وانا في درب الهلاك ظهرت لي ياملاك

95

"لا استبيح القراءة بدون لايك "
عند العيال كانوا قاعدين بالمجلس ينتظرون الباقي يوصلون ماكان موجود الا زايد وسعود و رماح كان زايد يسوي الشاهي ناظر بسعود:شصار على سالفة خطبتك
سعود:ثلاث ايام واخطبها
رماح:ثلاث ايام وليه ماقلتلنا
سعود:انت شايف ان لي خلق والله مأودي اظلم بنت الناس بس عشان ابوي
قاطعهم دخول عبدالعزيز وقاموا جميعهم يسلمون عليه كان واضح عليهم اللهفه والشوق بسلامهم ابتسم عبدالعزيز وجلس جنب سعود:شخبارك
سعود:والله يعيال انتو تحسسوني اني بمصحه نفسيه ولا فيني شي كل مازانت الجلسه سألتوني شخبارك وشالوضع
ضحك رماح:يمكن منجد مريض نفسي
رمى عليه قاروره المويه وهو يقول:انطم
ناظر زايد بعبدالعزيز وغمز:الا وشلون العريس مع الحياه الزوجيه
ضحك عبدالعزيز:عقله طاير
رماح:واضح الله يجعلني خاروف مثلك بس
عبدالعزيز:بتصير كلب بعد مب خاروف بس
رماح:اعقب ابك انا رماح
قاطعهم دخول فارس وهايف ونطق فارس وهو يرفع حاجبه:اجل تضحكون بدوننا
ناظر هايف بعبدالعزيز وتقدم له وهو يسلم عليه وسلم فارس الي نطق ببتسامه:يامرحبا
زايد:تعالو شوفو الخواريف الي هنا وخويكم يقول خطبته بعد ثلاث ايام وهو مو طايق شي
هايف:واضح مواضيعكم ماتخلص
فارس:سعود ليه ماتبيها؟ الحب بيجي بعد الزواج صدقني
سعود وهو يتذكر عيون سجى:يأم العيون الوساع اليا تبينتي
هايف:الولد وقع على اساس مافي بعدها
زايد وهو يصب شاهي:خذ اشرب عشان تكثر الهواجيس الليله مافي رقود
عبدالعزيز:الا صدق بزواجك من بتجيبه للسامري
رماح:زايد موجود بس بنجيب خوي بعد
ابتسم عبدالعزيز بسعاده وهو يعدل جلسته:لا تقولها
رماح:اي والله
فارس بصدمه:بتجيب ريان؟
رماح:ايه افا عليكم
زايد:بنولعها مافي الا قوى فاللعب لا اشوف النوم
هايف:اجل برقد زين
-
عند البنات الي وصلوا لبيت فاتن وكانوا قاعدين يسولفون ايلاف:وش بتلبسون بالعرس؟
فاتن:للان مادري بس بشوف يوم نروح السوق
جمان:شكلي مابروح
التفتوا البنات لها باستغراب ونطقت سهى:ليه؟
جمان:ماقدر اشتري فستان
رفعت سهى حاجبها باستغراب:على كيفك ؟ تقدرين تشترين شدعوه !
جمان:احس اني عبئ صدق مامزح كلكم تشتغلون الان انا مثقله عليكم
ايلاف:شقاعده تقولين حنا اخوات مافي اخوات يثقلون على بعض عاد !
سهى:عيب عليك من متى وحنا نختلف على فلوس
بعد ثلاث اسابيع يوم الخميس
كانوا البنات بالسوق يتجهزون لاخر يوم وقفت ايثار بحيره وهي تقول:بنات الكعب هذا حلو؟
جلست سهى على احد الكراسي وهي تقول بتعب:ايثار والله انه حلو تكفين اقتنعي ثلاث اسابيع وحنا ندور بالسوق تكسرت رجلي
ايثار:مافي كعب عاجبني شسوي بس ذا يجنن
سجى:ايه هذا يجنن اشتريه
ايلاف:طيب بنات انا ماشتريت لا كعب ولا اكسسورات وهذا اخر يوم
فاتن:نبي العروسه تخلص اول وبعدين المحل كبير دوري كعب
ايلاف:جمان تعالي معاي
مسكت جمان يدها:يلا
ايثار بتوتر:بنات احس مابي اتزوج
صرخت سجى بصدمه:وش
سهى:بعد وش والله بزوجك غصب عنك
ضحكت فاتن:هدوء البنت متوتره وانتِ زودتها
ضربت سهى كتف فاتن بخفى:وقته انتِ يعني هالضحك
فاتن:نفسيات وجع والله اني متحمسه البس الفستان وارقص بحلل العرس
ايثار:تعجبيني
فاتن:افا عليك ،
ضحكت وهي تكمل كلامها:بس خلوني اكلم زوجي الحين
سجى:يالليل بيصير عندي خويتين متزوجات
ايثار:معليكم كلامكم بتلحقونا
ناظرو سجى وسهى ببعض وانفجرو ضحك
-
عند العيال كان سعود نايم من التعب والباقين ياكلون بالسياره نطق رماح:يعيال غترتي للان ماجبتها
زايد:وانا ورطني الخياط الثوب وسيع ووديته عنده قالي اليوم استلمه
هايف:وانا ماشتريت غتره
فارس:محد قالكم في احد يشتري هالاشياء قبل العرس بثلاث ايام
وصل عبدالعزيز اتصال رد ببتسامه وهو يقول:لبيه
فاتن:شقاعد تسوي؟
نزل عبدالعزيز من السياره:ابد والله قاعد مع العيال وانتِ
فاتن:قاعده اكمل اغراضي ولا تشتري نعال (يكرم القارئ) انا اشتريت لك
ابتسم عبدالعزيز بسعاده:يالبيه ياشيخه أنا أعشقك
ضحكت فاتن وهي تقول:يلا مع السلامه
عبدالعزيز:انتبهي لنفسك
-
عند البنات كانوا طالعين من السوق بعد مانتهوا نطقت سجى:ايثار يبيلك ترتاحين
سهى:منجد اربع اسابيع مانمنا زين وانتِ العروسه خصيصاً يبيلك تنامين زين
ايثار:طيب بنات بس ابي امر على الصيدليه في اشياء ابي اخذها

فاتن:تمام حتى أنا ابي اشياء
جمان:تدرون شحتاج أنا الحين بندول لاني مصدعه وجوعانه مستوعبين اننا من الصبح مو ماكلين
سهى:اي والله بموت من الجوع
سجى:انا ابي انام دايخه
ايلاف:انتو ماغير تزنون خلاص دوختوني
ايثار:الا صح بنات بكرا تجوني
سهى:بكرا عندي دوام مقدر
ايثار:تكفين سهى بعد بكرا عرسي تكفين
سهى:والله مو على كيفي تبينهم يفصلوني مدري إذا رائد بيخليني بعد
ايلاف:مو هو يحبك استغلي الموضوع
سجى:وجع ايلاف مو وقتك هذا حل بالله
سهى:اسكتي بس مابروح عنده بعدين بيصدق نفسه مو ناقصه انا
ايلاف:اكلوني بعد قاعده ادور لكم حلول
-
العيال كانوا عند الخياط وقف زايد وهو يقول:ياصديق هذا عندك يومين وانتا مافي سوي بكرا زواج !
الخياط:أنا في انسى خلاص خلي بكرا انتا تعال
زايد:مافي بكرا ماعندي وقت سوي الحين بيروح ويجي
رماح:لا اتاخر عن تسليم غترتي وعبدالعزيز يبيله حذيان (يكرم القارئ)
عبدالعزيز ببتسامه:لا مايحتاج خلاص
ناظر فيه فارس وغمز:ياحظ المتزوجين بس 
استوعب وهو يقول:يعيال وين سعود
عبدالعزيز:نايم بالسياره رح شوفه وتعال عشان ياخذ كبك من المحل الي جنبنا
قام فارس:يلا بروح له
ناظر بزايد وضحك:وانت تفاهم مع الصديق
هايف: اقول انقلع بس شف الي نايم ذا
زايد:شكلي بحظر بدون ثوب
ضحك هايف:كل ذا عشان السامري مب صاحي انت والله
لايكون ممسوس
زايد:اعوذ بالله منك
-
عند فارس الي راح يصحي سعود الي كان نايم وهو يحلم بسجى اقترب منه فارس:يورع سعود قم
ماستجاب له مسك يده وهو يهزها:ياولد سعود افلح وقم 
سحب سعود فارس لحضنه ظن منه بأنه سجى ضربه فارس على يده بقوه وهو يقول:وجع انهبلت انت
صحى سعود من ضربه فارس:اعوذ بالله وش تسوي انت هنا كسرت يدي
فارس:انت تحلم بالحب روعتني يورع
سعود:مالورع الا انت مو وقتك والله
فارس وهو يسحبه:اقول قم بس اخذت عقلك لدرجه الحلم انت وصلت لمرحله صعبه قم بس نجيب الكبك حقك
سعود وهو يمسك يده بألم:يد ذي ولا مضرب كسرت يدي
فارس:قل ماشاءالله بس عيونك حاره
سعود:ماشاءالله ماقلنا شي