وانا في درب الهلاك ظهرت لي ياملاك

78

78
" لا استبيح القراءة بدون لايك "
عند البنات وصلوا البيت الساعه
1:25
سهى بتعب ارتمت على الجلسه:افف شرينا اشياء كثيره
ايلاف:يبيلنا ننام لان حالياً الساعه 1:25 مانبي نتاخر بكرا
سهى:يلا اجل ادخلوا ناموا
دخلوا البنات ووصلت رساله لسهى وفتحت جوالها وسرعان مابتسمت كان محتوى الرساله"خلصتوا يبعد قلبي؟" ردت عليه "ايه تونا راجعين من السوق" رد عليها"طيب نامي لا تتعبين بكرا"ردت عليه"ان شاء الله بنام،بس انتو خلصتوا؟"رد عليها "للان نفرفر تعبني هالرماح" ردت عليه"تستاهل" رد عليها"مقبوله منك ينظر عيني " ردت عليه سهى "احبك" ولاكن سرعان مارمت جوالها وهي تقوم ماتدري ليه تركت جوالها بس راودها شعور الخجل من هايف !
-
عند العيال
كان هايف ذايب وهو يتأمل كلمة احبك الي كتبتها سهى له وكان مايقدر يخفي ابتسامته ابد تنهد وهو يقول:يالله بأقرب وقت حلالي
ناظر فيه رماح وابتسم وهو يقول:اللهم امين وين قلب هايف ؟
ناظر زايد فيه وهو يشوف هايف حاط جواله على صدره ومبتسم وهو مغمض عينه:الولد خفييف يارجال
كان هايف متجاهلهم وتفكيره مع سهى وبس
ارتمى رماح على مقعد السياره وهو يقول:تعبت من الفرفره ياخي بنام شوي
سعود:كلنا تعبنا والله خل نرجع يارجال
رماح:تخسى مانرجع باقي كم شي
وبعد مده سكت رماح وكانوا العيال يسولفون والتفتو له وكان نايم بعمق ناظروا بعض وغمز زايد لعبدالعزيز الي فهمه على طول واخذ اقرب علبة ماي ورشها على رماح الي قام بفزع وسرعان مانفجروا ضحك وادرك الي سووه فيه وناظر فيهم بغضب:ياورعان مو وقتكم والله ناقصكم انا !
زايد كتم الضحكه وهو يقول:شصار
عبدالعزيز :هدي هدي بس عشينا يحلو انت كل هالفرفره جعنا ترا !
رماح: بعشيكم تراب وجع المشكله مالي خلقكم ولا كان قمت وادبتك انت وياه !
غمز فارس:مالك خلقنا ولا تحبنا ؟
رماح:بنرجع البيت ابرك لنا
-
اليوم الثاني عند العيال كانوا كلهم متجمعين ببيت رماح وكانوا يتجهزون وصرخ زايد:يالليل الي اخذ غترتي من ؟
عبدالعزيز:مدري شوف فارس او سعود
سعود:انا ماخذ جديده يمكن فارس لابسها
توجهه زايد لفارس وشافه وهو ماسك غترتين سحب حقته وهو يقول:ما شاء الله شتسوي غترتي عندك
فارس:اثرها غترتك مادريت والله بس عجبتني هاتها
زايد:تعقب ماتحلى الا علي
عند هايف راح لرماح وهو يقول:اسمع متى بنروح عشان اكلم اهلي يجون بعدنا
رماح:بعد المغرب
سعود:اقول انت وراك متحمس خلها بعد العشاء احسن
رماح:مسستحييَل يارجال من متى وانا أنتظر هاللحظه؟
فارس:سعود عمي عبدالله بيجي؟
سعود:اكيد بيجي
زايد وهو يسحب البخور من يد رماح:طيب بتروح تجيبه انت ولا بيجي بسيارته
سعود:بسيارته
صرخ رماح وهو متوجهه لعبدالعزيز:عبدالعزيز خلصت؟
عبدالعزيز:بلبس نعالي وجاي
رماح:يلا مانبي نتأخر بيتهم بعيد !
عبدالعزيز طلع من الغرفه وهو يقول:يلا يلا
-
عند البنات الي خلصوا لبس وكانوا يبهرون بشكل كبير
طلعت ايلاف ولبست كعبها:بنات خلصتوا؟
سهى وهي تلبس عبايتها:انا عن نفسي خلصت شوفي فاتن وجمان
ايلاف باندهاش:الله الله سهى تهبليين !
ابتسمت سهى وهي تقبل خدها:طالعه عليك
ايلاف نطقت بغرور:لا تنسين اني انا الي اخترت فستانك
سهى ناظرت فيها وهي تشمق:مابنسى معليك
طلعوا فاتن وجمان من الغرفه مع بعض وكانوا البنات مندهشين من بعض ونطقت فاتن:شفيكم طالعين حلوين بزياده !
جمان:يمه احس ماعرفكم !
سهى:اقول لا تبالغون عاد مشينا
طلعوا البنات بعد ماوصل التاكسي
-
عند ايثار كانت قاعده بتوتر ودخلت عليها سجى وهي تقول:شلون حلوتنا
ايثار بخوف:بموت سجى تكفين مابي
سجى:معليه الحين اول ماتشوفين الجنتل مان بيخف التوتر
ايثار بغضب طفيف:وجع للان مانسيتيها !
سجى:وشلون تبيني انساها يحلوه ؟
ايثار:اقول شرايك تروحين تقنعين اهلي يخلون الخطبه بكرا او اي يوم والله بصيح
سجى:اهجدي المكياج لا يخترب
دخلت ام ايثار واندهشت اول ماشافت ايثار وقالت:ياصلاتي على النبي !
ناظرت فيها ايثار وابتسمت ولاكن سرعان مادمعت عين سويره
ايثار:امي لا تبكين والله ابكي معك بعدين كلها خطبه والله شبتسوون بعرسي انتوا
قعدت سويره جنب ايثار:شلون مابكي وبنتي قريب عروسه
حضنت ايثار امها الي شدت عليها وانهلت دموعها على كتفها بعدت عنها ايثار بهدوء وهي تمسح دموعها
ايثار:امي لا تببكيين !
سجى:وانا وش فايدتي ان شاء الله بروح انادي امي احسن لي
سويره:روحي مو وقتك
-
بعد مده وصلوا الكل وكانوا العيال قاعدين داخل مع اهل
ايثار نطق هايف:وين سعود !
رماح:جاي قاعد يتعطر بالسياره
ابتسموا العيال يوم قرب من عندهم ولد عم ايثار وهو يقدم لهم القهوه ابتسم رماح ونطق:يعطيك العافيه
ابتسم ولد عم ايثار:الله يعافيك
-
عند سعود كان يتعطر وخلص ونزل من السياره متوجهه لداخل ولمح سجى ونزل راسه يحاول مايناظر فيها اعتقدت سجى انه متحرش و اخذت اقرب عصى ماحس سعود الا ضربه على ظهره صرخ:شفيك انتِ انهبلتي !
سجى:تتحرش وتقول اني انهبلت اجل !
سعود:اي متحرش يبوي خربتي الكشخه انا ضيف يابنت الحلال
كان سعود للان منزل راسه وماناظر فيها نطقت سجى بإحراج:اسفه والله مو قصدي
سعود:بهذلتيني !
سجى:قلنا مو قصدي وانتهينا لا تكبر الموضوع
ناظر فيها سعود لاول مره وسرح بجمالها وماقدر يزيح نظره ابداً عن عيونها الي خذته لعالم ثاني
حست سجى بنظراته:شفيك ؟
مارد عليها وكان يسترق النظر لها لاطول مده
سجى:لو سمحت !
نزل راسه وهو يقول:خلاص ادخلي حصل خير
نطقت سجى وهي تكرر:لو سمحت
صد عنها ونطق:شبغيتي
سجى:ثوبك من ورا توصخ خل احد يمسحه لك
سعود نطق بقهر:ياليل
وقفت سجى بصدمه من رده:وجع ليتني ماقلت له
دخل للرجال وشافه هايف واشر له يجي يقعد لاكن سعود غمز له وماكان هايف فاهم وكان سعود يهمس بصوت مو مسموع:تعال برا
كان هايف مستغرب ومايدري وش قاعد يقول ولاكن قام متوجهه له
-
عند البنات دخلت سجى داخل وشافت البنات وانصدمت لانها اول مره تشوفهم ولاكن توقعت انهم من اهل العريس وتوجهت لهم
سجى:اهليين
فاتن:اهلين فيك حبيبتي
سجى:من اهل العريس
ناظرت فاتن بسهى ونطقت سهى وهي تأشر على جمان:هذي تكون بنت عم صديق العريس وحنا صديقاتها
قاطعهم دخول ام هايف واول ماشافتها منيره فزت وهي تحضنها شدت عليها نوره ونطقت منيره:الحمدلله على السلامه يابعد قلبي
وكانت عيونها مليانه دموع بعدت عنها نوره:الله يسلمك بس لا اشوف دموعك !
ابتسمت منيره وهي تقول:عشانك والله !
قاموا البنات وهم يسلمون على نوره قربت نوره من سهى وهمست لها:بنت من ؟
قالت سهى بغصه:ميتين !
حضنتها نوره وهي تقول ببتسامه:الله يرحمهم يبنتي بس قبل لا تروحين تعطيني رقمك !
-
عند ايثار دخلت عليها امها وهي تقول:قومي العريس يبي يشوفك يلا
ايثار:ييمه والله اني خايفه مقدر !
سويره:اقول سمي بالله وادخلي ومابيصير الا الي كاتبه ربي يلا
ترددت ايثار وهي تقوم:يمه مقدر !
سويره بحده :اييثار الرجال ينتظر !
مسكت يدها وهي تقومها لاجل تدخلها عند رماح كانت ترتجف بشكل هستيري !
-
عند رماح كان قاعد ينتظرها بالمجلس لحاله سمع صوت الباب وفز وهو يعدل غترته دخلت ايثار وكانت ترتجف ناظرها باستغراب كانت منزله راسها ووجهها محمر
نطق رماح:ارفعي راسك
رفعت راسها بتردد واول ماشافها بلع ريقه من جمالها الي كان يفتنه بكل مره وانهزم رماح عند ايثار للمره الثانيه نطق بنفسه(يالله ثبتني)قرب منها ولاكن بعدت عنه بخطوات بطيئة سحبها من خصرها واصطدمت بصدره
رفعت راسها ونطقت بخجل وخوف مختلط:رمـ ـمــاح وش قاعد تسوي !
رماح ناظر فيها ونطق:لا تسأليني وانتِ مضيعتني !
نزلت راسها بخجل وهي تقول:خلني ابعد شوي بيتوصخ ثوبك من المكياج
رماح:ويتوصخ شعلي فيه انا ! اما عن البعد والله مابعد عنك وانا توني القى ذاتي يابعد رماح !
ايثار:رماح
رماح وهو ذايب والدنيا مو شايلته من الفرحه:بعد قلبه امري
رفعت راسها وهي تناظر فيه وسرعان ماقرب منها وهو يقبل شفايفها بحُب ارتعش جسدها وشد عليها وهو يحاوط جسمها بالكامل استسلمت ايثار بين يده بضعف وكانت تحاول تبادله حست بشعور غريب بداخلها بعد مده حس فيها تضرب صدره بخفه دليل على انها اختنقت بعد عنها واردف:هو صحيح احنا التقينا يأيثار !
كانت ايثار مصدومه من تصرفاته لانها ماتوقعته حَنون بهالشكل