وانا في درب الهلاك ظهرت لي ياملاك

93

"لا استبيح القراءة بدون لايك"
ابتسمت فاتن:خلصت امش ناكل
عبدالعزيز:يلا جاي بجيب العصير بس
فاتن وهي تقعد على الكنبه :تمام
شغلت فلم وهي تنتظره جا وقعد جنبها اقترب منها وهو يقبل عُنقها وأردف ببتسامه وهو متخدر من ريحَتها الي اخذت عقله:ريحتك حلوه !
قشعر بدنها وهي تحس بأنفاسه الحاره على عُنقها:العطر الي شريناه قبل شوي
ابتسم وهو يستنشق راحتها مره ثانيه:حطيه دايم ، أسرني
حاولت تمنع خجلها انه يسيطر عليها تماماً وقالت:ابشر، بس الاكل لا يبرد
ضحك عبدالعزيز وهو يبتعد عنها بخفه:جوعانه واجد؟
فاتن:لا مو لهلدرجه بس عشان الاكل لا يبرد
ناظر فيها وهو يقول:ولا عشانك مستحيه؟
نزلت راسها بخجل وهي تقول:ليش استحي مثلاً
رفع ذقنها بيده وهو يقبل ثغرها بخفه:يلا ناكل اجل
-
عند رماح الي وصل لبيت ايثار ودق عليها:حبيبتي انزلي انا تحت
ابتسمت ايثار بخجل وهي تقول بهمس:حبيبتي
لاكنها تجاهلت وهي تقول:طيب حبيبي نازله
ابتسمت سجى وهي تقول:حبيبي !!!
ايثار:انطمي وجع ياسجى
نزلت بسرعه و هي تفتح الباب بخفه وقالت ببتسامه:هلا
قال رماح ببتسامه:اصبري قبل كل شي شقلتي بالمكالمه قبل شوي
ايثار باستغراب:شقلت ؟
رماح:يوم قلتلك حبيبتي وش رديتي؟
ايثار:طيب نازله؟
رماح :قلتي شي زياده !
نزلت راسها بخجل وهي تقول:حبيبي ؟
قال رماح ببتسامه وهو مو مصدق قد ايش الكلمه طالعه منها حلوه:سامحيني
اقترب منها وهو يقبل خدها بسرعه شهقت بخجل وهي تقول:رماح لا يجي احد من اهلي
رماح:احبك يايثار احبك
ايثار بخجل:خلاص وقف اعطيني ادخل الاغراض
رماح بخوف وهو ذايب تماماً:شرايك ادخلها انا اخاف ثقيله عليك
انصدمت ايثار من خفته معاها وقالت:لا معليك إذا كنت زوجة رماح مابكون ضعيفه ابداً
ابتسم رماح:لبى قلبك
اخذت منه الاغراض وهي تدخلها وقالت:كأن الاغراض كثيره
رماح:جبتلك عشاء وقهوه بعد
ايثار:كذا كثير يارماح
رماح:بدون اي كلام كلي وقبل لا تنامين دقي علي
ايثار:طيب يلا روح
رماح بحزن وهو يتذكر انه لازم يروح الحين:مقدر
ايثار:ليه؟
رماح:احبك مقدر اخليك
دفعته من الخلف بضحكه وهي تقول:يلا مع السلامه لا تورطنا
ضحك وهو يصرخ:احبك
ايثار بخوف وهي تدخل وتسكر الباب بسرعه:يويلي
ضحك على ركضتها وهو يتوجهه لسيارته
-
عند سهى الي كانت قاعده مع رائد وهو يداوي جروحه قالت:اسفه
ناظر فيها وقال:ليه تتأسفين؟
سهى:لانه بسببي صار فيك كذا
رائد:قصدك بسببه
سهى:بسببي لو ماكنت جالسه معاك ماصار لك كذا
رائد وهو يحاول مايبين قهره:انتِ للان تحبينه
سهى:ليتني بس احبه اعشقه والله مب بس احبه
رائد:طيب دامك تحبينه ليه بعدتي عنه؟
تنهدت بضيق:لانه غصب عني أنا رايحه يارائد
طلعت من الغرفه بضيقه ورمى رائد القطنه بغضب من يده تنهدت سهى وهي تعرف ان رائد معجب فيها وتعرف نيته لاكنها ماتقدر تفكر إلا بهايف توجهت لغرفه البنات ودخلت وهي تقول:جمان جهزي ملابسك واغراضك لان بكرا راح تطلعين
ابتسمت بحماس:واخيراً
لاكنها ناظرت في ايلاف الي كانت قاعده تهوجس وسهى الي كانت ضايقه هي بعد ماكانت بخير بس مابينت لهم نطقت:شفيكم؟
ايلاف:بنترك فاتن طول هالفتره معقوله؟
سهى:اي والله لازم نصالحها قالت انه غصب عنها وانننا لو عرفنا بكل شي راح نكره عبدالعزيز
جمان بخوف:لايكون عبدالعزيز غاصبها !
ايلاف:مستحيل يسويها لا تنسين فضله معانا وكل شي سواه عشاننا مستحيل
سهى:اي والله بالنهايه هي كانت معجبه فيه لا ننكر
جمان وهي تتقدم من سهى وتحضنها:بنروح لها قريب لازم نصالحها هي اختنا بالنهايه
اقتربت منهم ايلاف وهي تقول:لا تنسوني من حضن الضيقه
ابتسمت سهى بخفه:ناقصتنا فاتن
غمضوا عيونهم وهم يشدون الحضن جمان:بنات وقفوا هالحركات وخصوصاً الضيقه ذي لازم نصير اقوى ونرجع مثل قبل
سهى وايلاف بنفس الوقت:تم
-
اليوم الثاني عند سهى الي طلعت للخارج وهي تجلس على احد الكراسي وصلتها احد الرسائل من المجهول وهو يقول:نجحتي بالمهمه الاولى المهمه الثانيه حب جديد
تجاهلت الرسأله بغضب ولاكن سرعان ماجا رائد وهو يقول:السلام عليكم
ردت:وعليكم السلام ماكان ناقصني إلا انت
رائد:شدعوه شقاعده تسوين
سهى:قاعده على جوالي مثل مأنت تشوف
رائد:بس ؟ ماتحاولين تطلعين حب هايف من عقلك
سهى:احاول بس مقدر
رائد بتلميح:عشان يطلع من قلبك لازم احد بداله
قالت سهى وهي تقوم:مستحيل يجي احد بداله يارائد لا تحاول بعدين قم روح ابي اقعد لحالي
رائد:ماراح اروح
سهى بغضب طفيف:خلاص اجل أنا الي بروح
كانت بتروح لاكنها رجعت بغضب وهي تقول:وليه اروح أنا
جلست على الكرسي وهي ترجع تتفرج بجوالها
-
عند هايف كان قاعد مع فارس الي قال بقلق:يارجال لا تورطنا
هايف:يولد معليك وراك انت الخطه كالأتي خذ لون احمر وبشقق ثوبي وحطه علي ودخلني المستشفى وانت تصارخ

فارس:شجوك انت أنا اصارخ اذلف بحاول امثل
هايف:عاد ناجح انت بهالحركات
فارس:انطم بس من وين بنجيب الالوان؟
هايف:انت غبي لهلدرجه من مكتبه الوان مأئيه يشيخ ومعها شوي ماي الوضع تمام
فارس:والله الوضع لا قفطنا احد تراب
هايف:لا تتفأول علينا يالدلخ
فارس:طيب يلا قم نجيب الاشياء
-
عند جمان كانت قاعده بالغرفه وهي تلم اغراضها قالت ايلاف:انا نازله اجيب اكل وادور سهى عشان نفطر مع بعض
جمان:تمام
طلعت ايلاف وبدات الهواجيس تاخذ جمان وهي تفكر بزايد ابتسمت وهي تتذكر لحظاتهم مع بعض فجاة سمعت صوت عند الشباك التفتت وهي تشوف زايد الي كان متلثم عرفته من عيونه قالت بخرشه:وجع وش تسوي انت هنا
قال بشبه غيره:من الي تفكرين فيه وانتِ تبتسمين؟
جمان بأستفزاز:وانت وش دخلك
زايد بغضب طفيف:جمان لا تستهبلين
ضحكت وهي تقول:انت الي تستهبل والله شجايبك هنا الناس الطبيعيه تدخل من الباب وانت من الشباك انهبلت؟
ناظر فيها وهو يتأمل ضحكتها:يشيخه لو دخلتي من الشباك بتضحك كذا بدخل منه كل يوم وبصير مهبول لعيونك
جمان:مافيها كل يوم اليوم بطلع
زايد:اشتقت لك
جمان وهي تحاول تستفزه:وانا ماشتقت
زايد:افا وانا متعني اخر شي مب مشتاقه !
جمان:ايه تبي تروح روح
مثل زايد انه بيطيح وتركت كل شي بخوف وهي تركض له مسكت يده بسرعه لاكنه ضحك وهو يقول:تخافين علي؟
تركت يده بغضب وهي تعاتبه:زايد وجع روحي بغت تروح مجنون انت
مسك يدها وهو يثبتها وبعد يده عنها وهو يقول ببتسامه:روحك بتروح معي؟
جمان:لا ماهمني !
زايد:متاكده؟
جمان:وقف هالحركات يازايد !
زايد:طيب شسوي مو معبرتني
جمان:لانك هالفتره كلها مو معبرني !
زايد:اسف ياجمان زايد اسف يبعد روحه اعذريني والله اني منشغل بكل شي
جمان:ونسيتني انا وياك مافي شي بيننا واضح يازايد ولا شي؟
زايد:طيب اعطيني وقت للاسبوع الجاي ياجمان و والله لا اخليك تغيرين فكرتك عن علاقتنا تماماً !
جمان:نشوف يازايد
زايد:طيب مافي شي قبل لا اروح
جمان:الله يستر عليك وانتبه لا تطيح بس
زايد:يلا استودعتك الله
نزل زايد وهو مايحس بشعور الرضى ابداً عند جمان الي كانت داريه انها قست عليه بس بالنهايه هي بعد تبي شي رسمي بعلاقتهم
-
عند سهى الي جات ايلاف نادتها قامت وهي تمسك يدها قالت ايلاف بهمس:شفيك معصبه عليه
سهى:وجع يبيني احبه ويقولي إذا تبين تنسين هايف لازم احد بداله
ايلاف:انهبل ذا مايسوى ظفر هايف !
سهى:اي والله يحسب نفسه شي وهو ولاشي رفع ضغطي
ايلاف:إلا صدق انتِ تبين تنسين هايف
سهى بغضب طفيف:ايلاف والله لا اذبحك تبيني اتقرب من ذا بعد