانا اكلمها
رماح:من عيوني يبعدي
منيره:اقول اسكت
-
رماح طلع برا ودق على هايف الي رد عليه بلهفه
هايف:ياهلا برماح شلونك
رماح:الحمدلله بخير دامك بخير مدري ليه احسني اسمع صوت ابتسامتك
ضحك هايف:لا تلومني اليوم اهلي طلعوا من المستشفى وبوديهم البيت حالياً
رماح:الحمدلله على السلامه
هايف:الله يسلمك
رماح:اسمع اول ماتوصلهم جمع العيال وتعالوا بيتي ورانا يوم طويل
هايف:ليه؟
رماح:لا تسأل يوم تجون بتعرفون
هايف:ابشر
-
بعد مده تجمعو العيال وكان رماح متكي على سيارته واول ماشافهم تقدم منهم وهو مبتسم سلموا على بعض
ونطق رماح:مافي مبروك
استغربوا العيال وسأل هايف:على وش؟
رماح:بكرا بخطب رسمي يعيال !
انصدموا العيال وسرعان ماحضنه هايف:مبروك ياعين اخوك مبروك
شد عليه رماح واردف:الله يبارك فييك يابو سّيياف
وبعد عنه هايف وتقدموا باقي العيال وهم يحضنونه ويباركون له اردف زايد:بكرا وماقلت لنا مافي وقت يولد !
رماح غمز لهم وهو يقول:عشان كذا قلت لكم تجون
تذمر سعود وهو يقول:لا تكفى لا تقول بنلفلف والله مالي خلق
رماح:للاسف يلا يلا امشوا مافي وقت وراكم واجد اشياء
طلعوا العيال متوجهين للسياره
-
عند ايثار دخلت عليها امها (سويره)واردفت:ترا رماح يبي خطبه وشوفه شريعه وبكرا جايين
ايثار بصدمه:اميي شفييه هذا مستعجل لهلدرجه !!
سويره:مدري والله بس خذي سجى وروحي السوق سرييع يبيلك اشياء
ايثار:ماودي
سويره :اقول اخلصي قومي
ايثار:طيب ابشري خلاص
طلعت سويره وسرعان ماتصلت ايثار بـ سجى وبعد مده وصلت سجى ونطقت:يلا قومي البسي وطلعنا اخلصي
قامت ايثار وكانت تلبس عبايتها وهي تتذمر
سجى:خلاص ازعجتيني السايق ينتظر يلا
ايثار:يلا امشي
-
عند البنات بالمستشفى كانوا يساعدون سهى تقوم لانها بتطلع خلاص توجهت سهى لاحد الكراسي وقعدت بتعب ولاكن وصلتها رساله من هايف وكان محتواها"عندنا خطبه وابيك انتِ وخوياتك تحضرون اول ماتوصلين بيتكم راح تلاقين مبلغ جهزوا نفسكم فيه"
ردت عليه سهى"مستحيل هايف اخذ منك اي مبلغ "
هايف"سهى عشاني هالمره "
سهى"ماقدر ياهايف شنو بقول للبنات"
هايف"سهى اعتبريها دين بس ابيكم تحضرون وتتعرفون على البنات الموجودات لان ضروري تصيرون خوياتهم"
سهى"طييب بس ديين"
هايف"سَمي وكلت امري لله،الفلوس تلقينها تحت الفرشه الي عند الباب"
سهى"تمام"
سهى:بنات بنرجع وعندي موضوع لكم
ايلاف:وشو
سهى: يوم نرجع بتعرفون
-
عند ايثار وسجى كانوا قاعدين يدورون فستان للشوفه شهقت سجى بدهشه:ايثار شوفي هالفستان !
ايثار برفض:لا تفكرين فيها مستحيل مبالغه بشكل كبير
سجى:تكفيين ايثار والله بيطلع حلو عليك وفوق كذا يهببل عجييب تكفين !!
ايثار:لا اوفر شفيك انتِ !
سجى:اييثار عششانيي يبنت تكفين !
ايثار بتردد:خذييه وافكر البسه او لا
سجى:بتلبسينه ان شاء الله ليه ماتلبسينه
ايثار:افف منك الحين خل نشوف فستان لك
التفتت ايثار وشافت فستان وابتسمت وهي تقول:شوفي ذاك
ناظرت سجى:اوففف والله طلعتي ذوييقه يابنت
ماعرفتك !
غمزت ايثار لها وهي تقول:اعجبك
-
عند سهى كانوا البنات قاعدين بالصاله اردفت سهى:بنات في خطبه بكرا وبنروح
ايلاف:غريبه خطبه نعرف احد حنا !
التفت جمان لها وتقدمت وهي تجلس جنبها:اي خطبه !
سهى:تعرفون العسكري هذاك الي اسمه رماح؟ هي تكون خطبته
ناظرت فاتن فيها باستغراب وهي تعقد حاجبها:اي ووش لنا صلة فيه
سهى:هايف عزمنا ويقول اننا لازم نتعرف على البنات وفوق كذا جمان هو يكون ولد عمك يعني مو مشكله
جمان:ايه ومن ويين لنا فلوس
سهى:هايف عطاني بس راح ارجعها له ونعتبرها سلف
ايلاف:الخطبه بكرا وانتم قاعدين حالياً تسولفون
فاتن:اي والله وهو توه يقولك وبعدين يبيلنا نروح السوق
سهى:طيب ايلاف اطلبي تاكسي وبقوم ابدل ونطلع
ايلاف:تمام
-
عند العيال كانوا واقفين بنص السوق
هايف:اقول بروح اشوف ثوب من يجي؟
عبدالعزيز:معك
سعود:معك
زايد:وانا وفارس رايحين مع رماح جيبوا لي ثوب معكم
فارس:انا يبيلي بعد
هايف:اذا لقيت زينه جبتها
رماح:امشو باخذ عطر
زايد مسك يد فارس وسحبه وهو يقول:اقول انت ترا مو عرس خطبه والله !
رماح ابتسم:قريباً عرس !
دندن رماح:من بعد مزح ولعب اهو صار حبك صحيح
فارس:لا اشوفك تغني ثاني مره
رماح:اسكت بس سلكنا لك لا تزودها
زايد:بدينا بالبزارين
رماح:اقول تراك اصغر مني اهجد